Matááyo 4:3 - Fayam Midhab Yiesu Kiristoká He Hol Af Iđiny Kaanaká

³ Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Matááyo 4:3 ပူးပေါင်းရင်းမြစ်များ

Matááyo 14:33

Gál kádích kinaal gaa ijeká lulle mú vite, kieye, Hé ˈduwa, kúún gon Iny Waaˈgiet! gaalí Yíésu yie.

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 26:63

Yíésu íín taalle shab yie. Aalé máá méte suoryoká Yíésu geey, kieye, Ebá Waag bííyyo ali iđoká ˈdúo, nyí ka géesh, har kúún he Messíya, Iny Waaˈgiet kátaka, mú yie.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Márko 3:11

Bar lulle aryaan ˈdeđewká Yíésu argiyyeka, mú ˈgas met les hai gaa ˈdanne, kúóˈd hai ˈdoyye, kieye, Kúún he Iny Waaˈgiet! hai chie.

Márko 5:7

af súm úr ki eey, kieye, Yíésu Iny Waag Úr Iđóóllo, meete ke hol ká ˈgaa? ˈDaa meeny Waaˈgieto yú ko ki ruogone, ha ye manyjasîny! yie.

Lúka 1:35

Mu María ˈdéé hol ˈdú nie, kieye, Hím Naasan Waaˈgiet hai ko ˈdu gáá leete, fargogint Waag Úr Iđoká hai ko buanna. ˈDaa kinaallá ˈdugaka in veel ˈdalaatká he Iny Waaˈgiet saas mán-, ˈdúwaká.

Lúka 22:70

Aalé gaal lulle mú yiete, kieye, Kúún in ta káána Iny Waaˈgiet? gaalí yie. Mu gáál geey, kieye, Hát yúká ití hote, yie.

Lúka 4:3

Aalé Sátan Yíésu geeyche, kieye, Kúún har Iny Waaˈgiet kátaka, ebá ˈdéé hot, wárallá hí balashá yeet, chie.

Lúka 4:41

Aryáán gál burnayká yiem gaa ˈdiiyye, koˈdam ˈdanne, kieye, Kúún he Iny Waago! chie. Yíésu aryáán il gíl gaa helie, giri aryáán shab chegetká. Aryáán mu hát he Messíyaká hé onnoyye.

Lúka 4:9

Aalé Sátan Yíésu ˈjien Yerusalem ˈdú eete, mú ˈBíl Waaˈgiet đírle állé ˈdérká ˈdú koyye, mú geeyche, kieye, Kuun har Iny Waaˈgiet kátaka, hol állá úr gáá lab,

Yuána 1:34

Hé kinaallá yáá arge, tá yú hí mú ˈduuwle geeye, Máállá gon Iny Waaˈgiet, Yuána hí gáál yie.

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 9:35

Aalé Yíésu máá in kaayká hát gaalí ˈbíl ˈdiiyiminyká gaa arieká maale. Yíésu mú bííyle mé nie, mú yiete, kieye, Kó Iny Máádhat iiy chie? yie.

He Ekeny Gál Alb Fimiká 9:20

Mu af kinaal đo ény ˈdiiyiminyká gerle Yíésu hát he Iny Waaˈgietká gaa ˈdiiyime.

Korínto ki Naamaká 1:19

Iny Waaˈgiet-, Yiesu Kirísto-, yú ubaa Silfáánas, tá Tímote ke hí hurtkícho gaa ˈdiyimééllá mu hé iiy-hí ma yegen, kor wáásaka, héllé kinaal el mé ma ˈgiisan, híʼi, ma yegen. Mu héllé hogodhoká hé ˈdúwaká tákáma.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Dhesaloníke Erká 3:5

In aaléka hééllá hát níínní yú hol gaa tuo-, mánká, in yú hí Tímote ali ˈdú gáá kaay, giri iiy yeenkícho yaalmitle muí ká aargiroká. Yú kieye, Sátan taalle gáál má ki egesen, laat ˈdaa kíchoka nyí laađaanneká laat halleelloká má cheen? yú yie.

Héberew 12:16

Máádhat hai hol buraa gaa seséminy. Héétí hai máá hát Ésawka Waag el ma gaa igirinyká onnôny. Ésáwallá he máá guchlé inyi erká haam kóony hí tikiˈdeká hidhdheká.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 7:3

Máállá hé ˈjaalle ubaa ˈjielle, héétí hídh he yé gáá ˈdieká hé ke muog. Mu kúlích gaa ˈdalidheká ubaa kúlích gaa kufeká hé úba ke muog. Tá mu hát Iny Waaˈgiet máá suoryo-, biiyóóllá he ká yaalla.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.