Matááyo 5:8 - Fayam Midhab Yiesu Kiristoká He Hol Af Iđiny Kaanaká

⁸ Gál hé ˈdeđewká ger ma ki sisin-, kasle Waag gaa iđieká hé Waag hí ˈdú ˈjeˈjeenno, gaal Waag hai aargira.

Matááyo 5:8 ပူးပေါင်းရင်းမြစ်များ

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

Korínto Erká 13:12

Hé káána ki argóóllá, he hát síbíl gaa boorochká ke he ki dhaˈgasan, tá bár ka chimetóótíá he lulle hát ˈdabaanká il ha ke ki aargira. Hé yú káána ógallá yáá tagano muog, tá bár ka chimetóótíá hát tikiˈde Waag ye alúl ógallá, hé kinaallá hát ˈdabaanká eiy ha yú naata.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Títo 1:15

Gál saas mánká hé he lulle hí saas ki mán, tá gál iiy yeen mán-, gaa nyakarichká hé hé níínní hí saas ki mánká mán. Hééllá ˈdaa giri gáál kasle ubaa tawunyle íín gaa nyakaridheká.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Kí Edhesiny 22:4

Mú gede lééllá mú innumle hai aargira, tá mú meenyle gáál met bala he ki ˈgee.