Matááyo 5:16 - Fayam Midhab Yiesu Kiristoká He Hol Af Iđiny Kaanaká

¹⁶ Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Matááyo 5:16 ပူးပေါင်းရင်းမြစ်များ

Matááyo 23:5

Gaal íín héllé lulle ˈdabaan he ekemesetká gálaat hol aargisuoká he fede. Gaal saaw ˈdéé hót Waaˈgiet ˈgayyo-, he met bala ki higisatká ebá guguđáan! Héétí halum gáál đafaraamle ki ˈgiiyyoká ebá ˈdeˈdíer!

Matááyo 23:9

Aalé ˈdaa giri ˈJaakícho tikiˈde-, Waag Úr Iđoká tákámaká, haí lésallá máádhat ˈJaachú gaa chéen.

Matááyo 5:45

giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká.

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:9

Aaléka, hatallá Waag viivitíe, ˈJaa kínyaa úr ijóóllo, meenykú gaalí meeyo!

Matááyo 9:8

Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.

Lúka 11:2

Aalé Yíésu gáál geey, kieye, Hí Waag vivisatoká hatallá yiegedhíe: Baabá Waag, meenykú gaalí meeyo, guchkú hí lésallá ká chimet.

Yuána 15:8

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

Korínto Erká 14:25

mú tawunylé geer geđiká Waag haí ká eedhesicha, tá mu Waag met les kurram hai gaa ˈdarama, Waag viita, tá hí geđia, kieye, Hé ˈduwa, Waag hé hí hurt gaa iđo, haí yeedhe.

Korínto ki Naamaká 9:13

ˈDúˈjím kíchiallá ˈdaalle ˈdugaka gaal Waag ˈdúúw hai shigia. Ger gaa midhant kíchia hí gaal íín ubaa gálaat lulle aargisichóóllá, hát itín hí Fayam Midhab Kiristóóllá hí iiy chie-, hí met gaa kekeennóóllá gáál úba hai aargisia.

Galátia 1:24

Gaal đo ˈdaachúka Waag meey.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 5:8

Itín kíssóótí bííy gaa dhátká hí gaa iđe, káána ˈdaa giri hí Máá kúnnaa Guđoká hol lileteká it hí mú édhúmle argiyye. Édhúm kinaallá gaa yíéđía.

Dhesaloníke Erká 2:12

Hé ke hí chuchure, ke hí gogofsie, ke hí af tatie, giri hí innum Waaˈgiet hát ˈduwantiká gaa iđoká. Waag íínííllá hé hí guchle ubaa ˈduuwle kí viiyye.

Tímote Erká 2:10

Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote Erká 5:25

Hát tikiˈde kinaallá he ekeny midhabká hé kaany mán, tá har úba káána kaany gaa iđoka, hé ma ereminy, yé hai ká ˈdeenne.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Títo 3:4

Tá Waag Rúbách kúnnaallá af giri geer gaa midhantle ubaa gielmitle gálaat argisicheká, hé muun gáál riiyye.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro Erká 3:1

ˈDége, hát tikiˈdééllá beelemkícho met gaa keekemíe, giri min bélle Fayam Midhaballá iiy ma yéenká, úba bélle ma geenyka, húgúmlé midhab he ˈgayyoká bélle Waag ˈdu gáá egewká.

Bétiro Erká 3:16

Tá ˈdeenyééllá ere midhab-, sáaká ki hoogodhóo. Hé innum Waaˈgietka midhab-, hí ógká tákámle eekemeyyíe. Hát kinaallá in gál hé kíchia ˈdabaan-, ˈdaa Kiristoka hí ekemeychoká ˈdeentle hí ˈdú hogodhoká fichilitlé kinaal gálle dhúrle kern ˈgiidhicha.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.