Matááyo 4:24 - Fayam Midhab Yiesu Kiristoká He Hol Af Iđiny Kaanaká

²⁴ Mú ˈduuwle úba lés Siria bash ki chie. Gálaat gál lullé basham ˈgie-, hát káána gál fursam met hí hol ka eiy eiyye-, kuukúllaká ubaa gál aryáán hí hilleká, tá gál farich ˈguoká, héétí gál héljoká mú ˈdu gáá shuune, mu gáál lulle bisie.

Matááyo 4:24 ပူးပေါင်းရင်းမြစ်များ

Matááyo 12:22

Aalé gálaat máá aryáán hí hille-, aryáán hí in ubaa af ˈdabsiche mare Yíésu ˈdu gáá eey. Yíésu mú bisie, mu đo biiy gaa arge, ˈdéé huogodhe.

Matááyo 14:1

Af kinaallá Heróˈde giri kánsích lés Galilaaya onnoyká fayam Yiesu maale.

Matááyo 15:22

Aalé min kídh Kanaan-, lés kinaal gaa iđe mare mú ˈdu gáá chimie, af gaa guđoká ˈdéé ki hote, kieye, Máá Guđo, Iny ˈDawuˈdallo! Geer hí ko ye ˈdú guat, inichú hé tág aryáán hí ˈgaaˈgaate! chie.

Matááyo 17:15

kieye, Máá Guđo, iny chia farich ˈguo-, ˈgiˈgidhuoká geer hí ko ˈdú guat! Veel aadh ˈdaab lulle edhe ubaa bieto les gaa ˈdarama, veel hé tág manyjay!

Matááyo 17:18

Aalé Yíésu aryaan véel gaa iđeká ki ˈday, aryáán đo véel yé gaa ˈdiiyye, ál tikiˈde kinaallá veel đo midhandhe.

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 8:28

Aalé gaal he ílung ˈdaati-, lés Gaˈdaraká ki ˈdieká, gál naama aryáán ˈguo-, uushim ligishamle yé gáá ˈdeˈdeenká arge. Gál naama kinaallá he gál gálaat sierm gaa veere-, ˈgíérích ál kinaal iifoká gálaat naan ká riridhdheká.

Matááyo 8:33

Gál golchom kinaal ˈdeˈdemeká ˈdoˈdodhdhe, é fame. Gaal he lullé giri il hí argiyyeká ubaa gál aryáán ˈgieká hát bieká huogodhe, gálaat geey.

Matááyo 8:6

mu kieye, Máá Guđo, gédéchchú lesso he gaa iifa, hé tág kúllaʼ, hé les ma gaa kekeminy, yie.

Matááyo 9:26

Fayaméél lés kinaal geerle lulle eiy bash ki chie.

Matááyo 9:35

Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey.

Márko 1:28

Aalé Yíésu fayamle đo lés Galilaaya lulle bash ki chie.

Márko 1:32

Gelga-, aadh dhúú ˈjiiyyeká gaal gál burnay-, basham ˈguoká ubaa gál aryáán hí hilleká Yíésu ˈdu gáá shuune.

Márko 2:3

Yíésu hátlé gáál ˈdeeny Waaˈgiet oonisieká gál afur mare máá héljoká mú ˈdu gáá eey.

Márko 2:4

Nyesebich aalé ˈbíl af ˈdú tuutumeká mú ál gaalí kí naat-, gaalí Yíésu ˈdu gáá eewká mán. Gaal đo ˈbíl mé hurt ađuđugul giri Yíésu hí ki yielká il gaa veere, mu hátlé lokoˈd gaa iifeká mú ál kinaal kí leesie.

Márko 2:9

Hé máre súm hawul man ki máállá geđia? Hé kua ˈdeđew-, ekeycheká ađaabanolle yáá ko gaa eeyyo, yú yeedhee? Ebá les gaa keʼ, lokoˈdkú éew, sí gal, yú yeedhe?

Lúka 2:2

Af giri Kurénios he kánsích Siria onnoyká hééllá he gálaat túóylé erká.

Lúka 4:14

Yíésu fargogint Hím Naasan Waaˈgiet hol ki nadhe, Galilááya mé nie. Mú fayamle lés tol iđoká lulle eiy bash ki chie.

Lúka 4:38

Aalé Yíésu ˈbíl ˈdiiyiminyká yé gáá ˈdie, mu ény Simon mé nie. Mu ál kinaal kí ˈdieká Símon suoglé furs ˈdeewká hí ˈgieˈgieká gaalí mú geey.

Lúka 5:15

Aalé Yíésu fayamle geđi súm les eiy bash ki chie. Gál burnayká mú ˈdú gáá yimie, giri mú ˈdeenyle nee kokuo-, bashamlé ˈguoká muí yé gaa ˈdeđuoká.

Lúka 5:24

Aaléka, yáá Iny Máádhátallá hát kansim yáálle lésalláka gálaat ađaabano gaa egewká ˈguoká dhaayyíe, muí gáál yie. Ál tikiˈde kinaal mu máá giri héljoká geey, kieye, Les gaa keʼ, rokoˈdkú éew, énykú mé naʼ, mú yie.

Lúka 7:17

Fayaméél lés gál Yuuˈdi geerle ubaa biiyano éíy taakaká lulle bash ki chie.

Yuána 10:21

Tá gáál ˈbáál íín kieye, Hééllá hé ˈdeeny máá aryáán ˈguoká hí hogodhoká muuniny. Máá aryáán ˈguoká háteeye máá in mánká in yé ká ˈdeđia? yie.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 15:23

Gáál warˈgat gaalí ˈdeenyééllá gaa veereká gaalí shie: Nyííni nyí warˈgatééllá ka veeˈdééllá nyí nyaaram kíchia alb fimiká ubaa gál Kiristo alloká gállé nyaaram hí met ki ˈgieká. It giri kidhdho nyaaram-, hí Ántiok, Síria, tá Kilíkia gaa iđáállo, náa!

He Ekeny Gál Alb Fimiká 15:41

Aalé gaal lés Siria ubaa lés Kilikia gaa nadhe, gál Kiristo-, alb kinaalloká guofsie.

He Ekeny Gál Alb Fimiká 28:9

Koro kinaal gálle héél maaleká gál giri basham ˈgieká lulle ká yimie, úba bie.

He Ekeny Gál Alb Fimiká 8:7

Fílib gál ilishká aryáán yiem gaa ˈdeey. Gáál af giri aryáán hí yiem gaa ˈdeˈdeenneká gaal koˈdam ˈdane. Gál héljo mare ubaa gál burnay alb ˈgie mare úba muí bisie.