Matááyo 5:3 - Fayam Midhab Yiesu Kiristoká He Hol Af Iđiny Kaanaká

³ Gál hát lulle mán-, Waag bala ˈdú nieká hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Matááyo 5:3 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Matááyo 11:6

Tá máá yú ye ma ki nannaanká Waag haí ˈdú ˈjeenne, Yíésu hí gáál yie.

Matááyo 13:16

Tá itín ebá Waag hí ˈdú ˈjiiy! It inkícho he argo, neekícho he mamalóol!

Matááyo 19:14

Aalé Yíésu kieye, Um haí môny, um hí ye ˈdu gáá yimet. Guch Uratiká gál hílléká hát umééllá, yie.

Matááyo 24:46

Tá gédéch kinaal máállé guđoká hí af kí ˈdie-, hújíchle tág gaa yaalka, ebá geer hí súm gaa meedhe!

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 8:11

Tá yú hí hééllá geeye, gál burnay-, kidhdho-, met hí hol ká eiyyeká ˈdaa baryo ubaa ˈdaa aadho hai gáá keeme, gaal ubaa Abirááyam, Yísak, tá Yákob Guch Waaˈgiet álle ˈgarro hol golmoto.

Márko 10:14

Yíésu héél argeká chira sare, gállé láliká ki ˈday, Um haí môny, um hí ye ˈdu gáá yimet. Guch Waaˈgiet gál hílléká hát umééllá.

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Lúka 18:14

Aaléka Yíésu geđi gáál geey, kieye, Yú hí geeye, hé máá Farisaayatíá muuniny, máá gibíre gugusatallá ííni ˈdúˈjím Waaˈgiet ki gale. Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Lúka 22:29

Hát ˈJaachú ye gúch shíéllá, itín úba hát tikiˈde kinaallá yú hí gúch shigia,

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Lúka 4:18

Máá Guđo Waag Hím Naasanle hé ye gaa iđo. Waag hé ye salab mé ki liiyye, giri yú gál he maamanká Fayam Midhabká ki ˈdiyeenká. Mu ye ali gáá kaayallá he ˈdaa giri gál gaalí hiigidheká yú ki ˈdiyeen-, gaal yé ka ˈdeˈdeen-, gál biiy ma gaa arginyká úba yú ki ˈdiyeen-, gaal biiy gaa aargiroká. Mu úba ye ali gáá kaayallá he ˈdaa giri gál gaalí mé les ki tieká yú mé fuuro-,

Yuána 20:29

Aalé Yíésu mú geey, kieye, ˈDaa giri ye ki argiyyeká in ye iiy chie? Gál ye ma árginy-, kor ye iiy yieká, ebá Waag hí ˈdú ˈguunúánne! mú yie.

Yákob 1:10

Máá kúnnaa he hí guđoká héllé guđo ˈguoká hát ˈdúúw mánká hí kimisat, tá hí gaa geyyuo. Máá kamúrutká hát kállány heefurmuoká.

Yákob 1:12

Máá hé héf ˈguo-, farguogoká ˈdaalleka mé ki chirsatká hé Waag hí ˈdú ˈguunuanne. ˈDaa giri mu héél mé ki chirte-, yíé gaa ˈdieká, mú luolmit biiyo-, Waag gál hí gielká hí af iđicheká Waag haí shigicha.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Kí Edhesiny 19:9

Aalé máá giri ˈgasso-, urruká ye geey, kieye, Hééllá warˈgát gaa véer: Gál Eliny hí gólóllé eenká kí vieká ebá Waag hí ˈdú ˈjiiy! yie. Mu geđi ye geey, kieye, Hééllá he ˈdeeny ˈdúwa-, Waaˈgietká, yie.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.

Kí Edhesiny 3:17

Itín hí kieye, Nyáá nyí kaamurayye, nyíín nyí gál kaamúre, nyáá hé níínní nyí ˈdabiyyeká mán, hí hol cheedhe. Itín yaalmit ˈdeew-, éésh mán-, hí ki iđoká it muog. Itín hát hí gál he mán-, in mán-, hí búr iđaká muogká.