Matááyo 5:12 - Fayam Midhab Yiesu Kiristoká He Hol Af Iđiny Kaanaká

¹² Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Matááyo 5:12 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Lúka 13:34

It ˈjien Yerusalemallo! It gál Waag hí ˈdeem ka shigichoká cheges-, gál Waag hí ali ˈdu gáá fafiyyoká waar ki tutunnóol! Yú af burnayká hát lug umle kuol gim fafaatokáka itín hí hol ˈdú gáá shuguneká fede. Tá it hé kinaal ká điite.

Lúka 6:23

Bár hé kinaallá lulle ali kí ˈdeenká aaˈdumíe, laallíe! Hé guđo midhabká úratíá haí gaa aargiˈda. Gáál eshim eshimle hát tikiˈdééllá in héle gál Waag hí ˈdeem ka shigicheká he ki ekey.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

He Ekeny Gál Alb Fimiká 16:25

Aalé chúúre hurtákaká Báulo ubaa Sílas Waago vivite, Waago arram ki ˈdarame, memey. Gál giri gaalí hiigidhe-, gáál hol ˈbíl ˈgar ijeká gáál af nee koy.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Róóma 5:3

Hé ke hé kinaallá tákámle ma gaa geyyiminy, manyjanykúnno úba ha ki gaa geyyime, ˈdaa giri manyjany hat mé ki chirsan yé ˈdú ˈdeˈdeennoká ki ógká.

Korínto Erká 3:8

Máá áár fafúóllá ubaa máá áár bie fafúóllá áwúlle tikiˈde, gaal hullaalle hújíchlé he nannuoká hélle hai aargira.

Korínto ki Naamaká 4:17

He il ká argisiny kínyaa nigini-, káána nyí gaa iđáállá in ˈduuw guđo-, biiyo-, tawuny lulle af mé gíriká nyí yé ˈdú ˈdeđicha. ˈDuuw kinaallá hé il ká argisiny-, hé káta-, mánnallá hol ma nyuoriny.

Filíbi 1:29

Itín ˈdaa Kiristoka, Waag hé hí iiy yeen tákámle ma shíiny, hé úba hí kár midhaballá af kí fuˈde, giri Kirísto ˈdaalle ˈdugaka hí maanyjayyaká.

Filíbi 2:17

Hújích yú nie-, yú hí Fayam Midhaballá ˈdú gáá sidhe-, fayám hí iiy chíéllá, hé kinaallá he hé shiicho muun ki Waag shieká. Har káána úba gaal ye yies-, fáschú úba hé shiicho kinaallá hollo hol ˈdú faama, yú ubaa itín ger ˈgarro gáál hol ˈgar meedhe.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Kolosááya 3:24

Hújích hí hát ˈdabaanká nanniyyáállá, héllé shiichoká hát hí Máá kúnnaa Guđo Kirísto gaa aargiˈdaká mé ka ˈgáa, ˈdaa giri mu íín hí hujich ki nanniyyaká. Hé shiicho kinaallá he hé Waag hí gálle af iđicheká.

Dhesaloníke Erká 2:15

Gál Yuuˈdííllá in ˈbaal gál Waag hí ˈdeem ká shigicheká ubaa Máá kúnnaa Guđo Yíésu yies. Héétí nyiin úba nyí manyjasie. Gálallá hé Waag geer ma gaa memeny, gaal gálaat lullé he met il gaa ˈgee.

Héberew 10:34

It gál hiigin gaa ijeká ger kurshám aargisiche, héétí hé kíchia lulle hí ˈgayye-, gaalí gaa uuneká hé kinaal hát geer gaa meentiká it ká eete. Itín it hé midhab hí met egete-, taalle bííyyo ali ijoká onnoyye.

Héberew 11:26

Móshe hé shiicho Waag hí shigichoká hé mé ká ˈgie, in aalé eesheny gaalí mú egesheyká ma đíiny. Mu eesheny il hí argiyye-, hát káána eesheny gaalí Kirísto eeshey kinaallá, hé súm kamur lés Misirayim ˈgany ˈdú ˈdúwaká muí ká dhaay.

Héberew 11:33

Gálallá iiy yeenle ˈdaalleka in kansimano ká adhdhe, gaal hát ˈduwantiká gálaat he ki mumure. Gaal hé Waag hí af iđicheká hé úba arge. Gaal hé lúa af eiy ˈdeeny ká ridhdhe.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Yákob 1:2

Nyaaramchú, manyjasiny ubaa ayaˈginy met hí hol ká eiyyeká il hí argiyyeka, ger midhabká ki eedhdhíe, ger hí gaa meet.

Yákob 5:10

Nyaaramchú, ebá gál Máá Guđo Waag hí ˈdeem ka shigie-, gálaat ki ˈdiiyimeká hát manyjasiny il hí aargiˈde-, tá hol gaa tatieká, táb ˈdodhdhíe.

Bétiro Erká 4:13

Manyjany hát manyjasiny Kiristóóllá ka taalká il hí argiyyeka, taalle ger hí gaa meet, giri mú ˈduuwle ká edhdheyyeka súm ger hí gaa memeet-, hí geyyeenneká.