Matááyo 5:22 - Fayam Midhab Yiesu Kiristoká He Hol Af Iđiny Kaanaká

²² Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Matááyo 5:22 ပူးပေါင်းရင်းမြစ်များ

Matááyo 10:17

Tá gálaat hol ˈdeeˈdemíe, gaal ar haí ˈdú egee, gaal énylé ˈdiiyiminyká haí gaa tuuna.

Matááyo 10:28

Haí gál gon yeges-, sidh ma yegesinyká kikían. Máá fargogínt ˈguo-, gálaat gónle ubaa sidhamle yeges-, gáál ˈjiet biiyoká ki lalaanká kiikiadhíe.

Matááyo 12:24

Kor gál Farisaay ˈdeenyéél maaleká Yíésu eeshey, kieye, Máállá fargogint Belsebul giri aryáán kánsích léká in aryáán yiem ki ˈdeđia, yie.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 18:21

Aalé Bétiro Yíésu ˈdú gáá yimie, kieye, Máá Guđo, nyárchú ye he ki ˈdeeneyka, mú a mia yú ˈdú ˈjeeme? A tiiya? yie.

Matááyo 18:35

Hát hatallóóllá in ˈJaa chia úr ijoká úba hí itín ki ekemeye. Hé kinaallá har itín nyaaramkícho hé hí ki ˈdeeđeneyká hí ma hany-, hí gáál geer guurá ma argisinyka, Yíésu hí gáál yie.

Matááyo 23:15

It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! Itín súm siem basso-, ubaa lesiet-, met ˈdeˈdierká hí seseenne, giri máádhat har úba tikiˈd kátaka, hí lalaataká. Kor máá hí argiyya-, hí ka ennuoká hí ˈdeđeneyche-, hí mú ˈjiet biiyo-, manyjanyietká veelle hođicha-, mu đo súm hí a mé ˈgiisatal!

Matááyo 23:33

It chaara-, hí um reewal! Itín háteeye, hí ˈjiet biiyoká manyjasinyle met kar gaa ˈdaraanna?

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 26:59

Aalé gál guguđo-, suoryoká ubaa ar ˈdeem mumuˈdoká lulle gál ˈdaa Yiesuka hé hódhoká hogodhoká hol gaa ˈgeˈgedhe, giri hé hódho kinaal Yíésu ˈdú yegeská.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Matááyo 5:34

Tá yú íín hí geeye, haí he tikiˈd úba ˈdóon. Haí úr ˈdóon, ur he Waag karallé guchiká.

Matááyo 5:44

Tá yú íín hí geeye, gál hí hol ka kídhká geelnée, gál hí maanyjasuoká Waag ki viivitíe,

Márko 14:55

Aalé gál guguđo-, suoryoká ubaa ar ˈdeem mumuˈdoká lulle gál Yíésu ˈdeenteká hol gaa ˈgeˈgedhe, giri ˈdensen kinaal Yíésu ˈdú yegeská. Tá gaal hé mú ˈdú yegeská má argo.

Márko 15:1

Bur biiy hátlé ka biˈdeká gál guguđo-, suoryoká ubaa gál káruká, tá gál nyatalaamká ubaa ar ˈdeem mumuˈdoká lulle hol ˈdéé af gáá maale. Gaal Yíésu gil hiigidhe, mú Bilááto ˈdú eey.

Lúka 12:5

Máá tuuˈdle hí kiatoká ha yú hí ká geđia: Máá kinaallá he Máá fargogínt ˈguo-, gáál yieska, gáál ˈjiet biiyoká ki lalaanká. Hééllá taglé yú hí geđia, mú kiikiadhíe!

Lúka 22:66

Biiy ka biˈdeká ˈjien karulle hol ˈdu gáá yimie. Karu kinaallá hé gál guguđo-, suoryoká, tá gál nyatalaamká úba hé hí gaa ije. Aalé Yíésu gaalí đaanya kinaal met ká eey.

