Matááyo 6:5 - Fayam Midhab Yiesu Kiristoká He Hol Af Iđiny Kaanaká

⁵ Af giri hí Waag vivisatoká haí hát gál hol egewallá chéen. Gál kinaallá Waag vivisatká ény ˈdiiyiminyká ubaa ˈjien hursam lođuđaat gaa ˈdeˈdeen-, gálaat hol aargisuoká he fede. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:5 ပူးပေါင်းရင်းမြစ်များ

Matááyo 21:22

He lullé hí Waag ki vivisata-, hí Waag rogononnoká hát hí aargiˈdoká hí iiy chieka, haí aargiˈda. Yíésu hí gáál yie.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 23:5

Gaal íín héllé lulle ˈdabaan he ekemesetká gálaat hol aargisuoká he fede. Gaal saaw ˈdéé hót Waaˈgiet ˈgayyo-, he met bala ki higisatká ebá guguđáan! Héétí halum gáál đafaraamle ki ˈgiiyyoká ebá ˈdeˈdíer!

Matááyo 23:6

Gálallá alb he koonyietká albléká alb gál ˈduuˈdúwaká he hol ki fede, ubaa ény ˈdiiyiminyká karm biiy metoká ˈdú yíéđianká he fede.

Matááyo 6:1

Yíésu geđi gáál geey, kieye, Af giri hí hé midhabká ekemeychoká hol ˈdeeˈdemíe! Haí tawuny gálle gálaat hí aargiro-, hí memeyoká ˈgíiny. Har hí hát kinaal ekemesetoka, it hé shiicho-, ˈJaa kíchia úr ijoká onnônyka hí shigieká ma aargiriny.

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:2

Aaléka, kúún har gál he hí ki ˈgierˈgereká he shigichoka, ha faˈd af gaa kóon, ˈdiyíminy. Ha hát gál hol egew-, ény ˈdiiyiminyká ubaa ˈjien hursam gálaat he gaa shiguo-, gálaat hí memeyoká fedóóllá chéen. Yú hí hé ˈdúwaká geeye, gál hol egew-, hatallóóllá héllé shiichoká hé lésallá gaa argééllá tákáma.

Matááyo 9:38

Máá Guđo-, ˈguom léká heetíe, muí gállé hí hujich ki nannuoká lesam ali ˈdú fuo, gaal hí mú ˈguom kí muro, Yíésu hí gáál yie.

Márko 11:25

Aalé hí ali ki ˈdiiyye-, hí Waag vivisatoká gál hí he ki ˈdeeneyká ˈdú ˈjée, héllé hí ki ˈdeeney kinaal hayyíe. Hát kinaallá in ˈJaa kíchia úr ijoká hé hí ˈdeeneycheká haađia, hí ˈdú ˈjeeme.

Márko 12:38

Aalé Yíésu gáál he oonisieká kieye, Gál nyatalaam halúg đafaraam ˈdeˈdier les đigká fafaat-, gálaat in gaa muurshaw-, tá gaalí alb hoyyoká naa gaa yegetká fedóóllá, hol ˈdeeˈdemíe.

Lúka 11:43

It Farisaayallo, onnóo! Itín it tág ény ˈdiiyiminyká karmlé biiy met ˈgieká ˈdú yíéđianká feˈde. Héétí alb himiká hí gaa seseenne-, gálaat hí naa yegetká tág it úba feˈde.

Lúka 18:1

Yíésu lalille hát hibietká geey, giri gaal Waag aadh lulle vivisat-, ma giinanyká.

Lúka 18:13

Aalé máá giri gibíre gugusatká íín tagéétí ki ˈdie, mé les ki ˈdoy, hé úba mé les ma gaa éeny, úr ma ki fuˈjîny. Mu hol ˈdeente, kieye, Waag, yáá ađááb ˈgúóllá, geer hí ko ye ˈdú guat, yie, Yíésu hí gáál yie.

Lúka 20:47

halúg gálle ˈdeg híyeská tagano ki ˈdeˈdeen-, hol gál ˈduuˈdúwaká hođuo-, Waag visan hí met ˈdeˈdierallá! Gál yaalmit kinaallá gaa seseenká bár ˈdaatika súmo he il hí aargiˈda, Yíésu hí lalille yie.

Lúka 6:24

It kaamúrééllá onnóo! It hé kíchia midhabká argiyye.

Yuána 16:24

It hátle hé hí ˈdaa meenychú ki ruogonneká mán. Roogonóo, he haí aargiˈda, ger súm haí gaa meedhe.

Eféso 6:18

Hé kinaal hí ekemeychoká aadh lúl Waag gil ki eegefée, viivitíe. Hím Naasan Waaˈgiet hí fargogint hí Waag ki vivisataká shiigicho. Biiy ˈdeeˈdemíe, haí ˈgoróminy, gál Kiristo lulle Waag ki viivitíe.

Dhesaloníke Erká 5:17

Waag viivitíe.

Yákob 4:6

Tá Waag hé tág súm muun gáál ˈdú ˈjeˈjeen. Héél ˈdugaka in Warˈgat Waaˈgiet kieye, Waag hé gál hol memeyoká điđidhan, tá gál hol ˈdúúw ririanká ˈdú ˈjeˈjeen, chie.