Matááyo 5:30 - Fayam Midhab Yiesu Kiristoká He Hol Af Iđiny Kaanaká

³⁰ Héétí, har gíl ˈdaa kua naanietká ko ađááb mé ki kokoyyoka, ali gaa mur, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny.

Matááyo 5:30 ပူးပေါင်းရင်းမြစ်များ

Matááyo 11:6

Tá máá yú ye ma ki nannaanká Waag haí ˈdú ˈjeenne, Yíésu hí gáál yie.

Matááyo 13:21

Tá ˈdaa giri mu ˈdeeny Waaˈgiet hidh ma ki arînyká mu hé ˈdeeny Waaˈgiet kinaallá súm ma chochony. Hééllá he ˈdaa giri ˈdeeny Waaˈgietallá gaa manyjanyle ubaa he il ká argisinyle mú ali af kí mureka, mu đo ˈdéé gíl sug ki haađuoká.

Matááyo 16:23

Yíésu Bétiro gaa dhaay, kieye, Sátan, ye innum gaa sí! Kuun he mé ilchú. Tawuny ˈgayyóóllá hé tawuny Waaˈgiet muuniny, tawuny gálaat, Yíésú hí mú yie.

Matááyo 17:27

Tá gáál ha ke chirm kikisíiny, sí, bás bííyle mé naʼ, korbich bie ki lab, béch erkob-, korbich hí ka ˈgiliˈgawká af eiy ˈdéesh, a geerle bíre ha gaa aargiˈda. Bíre kinaallá ka éew, gáál ˈdú sit, hí yú ubaa kúún bíre kúnnaa gusachiet cheet, Yíésu hí Bétiro yie.

Matááyo 18:8

Har gílkú yíekaʼ, ˈgáskú yíekaʼ, ko ađááb higilioka, ali gaa mur, lab. Luolmít gíl tikiˈd ubaa ˈgas tikiˈd ki hilleka kalat. Hát gilkú ubaa ˈgaskú alulle ˈgayyo-, tá Waag ko ˈjiet biiyoká ki lalaannóóllá ˈdeew.

Matááyo 22:13

Máá giri kansichká đo gállé gédeká geey, kieye, Máállá gil ubaa ˈgas hiigidháa, mú baaˈd gaa ongʼoˈde-, álle gálaat hí gaa bebeen-, hí kach hol af met gaa ˈginianatíá ki láa, yie, Yíésu hí gáál yie.

Matááyo 25:20

Gédéch giri muí bíre shíí chen shieká bíre éíy taaka shíí chen bíre ˈdug gaa argeká ká sidhe, kieye, Máá guđo, kuun bíre shíí chenno ye ká shiiche. Bá dháash, yáá bíre éíy taaka shíí chen bíre ˈdug gaa arge, yie.

Matááyo 26:31

Aaléka Yíésu gáál geey, kieye, Itín chúúrééllá lulkícho in kar haí ye ká ˈdaraanna. Hééllá he hát Waag hí warˈgatle gaa hote-, giri mu kieye, Yú máá wála ˈdeˈdeenká ha yeese, wala íín eiy hai baađaa, muí yieká.

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Matááyo 5:29

Har íl kua ˈdaa naanietká ko ađááb mé ki kokoyyoka, ali gaa sílish, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny.

Márko 9:43

Har gílkú ko ađááb higilioka ali gaa mur. Gíl tikiˈd maníta-, tá luolmít hilleka kalat. Hát gil hullaalle ˈgayyo-, kor ˈjiet bolo hí ma kufuminyká higilloká ˈdeew. [

Lúka 12:5

Máá tuuˈdle hí kiatoká ha yú hí ká geđia: Máá kinaallá he Máá fargogínt ˈguo-, gáál yieska, gáál ˈjiet biiyoká ki lalaanká. Hééllá taglé yú hí geđia, mú kiikiadhíe!

Lúka 17:2

Máá gál nigini-, hatallóóllá tikiˈd ye el af gaa tuoká gaalí yíérích ilishká luut ki hidhe-, gaalí bás ki layka kalat.

Róóma 9:33

hát káána Warˈgat Waaˈgiet hí hote-, kieye, Bá dhaayyíe, yú mááchú Síyon ha gaa iđimia. Máá kinaallá he hát wár gálaat ˈgas met ki ˈdaraan-, gálaat riigirsuoká, héétí hát nyátáábá gálaat les ki ˈdaraannoká. Máá máállá iiy yeetká, hé innum Waaˈgiet kern hí ma gaa ˈgiˈgin, chieká.

Korínto Erká 8:13

Aaléka, so chia yú kokuoká har nyárchú ađááb mé ki kokuoka, yáá af kinaalka geđi so ma kokony. Yáá hé nyaaramchú ađaabano higilsuoká ma ekemeny.

Galátia 5:11

Nyaaramchú, yú hátle ˈdiyíminy-, gálaat gon hí heermisat yégenka, gaal hé ye hatallá ma maanyjasîny. Har yú hát kinaal ˈdiyíminyka, af kinaalka kúfách Kiristo máálle ˈgór đarám yaalká ˈdu kufeká ˈdeensenle hé gaalí ma hógon.

Bétiro Erká 2:8

Héétí warˈgát hé úba kieye, Mu hé wár gálaat ˈgas met ki ˈdaraan-, gáál riigirsuoká ubaa nyátáábá gáál les ki ˈdaraanká yie, chie. Gaal riigiróóllá he ˈdaa giri gaal fayám el ma gaa igirinyká, in Waag hí gáál ˈdú hayche.