Yuána 11:47

Aalé gál guguđo-, suoryoká ubaa gál Farisaay hol vie, ˈdéé iđie. Gaal hol yiete, kieye, Háte ki ˈdeeme? Máá állá gaa seseenallá ebá hé burnay-, ke af ˈdaˈdaboká eekemêy!

Yuána 15:25

Tá hééllá hé gaalí Warˈgat Waaˈgiet gaa veere-, giri kieye, Gaal hállééllá ye nebedhe, chieká, he ˈduwasie.

Yuána 7:20

Nyésébích ál kinaal gaa ijeká kieye, Kuun aryáán má ˈgayyo! Mááya ko oos ˈgaa? gaalí mú yie.

Yuána 8:48

Gál giri guguđo-, Yuuˈdiká mú ˈdéé hol ˈdú nie, kieye, ˈDeeny nyí hote-, nyí kieye, Kuun máá Samaria, aryáánno ˈgayya, nyí ko chieká, hé ˈdúwaká muunîny? yie.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 22:30

Aalé bííy geđo ka biˈdeká máá giri yuoy mé ki yielká hé mákárta gál Yuuˈdi hí Báulo ˈdú kataseká ˈgas egeyká he fede. Aalé mu Báulo nyarugano gaa fure, mu gál guguđo-, suoryoká ubaa karullé guguđo ˈdeemo-, Yuuˈdiká hol ˈdú vie, Báulo gáál met ká eey.

He Ekeny Gál Alb Fimiká 23:1

Báulo gál guguđo kinaal gaa dhaay, kieye, Nyaaramchú, yáá innum Waaˈgiet hát ˈdabaanká gaa seseme, ˈjíig kúlích ke gaa ijóóllá đig, muí gáál yie.

He Ekeny Gál Alb Fimiká 24:20

Aalé káána gaal ál gaa laʼ háluke, ebá gál állá ijóóllá af giri yú gaal ye ar met eeyká hé yú ˈdeeney-, gaalí ye gaa argeká hí ko ká geeyo.

He Ekeny Gál Alb Fimiká 4:15

Aalé ar gáál á níínni mare hol tól yé gaa ˈdeeyche, tákámle hol kí ˈgisate, hol geeyche, kieye,

He Ekeny Gál Alb Fimiká 5:21

Aalé biiy ká biˈdeká hát giri máá ˈgasso-, urru kinaal hí gáál geeyká gaal đo ˈBíl Waaˈgiet đírle geer hile, gálaat ˈdéé onisie. Aalé máá méte suoryoká ubaa gálle hol ˈdú sedhe. Aalé gaal gál arrá-, giri karu Yisirayelká lulle úba hol ˈdú vie. Gaal gál yuoyoká ény hiiginká ali ˈdú fie, giri gál alb fimi-, gaalí hiigidheká ká shugunatká.

He Ekeny Gál Alb Fimiká 5:27

Aalé gaal gál alb fimiká ka eeyká, gáál gál arráká met gaa koy, giri máá méte suoryoká hí hegesetká.

He Ekeny Gál Alb Fimiká 6:12

Aalé ˈdeeny Estefanallá gálaat ubaa gál káruká tá gál nyatalaamká idhansie, gaal Estéfan ˈgiliˈgay, mú gál arraká met ká eey.

He Ekeny Gál Alb Fimiká 6:15

Aalé gál giri ál gál arra kinaal gaa ijeká lulle mú gaa dhaay, máá innum hí hol gaa suoyye-, innum hí innum máá ˈgasso-, urruká chieká arge.

He Ekeny Gál Alb Fimiká 7:37

Hééllá Móshe tikiˈde giri gál Yisirayel geey-, kieye, Waag máá Waag hí ˈdéé ka shigicho-, hát yúká gálkúnno hurt yé hai gáá ˈdeđicha, muí yieká.

Róóma 12:10

Gielmit gálle hol ki ˈdalidheká hol ka ˈgáa, hol súm kiikiadhíe.

Korínto Erká 6:10

Héétí gál buraalléká, gál he lulle hol ki feefedoká, gál bersham hí fafaanká, ubaa gál gálaat meet ˈdeđeneyoká, tá gál gálaat he fargogínt af ki ririatká, gál hatallóóllá úba hé Guch Waaˈgiet ma higiliny.

