Matááyo 5:18 - Fayam Midhab Yiesu Kiristoká He Hol Af Iđiny Kaanaká

¹⁸ Yú hí hé ˈdúwaká geeye, ˈdaab úr ubaa les el met hí ma ˈgînká, hemuumuritééllá hé ˈdéé umut níínní ubaa sányárích níínní hí gaa baađawká mán, ˈjíig héllé huogodheká lulle ali kí ˈdee.

Matááyo 5:18 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

Matááyo 10:23

Ény gálle hí maanyjasuoká kar gaa ˈdóo, ény éíy taakaká mé náa. Tá yú hí hé ˈdúwaká geeye, itín ˈdaab yáá Iny Máádhátallá guchchú ma kí yímenká it ény Yisirayel lúl mé ma ki ˈdaraminy.

Matááyo 10:42

Tá yú hí hé ˈdúwaká geeye, máá gál chia niginííllá mú tikiˈd ˈdaa giri mu he lalichúká mú úba bíé abunaká shuoká, máá mú bie shie kinaallá hé hé shiicho Waag ma gaa ˈdaabiny, Yíésu hí gáál yie.

Matááyo 11:11

Yú hí hé ˈdúwaká geeye, gál gál ˈdiet hí ˈdaleká hé máá níínní Yuána gálaat bie gim nannuoká a mé ijoká mán. Tá Guch Uratiká gálle máállé biiy el ˈdaˈdká íín mú a mé ija.

Matááyo 13:17

Yú hí hé ˈdúwaká geeye, gál Waag hí ˈdeem ka shigiche-, burnayká ubaa gál ˈduuˈdúwa-, burnayká hé itín hí argiyyééllá úba aargireká he fede, kor hé ma árginy. Gál kinaallá hé itín hí maallééllá úba he mamaleká he fede, kor hé ma mááliny.

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Matááyo 17:20

Yíésu gáál geey, kieye, Hé kinaallá iiy yeen kíchia ninni. Tá yú hí hé ˈdúwaká geeye, iiy yeen kíchia hí ˈgayyaká har úba káána ninnenêny-, hát heert onnônyka, hí gúmallá geeyche-, hí kieye, Állá gaa siléew, áltí ˈgúo, hí chegetoká it uˈda, gum đo hai sileedhe. It onnônyka hé níínní hí ka aađadhdheká mán.

Matááyo 18:18

Yú hí hé ˈdúwaká geeye, ameeny hé itín hí lésallá gaa điitoká, hé Waag hí úr gaa điite. He lullé hí lésallá iiy gaa cheetoká, hé Waag hí úr iiy gaa chie.

Matááyo 18:3

gáál geey, kieye, Yú hí hé ˈdúwaká geeye, itín hí hol ma gaa suony-, hí hát um niginiká ma cheenka, it kúlích níínní hí Guch Uratiká higilloká mán.

Matááyo 19:23

Aalé Yíésu lalille geey, kieye, Yú hí hé ˈdúwaká geeye, máá kamúrutká Guch Uratiká higiloká, ebá fargogóon!

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Matááyo 21:21

Yíésu gáál geey, kieye, Yú hí hé ˈdúwaká geeye, har hí Waag iiy yeen ká ˈgayya-, hí ger totom ma gaa ˈgiˈgisanka, it hé yú kínnáchallá ki hodhééllá tákámle ma ekemeny, gúmallá úba hí geeyche-, Siléew, hol bás ki lab, hí chieka, he đo hát kinaal hai ˈdie.

Matááyo 21:31

Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Matááyo 23:36

Yú hí hé ˈdúwaká geeye, fás lullé okoˈdééllá nyuogimle gál hí ˈguo-, ubaa manyjasinyle gál il hí aargiˈdoká he it barallóóllá, Yíésu hí gáál yie.

Matááyo 24:2

Aaléka, Yíésu gáál yiete, kieye, It ényallá lullééllá argiyyâ? Yú hí hé ˈdúwaká geeye, hééllá lulle ha gaalí ˈgieˈgia, hé wár níínní wár eiy ˈdug ˈdú ˈgiisatká mán, gáál yie.

Matááyo 24:47

Yú hí hé ˈdúwaká geeye, máá guđo kinaallá héllé lulle ˈguoká gédéchlé kinaallá mé hai ki kokoo.

