Matááyo 6:25 - Fayam Midhab Yiesu Kiristoká He Hol Af Iđiny Kaanaká

²⁵ Aaléka, yú hí geeye, taalle hí les iđáállá, hé hí kokonyoká yíekaʼ, hé hí igiannaká yíekaʼ, đafaraam hí gónkícho fafaataká yíekaʼ, gerle haí gaa ˈdeđénen. Les ke gaa ijóóllá hé éíy taaka súm ˈguom ˈdú ˈdúwaká hé biiy gaa ijoká, muunîny? Héétí, gón kúnnaallá hé éíy taaka súm đafaraam ˈdú ˈdúwaká hé hegesetoká, muunîny?

Matááyo 6:25 ပူးပေါင်းရင်းမြစ်များ

Matááyo 10:19

Aaléka, gaalí ˈgiiliˈgayka, hé hí hogotoká tawunyle haí ˈgar aayáˈginy. Waag af kinaallá hé hí hogotoká a gerkícho haí ká fafiyya.

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 6:31

Aaléka, haí geer mare ˈgíiny, hí kieye, Meete nyí kokonyo? Meete nyí igianna? Meete nyí fafaata? hí chégen.

Matááyo 6:34

Hé berikaká gerle haí gaa ˈdeđénen, beríka hí tákámle hol ˈdú aayaˈgiyya. Kulich lulle hé ilshle ˈgayyo, Yíésu hí gáál yie.

Márko 13:11

Aalé gaalí giiliˈgay-, gaal hí gál arráká ˈdu gáá eeyka, hé hí hogotoká haí geer gaa ˈdeenêny. Af kinaallá ˈdéé hót Waag hí shiichoká hoogodhóo. ˈDeeny hí af geer yé gáá ˈdeˈdeenká Hím Naasan Waaˈgieto hí hogoto, hé itín muuniny.

Márko 4:19

kor gáál tawuny lesalloká haí ká hille, gáál kamur lesalloká haí laate, gaal hé burnayká he fede. Hát ˈguor híí ˈguo-, hirís bolosíélláka, hééllá lulle gálaat ger hileka, in gaal ˈdéé nee ma kokony, hát Waag hí feˈdoká el ma gaa igiriny.

Lúka 12:11

Gaal hí ény ˈdiiyiminyká eey-, hí gál kaansúoká ubaa gál arráká met gaa kokuoka, hé hí hogotoká ubaa ˈdeeny hí gáál hol ˈdú nanniyyaká haí neesîny.

Lúka 8:14

Ár ál híí ˈgayyoká ki okoˈdeká hélle he hát gál ˈdeeny Waaˈgiet maalo-, kor biiy hol ki sieteka, kamúr ubaa balchá, tá hé lesalloká gerle hí gaa ˈdeew-, he ˈgar aayaˈgoká. Gál kinaallá hé ˈdeeny Waaˈgiet ma ki higirany.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Korínto Erká 7:32

Hát yú hí ki fedoká he giri tawunykícho hí hé lesalloká ma gaa iđiminy-, hí hé lesalloká ger ˈdeentle mánká. Máá ma éenká tawunyle Máá kúnnaa Guđoká gaa iđimuo-, mú geer gaa memesuoká hé uro.

Filíbi 4:6

Ha hé mákártaká gerle hí gaa ˈdeenêny, tá he lullé il hí aargiˈdoká héllé hí rogononnoká Waag ˈdú eegedhíe, Waag viivitíe, Waag gielmít hol ˈdú naannáa, hé hí Waag gaa feˈdoká heegetíe.

Tímote ki Naamaká 2:4

ˈDaa giri máá yuoyo-, máállé hí mé ki yaalká geer gaa memesuoká fedoká, in hújíchle gaa yaalka, ˈdeem gabarich hursam ma higiliny.

Bétiro Erká 5:7

ˈDaa giri Waag hí ki taal-, hí ˈdeˈdeennoká, hé kíchia hí ger gaa ˈdeewká Waag ˈdú hayyíe.