Korínto Erká 6:6

Bá dhaayyíe! It nyaaramallá it gál Kirísto iiy ma yéenká hol ˈdú eegeete, gál kinaal hí ˈdeem ki iiđimie.

Dhesaloníke Erká 4:6

Máádhat hai nyárlé Kiristoká hé hat kinaallóóllá ki ekêny, ki ˈdeenêny, ˈdaa giri hát ke hí il gíl gaa heliekáka Waag íín yaalmisano hatallóóllá lulle hala hollo hol gáá nanniyya.

Títo 3:2

Gaal hai máádhat méé ˈdeenêny, hí gál af ka fálaam mán-, sáa-, gálaat lulle ki midhabká onnow.

Héberew 12:25

Hol ˈdeeˈdemíe. Haí Waag ˈdéé hogotóóllá af đíiny. Gaal af giri máá hí Waag ˈdeenyle lésallá gaa shigieká af điidheká hé he il hí argiyye. Tá muun har ke Waag úr ˈdéé gáá hogoto-, gáál geđichóóllá ke el af gaa tameka, af kinaalka he ˈdaab máre il hí gáál aargiˈda?

Héberew 5:9

Aalé mu hújích Waag hí ali ˈdu gáá kaayyeká beeteká, mu hé gál lullé hí af ˈduwasuoká hí máállé rubachiet-, gaal íín hí luolmit biiyoká gaa aargiroká yie.

Yákob 2:20

Kó đeechal, iiy yeen hé gaa ekemeycho mán kinaal hát ˈbakatéél in ha ko ká aargisía?

Yákob 3:6

Ere íín úba hát ˈjiete, gón kúnnoka ííni súm hé ˈdeđewká gaa chachadhdha. In máádhat alulle ˈdeđeneye, mú les ˈdú iđinyle ˈjiet gaa verene. Ííni tikiˈdééllá bololle ˈjiet biiyoká yé gáá ˈdie.

Bétiro Erká 2:23

Mú gaalí chaachareká, mu hé chaarim chaarim agim nieká mán, mú he il hí argiyyeká, mu hé gáál ma suurˈgâny. Hé kinaallá lulle hé muí Waag gáál ˈdéé ki iđimicho-, gáál ˈdéé hát ˈdabaanká eiy kí nanniyyóóllá ˈdú hay.

Bétiro Erká 3:9

Haí hé ˈdeewká héllé ˈdeewká akaˈd madîny, muuninyka, chaarim haí chaarimle akaˈd madîny. Hé ˈdeewká Waag ki vím akaˈd madía. Hééllá ˈdugaka in Waag hí ká viiyye, giri hí ˈdú ˈguunnuminy Waaˈgiet aargiˈdaká.

Yuána Erká 2:9

Máá kieye, yú bííy gaa édhká gaa ija, yeget-, kor nyárle nébká, máá kinaallá hátle bííy gaa ongʼoˈdeká he gaa ija.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 5:16

Aalé har máá mákártaká nyárle arge-, mu ađaab hí kúfach mé ma ki kokonyká hileka, muí mú Waag ki viivisat, mú Waag hí luolmít shiicho. Tá biiy hé ađaab gálaat kúfach mé ki kokoyyoká hí gaa ijo. Tá yáá kieye, gál ađaab kinaallá hiloká Waag ki viivitíe, ma yegen.

Yúúa 1:9

Ebá táb ˈdodhdhíe, Mikáyel har úba gál ˈgasso-, Waaˈgiet-, urruká máállé méteká kátaka, af giri mu ubaa kídhích kúnnaa Sátanléká gón Moshe ˈdaalleka hol ki fafalmeká, mu hé Sátan ma fichíliny, mu hé Sátan geeyká kieye, Máá Guđoká ííni ko il ki ˈdeđente, yie.

Kí Edhesiny 20:14

Aalé kufach ubaa ál kufachietká Waag hí bás ˈjieteká ki laalaanne. Bás ˈjietééllá he kúfách ki naamaká.