Matááyo 6:10 - Fayam Midhab Yiesu Kiristoká He Hol Af Iđiny Kaanaká

¹⁰ Guchkú hí lésallá ká chimet. Hát feˈdo-, gaalí úr gaa ekemeyóóllá, gálaat úba hí lésallá gaa eekemeyo.

Matááyo 6:10 ပူးပေါင်းရင်းမြစ်များ

Matááyo 12:50

Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Matááyo 26:42

Aalé Yíésu geđi hol nadhe, Waag vite, kieye, Baabá, har kulu manyjasinyallá ye gaa egeyyoká tagle muuniny-, yú he gaa igianká feˈdoka, he hí hát kuun hí ye ki feˈdoká yeet, yie.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Matááyo 7:21

Gál ye Máá Guđo, Máá Guđo, yegetká ˈbaal hé Guch Uratiká ma higiliny, gál hí higiloká he gál hát ˈJaa chia úr ijoká hí fedoká el gaa igiroká.

Márko 11:10

ˈJaa kúnnaa ˈDáwuˈd guchlé biiy el gaa igiˈdoká ebá Waag hí ˈdú ˈguunúánne! Waag Úr Iđoká hé gáál ˈdú ˈjiiyye! gaalí yie.

Márko 3:35

Máá hé Waag hí feˈdoká ekemeyoká in nyárchú, nyaarchú, ˈjiechú, Yíésu hí yie.

Lúka 19:11

Gálaat hátlé ˈdeeny Yíésu hí hogodheká nee kokoyká, Yíésu gáál hibééllá geey. Mu gáál hibééllá geeyallá hé ˈdaa giri mu Yerúsalem ma gaa faganâny-, tá gálaat tawunyleka, Guch Waaˈgiet tíkíˈdé kinaallá yé hai ká ˈdeenne, yegieká.

Lúka 19:38

kieye, Kánsích meeny Máá Guđo Waag kí yimíéllá ebá Waag hí ˈdú ˈguunúánne! Ur naanná! Waag Úr Iđoká kí meeyo, gaalí yie.

Lúka 22:42

Baabá, har feˈdoka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

He Ekeny Gál Alb Fimiká 13:22

Aalé Waag Sáwul kansím gaa leesicheká, ˈDáwuˈd gáál kánsíchle hoyche. Mú ˈdeenyle huogote, kieye, Iny Yeshay giri ˈDáwuˈd léká hát he máá ye geer gaa memesuo-, he lullé yú fedoká ye ki ekemeyoká yáá geer ki shuunne, chie.

He Ekeny Gál Alb Fimiká 21:14

Aalé hé nyí mú geđichaká nyí ˈdabiyyeká, nyí shab chie, đo nyí mú geeyche, He hí hát Máá Guđoká hí gaa fedoká ˈdie, nyí mú chie.

He Ekeny Gál Alb Fimiká 22:14

Aalé mu kieye, Waag eshim eshimkúnno hé ko ká viiyye, giri kuun mu hát he fedoká kiimisat-, mú Máállé ˈdúwa-, saas mánká aargiˈdo-, ubaa ˈdéé af gaa mamaloká.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Eféso 6:6

Géde ˈbaal, af giri gállé hílléká alb ˈgieká tákáma in hujich hát ˈdabaanká nannaa, giri gaalí memeyoká. Tá ˈdaa giri itín hí gede Kiristoká haí hát gaal íín chéen, aadh lulle hujichaamkícho ger midhabká ki naannáa. Waag hát feˈdoká hé kinaallá.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Dhesaloníke Erká 4:3

Hé Waag hí feˈdoká he giri itín gál ˈdúwa-, Waaˈgietká hí chegeto-, hí herginy gálle hol ma shúúnanká hol ká ririato-,

Dhesaloníke Erká 5:18

Yaalmisano lullé hí gaa iđaká ˈdaalleka, Waag gielmít hol ˈdú naannáa, ˈdaa giri hééllá ˈdaa Yiesu Kiristoka Waag hí ki feˈdoká.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Héberew 10:7

In aalé yú kieye, Waagchú, ebá dháash, hé ˈdaachúka warˈgatkú hí hotekáka, yáá ká yimie, giri hát ye gaa feˈdoká yú đuuwsuoká, Kirísto hí Waag yie.

Bétiro Erká 2:15

Waag hát he feˈdoká hééllá: Hé kíchia ˈdúwa-, hí ekemeychoká in ˈdeem hódho-, gál đéeská hí ˈdú hogodhoká shab hođia.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 12:10

Aaléka, yú ˈdéé hót af ˈdérká ˈdéé ki hoteká úr gaa maale, kieye, Aalé káána Waagkúnno rúbáchlé ubaa fargogintlé tá guchlé, héétí máállé Kirísto kansimle hé ali kí ˈdiiyye! Hééllá he ˈdaa giri máá nyaaram kúnnaa Kiristoká ˈdeentle kulich ubaa chúúrélle Waag met gaa hogodheká gaalí úr gáá layyeká.

Kí Edhesiny 19:6

Aalé yú geđi hé hát nyésébích guđoká shalallé ˈdérká ki égká maale. Hé yú maalééllá yúkúrle hát yúkúr hele, shímle hát shím ˈgeˈgete. Shalallééllá kieye, Alelúyya! Máá Guđo Waag kúnnaa fargogínt lulle ˈgúóllá hé he lulle he gaa mumuro!

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.