Matááyo 5:20 - Fayam Midhab Yiesu Kiristoká He Hol Af Iđiny Kaanaká

²⁰ Aaléká, yú hí geeye, itín har hát Waag hí feˈdoká hí hát ˈduwantiká el ma gaa igiriny-, hí gál Farisaay ubaa gál gálaat nyatalaam oonisuoká hí af mé ma ˈgisanka, af kinaalka itín gon Guch Waaˈgiet ál níínní hí ki higillaká mán.

Matááyo 5:20 ပူးပေါင်းရင်းမြစ်များ

Matááyo 16:12

Gál láliká đo Yíésu héllé hogodheká eiy naate, mu hát maat gaalí balashá fafuoká ˈdeenyle ma hogonká kimite. Mu ta gál Farisaay ubaa gál Saˈdukaay he onisinyle hol ˈdeeˈdemíe, he gáál yegie.

Matááyo 18:5

Aalé máá veel ninni-, hatallóóllá ˈdaa meenychúka rokoˈd ki goloká yaa ye rokoˈd kí gole.

Matááyo 3:10

Aaléka, Waag hé yerellé alléká tág ká chirate, ˈguor đuur ˈdú koyye. Ameeny ˈgór saano midhabká hí ma gáá higisinyká lulle ali ha muí gaa muura, ˈjiet ha muí gaa verene.

Matááyo 7:21

Gál ye Máá Guđo, Máá Guđo, yegetká ˈbaal hé Guch Uratiká ma higiliny, gál hí higiloká he gál hát ˈJaa chia úr ijoká hí fedoká el gaa igiroká.

Márko 10:15

Yú hí hé ˈdúwaká geeye, máá Guch Waaˈgiet hát umut ninniká ma ka hilinyká hé Guch Waaˈgiet ma higiliny, yie.

Márko 10:25

Máá kamúrutká Guch Waaˈgiet higiloká hé tág fargogo. Galt hirich íllé ninniká nannaatká hí hawul ˈdú man, yie.

Lúka 11:44

Itín he ebá hí ki ˈdéen! Itín hát uushim, gaal hí muog-, gaal hí ˈdug gaa seseenká hí ká ˈgiiyya, Yíésu hí gáál yie.

Lúka 12:1

Kúlích kinaal gál shíí burnay mare hol ˈdu gáá yiimie-, úba hol kar ririmeká, Yíésu erkob lalille geey, kieye, Gál Farisaay maatle hol raaradhíe. Haí hát gaal íín hí hol gál ˈduuˈdúwaká hol hođúóllá hí hol hôny.

Lúka 18:17

Yú hí hé ˈdúwaká geeye, máá Guch Waaˈgiet hát veel ninniká iiy ma ka yeenká hé Guch Waaˈgiet ma higiliny, Yíésu hí gáál yie.

Korínto ki Naamaká 3:9

Har he hol af iđiny kisso-, hemuumuriti-, gálaat ˈdeđensetóóllá ˈdúúw ˈgayyoka, he af iđiny kaana-, múún gáál Waag innumleka gál ˈdúwaká gaa hođichóóllá ˈduuwle hé súm ma guđanany?

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Kí Edhesiny 21:27

Tá ˈjienééllá hé hé níínní ˈdúúw mán-, hí higiloká mán. Héétí máá hé gaa nyakarichká ekemeyo-, hódholléká hí ma higiliny. ˈJienééllá gál Waag hí meetle Warˈgat luolmiti-, Elinyiká gaa veeˈdeká tákáma hí higila.