Matááyo 25:12

Aalé máá egeetká gáál geey, kieye, Yú hí hé ˈdúwaká geeye, yáá hí muog, gáál yie, Yíésu hí gáál yie.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 25:45

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chia-, biiy el ˈdaˈdallá af giri hí ma ˈdú ˈjeˈjéminyká, yaa hí ye ma ˈdú ˈjeˈjéminy, gáál hai yeedhe.

Matááyo 5:26

Yú ko hé ˈdúwaká geeye, har ˈbíl hiigin kinaallá gaalí ko gaa kaayka, kó yé ma ká ˈdeeminy, ˈdaab ew gaalí ko ki mureká lúl yé ma ˈdéenyká.

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:2

Aaléka, kúún har gál he hí ki ˈgierˈgereká he shigichoka, ha faˈd af gaa kóon, ˈdiyíminy. Ha hát gál hol egew-, ény ˈdiiyiminyká ubaa ˈjien hursam gálaat he gaa shiguo-, gálaat hí memeyoká fedóóllá chéen. Yú hí hé ˈdúwaká geeye, gál hol egew-, hatallóóllá héllé shiichoká hé lésallá gaa argééllá tákáma.

Matááyo 8:10

Yíésu mú ˈdeenyléél af ˈdabe, gál giri hí el gaa igireká geey, kieye, Yú hí hé ˈdúwaká geeye, lés Yisirayel geerle lulle yáá máá iiy yeen guđo hatallóóllá ˈguoká ma gaa árginy!

Márko 10:15

Yú hí hé ˈdúwaká geeye, máá Guch Waaˈgiet hát umut ninniká ma ka hilinyká hé Guch Waaˈgiet ma higiliny, yie.

Márko 10:29

Aalé Yíésu kieye, Yú hí hé ˈdúwaká geeye, máá ˈdaachú ubaa ˈdaa Fayam Midhaballá ˈdugaka, ényle yíekaʼ, nyaaramle yíekaʼ, ˈjielle yíekaʼ, ˈjaalle yíekaʼ, umle yíekaʼ, tá léslé fafuoká yíekaʼ, hayoká,

Márko 11:23

Yú hí hé ˈdúwaká geeye, máá gúmallá geeyo-, Siléew, hol bás ki lab, yeet-, kor geer totom ma gaa ˈgiˈgisanká, hé iiy yeet-, hodho kinaallá hai ˈduuwaa.

Márko 12:43

Yíésu lalille ká vie, kieye, Yú hí hé ˈdúwaká geeye, min he mán-, hiyesidhééllá hé ali fiiyyeká hé gálallá hí ali fieká lulle ˈdú guđo.

Márko 13:30

Yú hí hé ˈdúwaká geeye, gálallá hé les ma gaa bebeny, ˈdaab hééllá lulle ali ma kí ˈdíinyká.

Márko 14:18

Gaal hátlé golmoteká Yíésu gáál geey, kieye, Yú hí hé ˈdúwaká geeye, it ke hol állá ˈgar golmosotallá mú tikiˈd gál ye oos ˈguoká gíl geer hai ye gaa kakaa, yie.

Márko 14:25

Yú hí hé ˈdúwaká geeye, yáá geđi saano vinnáállá ˈduunyle ma igiminy, ˈdaab kúlích yú ˈduuny vinna kaanaká ál Guch Waaˈgietká ma gaa înyká, yie.

Márko 14:30

Yíésu đo Bétiro geey, kieye, Yú ko hé ˈdúwaká geeye, chúúrééllá lúg hátlé a naam ma ki ˈdáinyká, kúún a seđe ye gaa faalanna, Yáá mú muog, ha cheedhe, Yíésu hí mú yie.

Márko 14:9

Yú hí hé ˈdúwaká geeye, les geer lulle gaalí Fayam chia Midhaballá gaa ˈdiyeenká, hé minnééllá hí ye ki ekeychééllá úba gálaat ha gaalí geđia, giri min table gálaat ma gaa baađanyká, Yíésu hí gáál yie.

Márko 3:28

Yú hí hé ˈdúwaká geeye, gálaat héllé ˈdeđew ekemeyo-, hát káána ađááb yíekaʼ, chaarim he hol chacharoká yíekaʼ, lulle Waag haí haađicha.

