Matááyo 6:2 - Fayam Midhab Yiesu Kiristoká He Hol Af Iđiny Kaanaká

² Aaléka, kúún har gál he hí ki ˈgierˈgereká he shigichoka, ha faˈd af gaa kóon, ˈdiyíminy. Ha hát gál hol egew-, ény ˈdiiyiminyká ubaa ˈjien hursam gálaat he gaa shiguo-, gálaat hí memeyoká fedóóllá chéen. Yú hí hé ˈdúwaká geeye, gál hol egew-, hatallóóllá héllé shiichoká hé lésallá gaa argééllá tákáma.

Matááyo 6:2 ပူးပေါင်းရင်းမြစ်များ

Matááyo 15:7

It halúg gál ˈduuˈdúwaká hol hođicháal! ˈDeeny héle Waag hí Yisááya ka shiiche-, Yisááya hí veereká gon ˈdaakíchoka hé ˈduwa,

Matááyo 16:3

Bur biiy fuate-, waag he búr chie-, nyáˈdow ilishká hí argiyyeka, itín hí kieye, Biiy kúlíchallá ir haí gaa tuuna, hí cheedhe. Itín yaalmit biiy ˈdugoká in hélle hí kiimisata háluke, tá háteeye bííy barallóóllá hé hí yé gáá ˈdeˈdeenká hélle hí ma kiimisan?

Matááyo 22:18

Aalé ˈdaa giri Yíésu gáál điđamle ógká, kieye, It hol egeyye-, hí he lúl ógal! Háteka hí ye ka raatéel?

Matááyo 23:5

Gaal íín héllé lulle ˈdabaan he ekemesetká gálaat hol aargisuoká he fede. Gaal saaw ˈdéé hót Waaˈgiet ˈgayyo-, he met bala ki higisatká ebá guguđáan! Héétí halum gáál đafaraamle ki ˈgiiyyoká ebá ˈdeˈdíer!

Matááyo 23:6

Gálallá alb he koonyietká albléká alb gál ˈduuˈdúwaká he hol ki fede, ubaa ény ˈdiiyiminyká karm biiy metoká ˈdú yíéđianká he fede.

Matááyo 24:51

Mú máállé guđo kinaallá mú hát ˈdeđewká he hai ki ekemeye, mú gál hol ˈdug gáá sasaloká hurt hai ki laama. Ál kinaallá he ál gálaat hí gaa bebeen-, hí kach hol amet gaa ˈginianká, Yíésu hí gáál yie.

Matááyo 5:18

Yú hí hé ˈdúwaká geeye, ˈdaab úr ubaa les el met hí ma ˈgînká, hemuumuritééllá hé ˈdéé umut níínní ubaa sányárích níínní hí gaa baađawká mán, ˈjíig héllé huogodheká lulle ali kí ˈdee.

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:3

Tá kúún af giri hé kua shiichoká máá he hí ki ˈgierˈgereká shigichoká, gíl kua naanietká héllé ekemeyoká ha gíl kua ˈjíbachká hí onnôny,

Matááyo 6:5

Af giri hí Waag vivisatoká haí hát gál hol egewallá chéen. Gál kinaallá Waag vivisatká ény ˈdiiyiminyká ubaa ˈjien hursam lođuđaat gaa ˈdeˈdeen-, gálaat hol aargisuoká he fede. Yú hí hé ˈdúwaká geeye, gál hol egewallá hé héllé shiichoká arge.

Matááyo 7:5

Kó ˈdeent gálaat argiyyo-, kor ˈdeentkú ma arginyal! Erkob đúúrích ko il gaa ijóóllá hol il gáá éeb. Hát kinaallá ˈdiiyyeka, in biiy hát ˈdabaanká gaa argiyya, fiilit ninni-, nyárkú il ˈjiiyyéétíá úba mú il gaa egeyye.

Márko 12:39

Gaal ény ˈdiiyiminyká ubaa alb he koonyietká karmlé giri gál ˈduuˈdúwaká hí ˈdú yíéđianká fede.

Márko 7:6

Yíésu gáál ˈdéé hol ˈdú nie, kieye, It halúg gál ˈduuˈdúwaká hol hođicháal! ˈDeeny héle Waag hí Yisááya ka shiiche-, Yisááya hí veereká gon ˈdaakíchoka hé ˈduwa, giri Waag kieye, Gálallá taalle afo ye ki memeye, gerle hé tág ye gaa fág.

Lúka 11:41

Aaléka, hé illam ger gaa ijoká gál he maamanká shía. Bá dhaayyíe, hát kinaallá in hát it gon ˈdug ubaa ger gaa ˈjiate.

Lúka 11:43

It Farisaayallo, onnóo! Itín it tág ény ˈdiiyiminyká karmlé biiy met ˈgieká ˈdú yíéđianká feˈde. Héétí alb himiká hí gaa seseenne-, gálaat hí naa yegetká tág it úba feˈde.

Lúka 12:33

Hé kíchia hí ˈgayyaká birm hidhdhíe, birm gál he maamanká eiy gisáa. Shomodhaam kamur Waaˈgiet ma ˈgiˈginká dhaadhíe. Kamurkícho hí kamur biiyo urati-, ma bebeenyká cheet. Úratíá hé máá buraa léká ál hí ˈdú naatká mán. Kamur Waaˈgiet urati kinaallá hé guur níínní hí ˈdeđeneychoká mán.

