Matááyo 6:34 - Fayam Midhab Yiesu Kiristoká He Hol Af Iđiny Kaanaká

³⁴ Hé berikaká gerle haí gaa ˈdeđénen, beríka hí tákámle hol ˈdú aayaˈgiyya. Kulich lulle hé ilshle ˈgayyo, Yíésu hí gáál yie.

Matááyo 6:34 ပူးပေါင်းရင်းမြစ်များ

Matááyo 6:11

Kúlíchallá ˈguom kínyaa nyí nyuoˈdo-, nyí ka shigichoká nyí ka shíish.

Matááyo 6:25

Aaléka, yú hí geeye, taalle hí les iđáállá, hé hí kokonyoká yíekaʼ, hé hí igiannaká yíekaʼ, đafaraam hí gónkícho fafaataká yíekaʼ, gerle haí gaa ˈdeđénen. Les ke gaa ijóóllá hé éíy taaka súm ˈguom ˈdú ˈdúwaká hé biiy gaa ijoká, muunîny? Héétí, gón kúnnaallá hé éíy taaka súm đafaraam ˈdú ˈdúwaká hé hegesetoká, muunîny?

Matááyo 6:27

Itín mááya sídhle ˈdú neeyka, sídhle á níínni mare úba mé ˈdeerneye?

Lúka 10:41

Aalé Máá Guđoká mú ˈdéé hol ˈdú nie, kieye, Márta, Márta, kúún hé burnay tág nanniyyóóllá ko ˈgorosie, ko geer gaa ˈdeew.

Lúka 11:3

ˈGuom kínyaa nyí nyuoˈdoká bar lulle nyí ka shíígish.

Lúka 12:11

Gaal hí ény ˈdiiyiminyká eey-, hí gál kaansúoká ubaa gál arráká met gaa kokuoka, hé hí hogotoká ubaa ˈdeeny hí gáál hol ˈdú nanniyyaká haí neesîny.

Lúka 12:22

Aalé Yíésu lalille geey, kieye, Hé kinaallá ˈdugaka in yú hí geđia, ˈGuom hí kokonyo-, hí sidh met gaa kokoyyoká gerle haí gaa ˈdeenêny. Đafaraam hí higisataká úba haí neesîny.

Yuána 14:27

Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Filíbi 4:6

Ha hé mákártaká gerle hí gaa ˈdeenêny, tá he lullé il hí aargiˈdoká héllé hí rogononnoká Waag ˈdú eegedhíe, Waag viivitíe, Waag gielmít hol ˈdú naannáa, hé hí Waag gaa feˈdoká heegetíe.

Bétiro Erká 5:7

ˈDaa giri Waag hí ki taal-, hí ˈdeˈdeennoká, hé kíchia hí ger gaa ˈdeewká Waag ˈdú hayyíe.