Matááyo 5:46 - Fayam Midhab Yiesu Kiristoká He Hol Af Iđiny Kaanaká

⁴⁶ Itín har gál hí geelnedheká tákáma hí geelneteka, ˈduuw máre hí yé ˈdú ˈdiiyye? Gál birm gugusatká hé úba hát tikiˈdééllá ekemesetká muunîny?

Matááyo 5:46 ပူးပေါင်းရင်းမြစ်များ

Matááyo 11:19

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká gálaat hé hol geđuoká kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! he ye yegedhe. Tá ˈdaalim Waaˈgiet hát ke kiimisatká he hé midhab ˈdaalim kinaal hújíchle yé gáá ˈdeˈdeenká, Yíésu hí gáál yie.

Matááyo 18:17

Har he gál kinaal af ká điidheka, gál Waag iiy yie-, me hí hol aargiroká géesh. Har gál kinaal úba af ká điidheka, mú hash, mú gál Waag iiy ma yéenká ubaa gál birm gugusat-, muom kokuoká mú tikiˈd ka dháash.

Matááyo 5:47

Har gálkícho tákámle hí naa chegetoka, hé kinaallá hé hát aađa-, galaatká muunîny? Gál Waag muogká úba hé hát kinaallá ekemesetká muunîny?

Matááyo 6:1

Yíésu geđi gáál geey, kieye, Af giri hí hé midhabká ekemeychoká hol ˈdeeˈdemíe! Haí tawuny gálle gálaat hí aargiro-, hí memeyoká ˈgíiny. Har hí hát kinaal ekemesetoka, it hé shiicho-, ˈJaa kíchia úr ijoká onnônyka hí shigieká ma aargiriny.

Márko 2:15

Waaséél Yíésu hátlé ˈbíl Levi gaa golmoteká gál gibíre gugusatká ubaa gál ađaabano ˈguoká úba ˈbíl ká hile, Yíésu ubaa lalille hol ˈgar gololte. Gál burnay hat kinaalloká úba mú el gaa veere.

Márko 2:16

Aalé gál Farisaay nyatalaamká héél argeká Yíésu lalille heete, kieye, Háteka máá kíchiallá gál gibíre gugusatká ubaa gál ađaabano ˈguoká hol ˈgar golmosotal? yie.

Lúka 15:1

Gál gibíre gugusatká ubaa gállé éíy taaka gaalí gál ađaabano ˈguoká yegetká lulle hol ˈdú gáá yimie, Yíésu he af nee kokoy.

Lúka 18:13

Aalé máá giri gibíre gugusatká íín tagéétí ki ˈdie, mé les ki ˈdoy, hé úba mé les ma gaa éeny, úr ma ki fuˈjîny. Mu hol ˈdeente, kieye, Waag, yáá ađááb ˈgúóllá, geer hí ko ye ˈdú guat, yie, Yíésu hí gáál yie.

Lúka 19:2

Máá gaalí Sakááyo yegie mare ény kinaallá he gaa ije. Máá kinaallá gál gibíre gugusatká máállé guđoká, mu úba kamúrut.

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 3:12

Gál gibíre guguteká úba ká yimie, giri Yuána hí bie gim nannuoká. Gaal mú heete, kieye, Máá gáál he oonisúóllo, háte nyí ˈdeenne? yie.

Lúka 5:29

Aalé Lévi ˈbílle Yíésu gólól guđoká tág ki nie. Gólól kinaallá nyésébích guđo gálle gibíre gugusatká ubaa gál éíy taaka ilishká gáál hol ˈgar golmote.

Lúka 5:30

Gál Farisaayká ubaa gál nyatalaamká ˈdéé him ki huogodhe, lali Yiesu ki lole, kieye, Háteka itín hí gál gibíre gugusatká ubaa gál ađaabano ˈguoká hí hol ˈgar golmosoto-, ubaa hí he hol ˈgar igianáal? gaalí yie.

Lúka 7:29

Gálaat lulle ubaa gál gibíre gugusat-, Yuána af nee kuokoy-, muí bie gim nieká hé hé Waag hí feˈdeká iiy yie.

Lúka 7:34

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká, itín hí kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! hí ye chegedhe.