Matááyo 6:4 - Fayam Midhab Yiesu Kiristoká He Hol Af Iđiny Kaanaká

⁴ giri hé kua shiichóóllá kúólle af hí ko ki ˈgiidhoká. ˈJaa kua úr ijoká hé kaany gaa ijoká argóóllá hé kua midhab-, ekeycheká shíícholle hai ko shigia.

Matááyo 6:4 ပူးပေါင်းရင်းမြစ်များ

Matááyo 10:42

Tá yú hí hé ˈdúwaká geeye, máá gál chia niginííllá mú tikiˈd ˈdaa giri mu he lalichúká mú úba bíé abunaká shuoká, máá mú bie shie kinaallá hé hé shiicho Waag ma gaa ˈdaabiny, Yíésu hí gáál yie.

Matááyo 6:18

giri af hisankícho gálaat hí ma kiimisan-, ˈJaa kíchia gálaat hí ma arginyká tákámle hí ógká. Aalé ˈJaa kíchia af hisan kíchia kaany gaa iđoká argoká hé shiicho haí shigia.

Matááyo 6:3

Tá kúún af giri hé kua shiichoká máá he hí ki ˈgierˈgereká shigichoká, gíl kua naanietká héllé ekemeyoká ha gíl kua ˈjíbachká hí onnôny,

Matááyo 6:6

Waag vivisatoká, ˈbílkú geer af ki kúo, ˈJaa kua máá hí argo-, mánká vísso. Hát kinaallá ˈdiiyyeka, ˈJaa kua hé gaalí ma arginyká argoká, hé shiicho hai ko ká shigia.

Lúka 14:14

Hát kinaallá in Waag ko ˈdú ˈgunuanna, ˈdaa giri gálallá hé níínní ˈguo-, ko êw kí hidho-, mánká. Af giri Waag gállé hí iiy yie-, ˈdúwaká uushim yiem gáá ˈdeđichoká hé midhab ekeyche kinaallá ewle hai ko kí higita, Yíésu hí mú yie.

Lúka 8:17

Hé gaalí kaawká lulle Waag haí ká eedhesicha. Hé geer geđiká lulle kaany hai ˈdaaba, ha gaalí kiimita.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Héberew 4:13

He met lullé Waag hí ka kuonnééllá hé níínní Waag metleka kaany gaa ijoká mán. Waag hé he lulle argiyyo, innumleka he met lulle hé gaa édhká tákáma. Mu íínííllá he Máá ke hékúnno met gaa hogodhoká.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.