Márko 6:11

Ény hí ki faan-, gálle hí ma shuunan-, tá hí af nee ma kokonyká hí gáá kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Márko 8:12

Mu hím guđoká naate, kieye, Háteka gál barallóól hé gálaat af ˈdaˈdabsuoká aargiroká fedóol? Yú hí hé ˈdúwaká geeye, Waag hé hé níínní gálaat af ˈdaˈdabsuo-, gáál ka aargisichoká mán.

Márko 9:1

Aalé mu geđi gáál geey, kieye, Yú hí hé ˈdúwaká geeye, gál állá ˈgíéllá ˈdáá tikiˈd ˈdaab Guch Waaˈgiet fargogínt ma kí chímenká ma árginyká hé ma kufuminy, Yíésu hí gáál yie.

Márko 9:41

Yú hí hé ˈdúwaká geeye, ˈdaa giri itín hí gál Kiristoká máá hí bíé a geereká ˈdaat kí ˈduoká, bár ˈdaatika hé hé shiicho Waag ma gaa ˈdaabiny, yie.

Lúka 11:51

Yú hí geeye, ameeny fás Abel hí gaa okoˈde-, tá ˈjíig bár giri fás Sakaria hí gaa okoˈde-, máálle gaalí kúb Waaˈgiet suoryoká ubaa ˈbíl saas mánká toom ki yieská đigká, fasam gal kinaalloká nyuogimle lulle gál barallóóllá Waag luut haí ki ređicha.

Lúka 12:37

Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Lúka 13:35

Bá dhaayyíe, Waag ˈbílkícho haí kí haađicha. Yú hí geeye, ití geđi ye ma aargiriny, ˈdaab giri bár hí ye ma árginy-, hí kieye, Máá meeny Máá Guđo Waag kí yimíéllá Waag hí ˈdú ˈguunuan, hí ma chéenká, Yíésu hí gáál yie.

Lúka 16:17

ˈDeeny Waaˈgiet hé ˈdeeny níínní ká ˈgiisat-, ma ˈduuwanyká mán. ˈDéé hót ninni kinaallá hanyle les ubaa úr el mé ˈginle hí hawul ˈdú man.

Lúka 18:17

Yú hí hé ˈdúwaká geeye, máá Guch Waaˈgiet hát veel ninniká iiy ma ka yeenká hé Guch Waaˈgiet ma higiliny, Yíésu hí gáál yie.

Lúka 18:29

Aalé Yíésu gáál geey, kieye, Yú hí hé ˈdúwaká geeye, máá Guch Waaˈgiet ˈdaalle ˈdugaka ényle yíekaʼ, minle yíekaʼ, nyaaramle yíekaʼ, gállé hí ˈdaloká yíekaʼ, tá umle yíekaʼ hayoká,

Lúka 23:43

Yíésu mú ˈdéé hol ˈdú nie, kieye, Yú ko hé ˈdúwaká geeye, kúún kúlíchallá ubaa yú ál geyyietká ha ke gaa yíéđima, mú yie.

Lúka 4:24

Tá hé ˈdúwaká yú hí geeye, máá Waag hí ˈdéé ka shigichoká hé gál lésle hí iiy ma yegen.

Yuána 1:51

Yíésu geđi mú geey, kieye, Yú hí hé ˈdúwaká geeye, ur af hí furme-, gál ˈgasso-, urru-, Waaˈgietká úr mé nannuo-, tá Iny Máádhat ˈdu gáá leledhoká haí aargiˈda, Yíésu hí gáál yie.

Yuána 10:1

Aalé Yíésu kieye, Yú hí hé ˈdúwaká geeye, máá wála ˈdeeyle kárle ma kí higiliny-, ˈdeey hođoˈd kí tunoká he máá buraallé-, he fargogínt ki egeetká.

Yuána 10:7

Aalé Yíésu geđi kieye, Yú hí hé ˈdúwaká geeye, yú he wála kárlé.

Yuána 12:24

Yú hí hé ˈdúwaká geeye, sííndí aaritle les ki ˈjiiyye-, eeˈd geer naate-, hátle ma kufinyka, hátlé aađa-, aariteká he iđa. Tá har he kuyyeka, af kinaalka đo hai ˈdiiyye, um guđoká hai ˈdalle.

Yuána 13:16

Yú hí hé ˈdúwaká geeye, gedech hé máállé hí hoteká ma ˈdú ˈduwanany, héétí máá ˈgassoká hé máállé hí ali gaa kakawká ma ˈdú ˈduwanany.

