Matááyo 6:13 - Fayam Midhab Yiesu Kiristoká He Hol Af Iđiny Kaanaká

¹³ Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Matááyo 6:13 ပူးပေါင်းရင်းမြစ်များ

Matááyo 26:41

In eiy ˈdeeyyíe, Waag vitíe, giri hí hé ˈdeewká ekenyle hol ma kí haađinyká. Hodhin hí he feˈde, kor gon hí he má uˈduáte, muí gáál yie.

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Matááyo 5:37

Tá har hí iiy-hí chieka, đo ˈduwayyíe. Har hí híʼi chieka, đo ˈduwayyíe. He ˈdoon hayyíe, he ˈdoon máá súm ˈdeew-, Sátan léká he yé gáá ˈdeˈdeenne.

Matááyo 6:10

Guchkú hí lésallá ká chimet. Hát feˈdo-, gaalí úr gaa ekemeyóóllá, gálaat úba hí lésallá gaa eekemeyo.

Yuána 17:15

Yáá ko ma rogonminy, kieye, Gáál lésallá gaa éeb, ma yegen, he gáál ˈdaa Sátanáka in ki ˈdé, yú yegedhe.

Korínto Erká 10:13

He lullé hí ki ekemesetká, hé karanokícho tákámle ma ká nannaan, hé kinaallá hé úba gál burnayká il hí aargiˈdo. Tá Waag ˈdúwa-, gálle ki taalallá, hé hí ki egesen hí far ˈdú gogiyyoká hí ma ˈdú haađiny, ˈgíérích hí itín ki egesen kinaal mé ki chichirsatká haí shigicha.

Korínto Erká 14:16

Har sídhkú Waag vivisato-, Waag memeychoka, gál Waag hurt gaa vivisato kinaallá, ˈdaa giri kuun hát Waag gielmít hol ˈdú nanniyyoká muogká, háteeye, Iiy-hí, he hí hát kinaallá yeet, yegedhe? Gaal in hé kua hogotoká má maalo háluke!

Korínto ki Naamaká 1:20

He lullé Waag hí muun gáál af iđichééllá hé Kirísto hí ˈduwasie, in ke mú af ˈdúúw hođita, ki iiy-hí yegedhe. Héétí úba ˈdaa Kiristoka, muun, Iiy-hí, he hí hát kinaallá yeet, ke yegedhe, giri Waag hééllá ˈdúúw gaa egeetoká.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Dhesaloníke Erká 1:10

Gaal íín úba hát itín hí Waag Inylé uushich yé gáá ˈdeeyche-, Yíésu lé-, úr gáá yiimet-, hí met egetóóllá he hogodho. Waag Iny lééllá muuni gáál idho Waaˈgiet geđ igiˈdóóllá gáá bibisia.

Dhesaloníke ki Naamaká 3:3

Tá Máá kúnnaa Guđóóllá he máá ˈdúwa-, hí ma haađinyká. Mu fargogínt haí shigia, máá ˈdeew-, Sátan lééllá haí ká riidha.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Héberew 11:36

Gáál ˈbáál hé gaalí chaachare, gaalí tune, gon hí fuufuate. Gáál ˈbáál hé gaalí nyarugano ki ˈdane, gaalí ˈbíl hiiginká fie.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Bétiro ki Naamaká 2:9

Har hééllá hatal kátaka, Waag hé gál ˈgíérích ˈdúwaká el gaa igiroká hé hí ki ˈgierˈgereká hé hát gaa ririannoká ˈgayyo. Héétí Waag hé gál saas ˈguoká ˈdaab kúlích ˈdéé ki iđinyká ali ma kí ˈdíinyká hé hát gáál higito-, gáál he il ka aargisichoká ˈgayyo.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.

Kí Edhesiny 19:1

Hééllá lulle yú argeká, yú geđi hé hát nyésébích guđoká shalallé ˈdérká ki égká úr gaa maale, shalal kieye, Alelúyya! Waagkúnno he Rúbáchkúnno, ˈduuw ubaa fargogínt mú héllé,

Kí Edhesiny 19:4

Tá karu giri tomonaam naama a afurká ubaa hé giri luogol-, afurká Waag karallé guchiká ˈdú iđoká metle abuunam les gaa ˈdane, Waag meey, kieye, Iiy-hí, he hí hát kinaallá yeet! Alelúyya! yie.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 21:4

Waag gáál imiro lulle hai gaa shugudmicha, tá ˈdaa giri hé kissoká beeyká, biiy hé geđi kúfach mán, héétí biiy hé buony ubaa shiilmisan tá gon bólo mán, ˈdéé hót hí chie.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá:

Kí Edhesiny 5:13

Hééllá el ˈdaal he lullé Waag hí ka kuonne-, úr yíekaʼ, les ˈdug yíekaʼ, les gim yíekaʼ, bassam yíekaʼ hí gaa ijoká afle yú maale, kieye, Máá kara guchiká ˈdú ijoká ubaa Élíny ˈduuwlé, guchlé, ubaa fargogintle ˈdugaka, taalle bííyyo kí meemeyo, gaalí yie.