Matááyo 5:25 - Fayam Midhab Yiesu Kiristoká He Hol Af Iđiny Kaanaká

²⁵ Máá ko ˈdéé gaa sisidho-, ko máá arra ˈdú egeetká hí hol ˈgayya-, hí ˈgierich gaa igiˈdaka, đo hol gár ˈdú naʼ, mu hai síen, ko máá gálaat ˈdéé ki iđimuo kinaal gíl gaa káany, máá kinaal ko máállé yuoyóká gíl gaa káany, gaal ko híígin.

Matááyo 5:25 ပူးပေါင်းရင်းမြစ်များ

Matááyo 26:58

Tá Bétiro íín hé tagéétíá sie, gál Yíésu ˈgieká el gaa igire. Mu ˈbíl máá méte suoryoká nyáláárle álle ka ˈdoyká, nyáláár hile, sedhe, ál gál ál kinaal ˈdeˈdemeká hí ijeká yíéđie, giri hé gaalí Yíésu ki ekemeyoká aargiroká.

Lúka 18:3

Ény kinaallá hé min hiyesidhe-, aadh lulle máá arra kinaal ˈdú seseenne-, kieye, Yú ubaa máá ye mé il gaa yaalallá nyí ˈdéé ki íđish, nyí ˈdéé eiy kí naʼ, mú chegie mare úba hé hí gaa iđe.

Korínto ki Naamaká 6:2

Waag hé hoteká kieye, Aleđuđugul chia yú mureká ali kí ˈdiiyyeká yáá hí af vedhdhe. Kúlích yú hí gaa ririanká ali kí ˈdiiyyeká yáá hí ká hile, he chie. Aaléka, les gaa kée, aleđuđugul Waag hí itín af veveetoká hé ali kí ˈdiiyye. Kúlích hí rubach Waag gaa aargiˈdoká hé ali kí ˈdiiyye.

Héberew 12:17

Hát káána hí ógallá, hé kinaal el ˈdaal Ésaw hát he fedeká, ˈjaalle ˈdú ˈguunuminy urgúaka baabá hí inylé guđoká ˈdú ˈgunnuanká hí ˈdú ˈgunnuanká he fede. Har úba Ésaw buoy-, gil efe-, ˈdú ˈguunuminy kinaal aargireká fedeka, hé ˈdú ˈguunuminy kinaal ma árginy. Hé kinaallá he ˈdaa giri mu guchlé iny guđoká marte-, hát níínní geđi hol ka naasatká mánká.

Héberew 3:13

Aadh lulle, Biiy hátlé ke kúlíchallá, ke yegetallá hol guogofsía, giri itín mú tikiˈd ađaabano điđamle hí mé ma googononyká.

Héberew 3:7

Aaléka, Hím Naasan Waaˈgiet kieye, Hát káána gálkícho ˈbakat álleka Waag af ma ˈduwâny-, Waag gíl sug ki hayká, kúlíchallá har hí Waag afle maalleka, haí met googonôny.