Yuána 13:38

Aalé Yíésu ˈdéé hol nie, kieye, Kó kín ye ˈdú kufunân? Yú ko hé ˈdúwaká geeye, kúún lúg hátlé ma ˈdânyká a seđe ye gaa faalanna! Yíésu hí Bétiro yie.

Yuána 14:12

Yú hí hé ˈdúwaká geeye, Máá ye iiy yeetká hé yú eekemeyká hai ekemeye. Máá hat kinaalloká ˈdaa giri ˈJaachú yú bííyle mé nannuoká hé éíy taaka gálaat hí af ˈdaˈdabo-, hé yú eekemeyká a mé gíriká hai ekemeye.

Yuána 16:20

Yú hí hé ˈdúwaká geeye, itín haí beenne, imiro haí ˈjiibicha, les gálle íín ger haí gaa meedhe. Itín ger haí gaa ˈdeđendhe, tá ger gaa ˈdeenenkícho geyyiny yé hai ˈdú ˈdeenne.

Yuána 16:23

Kúlích kinaallá it hé hí ye hegesetoká mán. Tá yú hí hé ˈdúwaká geeye, ˈJaachú hé hí ˈdaa meenychú ki hegesetoká haí ká shigia.

Yuána 21:18

Aalé Yíésu mú geey, kieye, Yú ko ˈdúúw geeye, kúún ruorich onnoyyeká kó đafarkú higisate, alb feˈdeká seseenne. Tá af giri vinnamoká gil ha faata, máá eiy đafar hai ko higidha, ál ma fedinyká hai ko siidha, Yíésu hí mú yie.

Yuána 3:11

Yú ko ˈdúúw geeye, nyiin hé nyí ógká in nyí hogoto, hé nyí ˈdúúw ˈdú ˈdiiyyeká in fayamle ki hí geđia, kor it hé ki hí geđuoká iiy ma chegen.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 5:19

Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

Yuána 6:26

Yíésu gáál ˈdéé hol ˈdú nie, kieye, Yú hí hé ˈdúwaká geeye, itín hí ye hol gaa ˈgeˈgetééllá, hé kieye, hé gáál af ˈdaˈdabsuo-, yú ekeyká hí argiyye, muuniny, he ˈdaa giri hí balashá konye-, hí heyiyyeká in hí héy hol gaa ˈgeˈgete, muí gáál yie.

Yuána 6:32

Aalé Yíésu kieye, Yú hí hé ˈdúwaká geeye, ˈguom úr gáá chimíéllá máá hí ka shieká hé Móshe muuniny. ˈGuom ˈdúwaká ˈJaa chia hí úr gáá shigia.

Yuána 6:47

Yú hí hé ˈdúwaká geeye, máá ye iiy yieká hé luolmit biiyoká ˈguo.

Yuána 6:53

Yíésu gáál geey, kieye, Yú hí hé ˈdúwaká geeye, ˈdaab itín hí gón Iny Máádhat ma kôny-, ubaa hí mú fásle ma înyká, it luolmit hí gaa iđoká mán.

Yuána 8:34

Yíésu gáál ˈdéé hol ˈdú nie, kieye, Yú hí hé ˈdúwaká geeye, máá ađaabano hileká ííni ađaabano gédéchlé he yie.

Yuána 8:51

Yú hí hé ˈdúwaká geeye, máá ˈdeenychú ki yaalká taalle bííyyo hé kúfach il hí ma aargiriny, Yíésu hí gáál yie.

Yuána 8:58

Yíésu gáál ˈdéé hol ˈdú nie, kieye, Yú hí hé ˈdúwaká geeye, Abirááyam hátlé ma ka ˈdaláanká, yáá ali ije, muí gáál yie.

Bétiro Erká 1:25

tá Máá kúnnaa Guđoká ˈdeenyle taalle bííyyo hé ali ijo, chieká. ˈDeenyééllá he fayam ˈdúwa-, gaalí ki ˈdiiyimeká.

Kí Edhesiny 20:11

Aalé yú kara guchi-, guđo-, édhká ubaa Máá hí ˈdú ijoká arge, mú innumle les ubaa úr hí met kar gaa ˈdanne, kor les ubaa úr hé ál níínní yíéđuoká mán.