Matááyo 5:26 - Fayam Midhab Yiesu Kiristoká He Hol Af Iđiny Kaanaká

²⁶ Yú ko hé ˈdúwaká geeye, har ˈbíl hiigin kinaallá gaalí ko gaa kaayka, kó yé ma ká ˈdeeminy, ˈdaab ew gaalí ko ki mureká lúl yé ma ˈdéenyká.

Matááyo 5:26 ပူးပေါင်းရင်းမြစ်များ

Matááyo 10:29

Húrúm niginiká naam hé bíre raar gaalí higiatká hí tikiˈd ma onnôny? Tá hurum hé húrmáách níínní úba hí úr gáá ˈjeˈjeen-, kufunanká mán, har ˈJaa kíchia Waag hí ma ká murinyka.

Matááyo 18:34

Máá kansichká đo súm idhane, mú ˈbíl hiigin-, álle mú he il hí gaa aargiˈdo-, ˈdaab mu êw lulle yé ma ˈdéenyká ki lay.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Márko 12:42

Aalé min he mán-, hiyesidhe mare bakanállé naama ˈgayyeká ali fiiyye.

Lúka 12:58

Máádhat ko máá arra ˈdú egewka, hí síé gaa igiˈdaká, hol gár ˈdú naʼ, mu hai ko máá arra ˈdú éeny, máá arra hai ko máá yuoy mé ki yaalká gíl gaa káany, máá kinaal ko ˈbíl hiiginká gaa káany.

Lúka 12:59

Yú ko geeye, kó ˈbíl hiigin kinaallá yé ma gáá ˈdeeminy, ˈdaab bíre gaalí ko ki mureká lulle les ma fíiny-, bíre tikiˈd úba hí ma gaa lalanyká, Yíésu hí yie.

Lúka 16:26

Héél lulléél úba kí hayo, toomkúnno ˈguoˈd gaa ˈdérká hí gaa taalla, gál állá gáá yimetká hé hát níínní ál kuun hí iđo kinaallá ka yimetká mán. Héétí hé máá níínní ál kinaallá gáá yiimet-, ˈguoˈd hođoˈd ká ˈdaraan-, nyí ˈdu gáá yiimetká mán, muí mú yie.

Dhesaloníke ki Naamaká 1:9

Gáál héllé il hí aargiˈdoká he taalle bííyyo gaal maanyjaw-, Waag innumle ubaa guchlé fargogiyyoká gaa ˈgiisatká.

Yákob 2:13

Máá geer guuralle gálaat ma aargisinyká, kúlích ˈdéé ki iđinyká hé Waag hí geer guurá ma aargisiny. Geer guurá hé ˈdéé ki iđiny far ˈdú gogiyyo.