Lúka 12:56

It hol ˈdug gáá sasalláal! It yaalmit lesietká ubaa yaalmit urruká hélle ógal, háteeye hí yaalmit barallóól hélle ma kiimisan?

Lúka 13:15

Aalé Yíésu mú geey, kieye, It ˈdeent gálaat argiyya-, ˈdeentkícho ma arginyal! Itín lulkícho it Kúlích Hef ˈGisanká ókícho ubaa olokícho af ma egêny? Hí bie ma shigîny?

Lúka 20:46

Gál nyatalaam-, halúg đafaraam ˈdeˈdierká fafaat-, gálaat in gaa seseen-, gaalí alb hoyyoká naa gaa yegetká fedo-, ény ˈdiiyiminyká karmlé biiy metoká ubaa alb he koonyietká karm gál ˈduuˈdúwaká hí ˈdú yíéđianká fedóóllá hol ˈdeeˈdemíe,

Lúka 6:24

It kaamúrééllá onnóo! It hé kíchia midhabká argiyye.

Lúka 6:42

Kúún háteka nyárkú geđicho-, kieye, Iny ˈjie, fiilit ninni-, ko il ˈjiiyyééllá ko il gáá ee, mú chegedho-, kor đúúrích ko il gaa ijóól ma arginyal? Kó ˈdeent gálaat argiyyo-, kor ˈdeentkú ma arginyal! Erkob đúúrích ko il gaa ijóóllá hol il gáá éeb. Hát kinaallá ˈdiiyyeka, in biiy hát ˈdabaanká gaa argiyya, fiilit ninni-, nyárkú il ˈjiiyyéétíá úba mú il gaa egeyye.

Yuána 13:29

ˈDaa giri Yúúˈdas shomodhe bireká hí gíl geer gaa iđeká, gáál ˈbaal tawunyleka, Yíésu mú hé mákárta-, ˈjilaká ka yío, muuninyka, bíre ˈbaal gál he maamanká shíísho, he mú yie, he yegie.

Yuána 5:41

Yú yáá meeny gálaat hí ye memeyoká ma ki iđiny.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

Yuána 7:18

Máá hélle dhúrle hogodhoká ˈdúuw he hol ki ˈgeˈgedhe, tá máá máá hí ali gáá kaayká ˈduuwle laatle lađaanká he máá ˈdúúw hogodho-, af ka hódho mánká.

He Ekeny Gál Alb Fimiká 10:2

Mu ubaa umle he gál ˈdúwa Waag kikiatká. Mu gál Yuuˈdi-, he maamanká he shigie, bar lulle Waago he vivite.

He Ekeny Gál Alb Fimiká 10:31

kieye, Kornélios, Waag hé Waag visankú maalle, tá hé kua gál he maamanká shigichoká hé úba méká ˈgayyo.

He Ekeny Gál Alb Fimiká 10:4

Aalé Kornélios hát binenenyká mú gaa dhaay, kieye, Máá Guđo, he meete? yie. Mu Kornélios ˈdéé hol ˈdú nie, kieye, Waag visankú ubaa hé kua gál he maamanká shigichoká hé Waag ká nyuore, tá Waag hé ko táb ˈdoˈdoot.

He Ekeny Gál Alb Fimiká 11:29

Gál Yíésu iiy yieká hátlé giri hol he ˈdú ˈgaˈguoká ˈdeemanolle ger ki muumuˈde. Gaal nyaaramlé giri gál Yíésu iiy yie-, lés Yuuˈdia gaa ijeká he ˈdaˈdablé shigieká hol ˈdú shuune.

He Ekeny Gál Alb Fimiká 24:17

Aalé warram ilish yú Yerúsalem gaa lalayká hol ki sedheká, yú geđ Yerúsalem hol ˈdu gáá nadhe. Hé chia hol ˈdu gáá nadheká gál chia Yuuˈdi-, he maamannayká hé chia shiichoká ˈdú gáá sidhe, héétí suorró Waag ki ˈgaˈgale.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

Róóma 12:8

Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Korínto Erká 13:3

Héétí har hé chia lulle yú ˈguoká yú gálaat shigîny-, sídhchú úba sillîny-, giri yú hol memeyoká, kor yú gielmít manítaka, yáá hééllá ˈduuw níínní gaa aargiroká mán.

Galátia 2:10

Hé gaalí nyí heete-, nyí ekemeychoká he tikiˈd tákáma, giri gál he maamanká taalle nyí ˈdú ˈjeˈjeenneká. Tá hát gon yú súm fedeká hé kinaallá.

Eféso 4:28

Máá burumeká hai geđ buráany, hí hújích he gaa aargiroká gil gerle ki naannuo, giri gál he maamanká úba he shiguoká.

Dhesaloníke Erká 2:6

Héétí nyáá nyí itín ubaa gál éíy taaka meeny hí nyí memeychoká ke hí ma ˈdu gáá ˈgéˈgen.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Fílemon 1:7

Nyárchú, gielmit kua gál Kiristo ka ˈgayyóóllá hé tág ye geer gaa meen guđoká shiiche, ye guofsiche, ˈdaa giri kuun gál Kiristóóllá lulle ger gaa meemesicheká.

Héberew 13:16

Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.