Matááyo 4:23 - Fayam Midhab Yiesu Kiristoká He Hol Af Iđiny Kaanaká

²³ Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 4:23 ပူးပေါင်းရင်းမြစ်များ

Matááyo 11:5

Hát gál in maamanká in kaadhdhe-, gál ˈgas maamanká hol gaa seeseme-, gál nyókot ˈgieká fayandhe-, gál nee maamannayká he maale-, gál kufeká geđi loolnodhe-, tá gál he maamanká Fayam Midhabká hí ka hileká mú geeyyíe.

Matááyo 12:9

Yíésu ál kinaal gaa kieká gál Yuuˈdi ˈbíllé ˈdiiyiminyká hile.

Matááyo 13:19

Máá Guch Waaˈgiet fayamle maalo-, kor ˈdéé eiy ma náásan-, ˈdeeny giri he geer ka ˈguoká Sátan hí af ki ririatká, hé kinaallá he hát ár ˈgierich af ki okoˈde-, hurum hí koeyká.

Matááyo 13:54

ˈjien gáá guđandheká sedhe. Mu ˈjien kinaal ˈbíllé ˈdiiyiminyká gálaat he gaa onisie. Gálaat mú he onisinyléél af ˈdabe, kieye, Máállá ˈdaalim guđo he guo-, ubaa hé ki af ˈdaˈdaboká, ekemeyóóllá ále he gaa arge?

Matááyo 14:14

Yíésu bás ílung ka ˈdoy-, kadich gáá leedhe-, nyésébích ilishká argeká, gáál geer hí ˈdú gudhdhe, gáál gállé fursam ˈgieká bisie.

Matááyo 24:14

Tá Fayam Midhab-, Guch Waaˈgietallá les geer lulle ha gaalí gaa ˈdiyime, giri kidh met lulle hí mamaloká. Af kinaallá in biiy el met ˈdaˈdle ali kí ˈdeenne.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 9:35

Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey.

Márko 1:14

Aalé Yuána gaalí hiigidheká Yíésu lés Galilaaya sedhe. Fayam Midhab-, Waaˈgietká gáál ki ˈdiiyime, kieye,

Márko 1:21

Aalé Yíésu ubaa lalillééllá ˈjien Kafarnaum ki fame. Kúlích Hef ˈGisanká Yíésu ˈbíl ˈdiiyiminyká sedhe, gálaat he onisie.

Márko 1:39

Aalé mu lés Galilaaya lulle gaa sedhe, gáál énylé ˈdiiyiminyká hile, gáál ki ˈdiiyime, gálaat aryáán yiem gaa ˈdeey.

Márko 3:10

Mu gál burnayká bisie, gál basham ˈguoká lulle mú ˈdú tuutume, giri mú đig yegetká.

Márko 6:2

Kúlích Hef ˈGisanká ali kí ˈdiiyyeká mu gálaat ˈbíl ˈdiiyiminyká he gaa onisie. Gál burnayká mú he onisinyle maaleká he af ˈdabe. Gaal kieye, Máállá hééllá ále gaa arge? ˈDaalim muí argéél he ˈdaalim máre? Hé fargogo ke af ˈdaˈdabóól muí ekemeyóol?

Márko 6:6

ˈDaa giri gaal mú iiy ma yéenká in mu hééllá af ˈdabe. Aalé Yíésu ˈjien gaa sedhe, gálaat he onisie.

Lúka 10:9

Gál basham ˈguo-, ál kinaal gaa ijoká bisía, gálaat geeyyíe, Guch Waaˈgiet hé hí kí ˈjobonte, yiedhíe.

Lúka 13:10

Yíésu Kúlích Hef ˈGisanká ény ˈdiiyiminyká ˈbíl tikiˈd gálaat he gaa onisie.

Lúka 16:16

Hemuumurit Waag hí Móshe ka shiicheká ubaa warˈgasam gál Waag hí ˈdéé ka shigicheká hí veereká ˈdeemle hé gaalí ˈdiiyime, ˈjíig Yuána giri gáál bie gim nannieká bárle đig. Ameeny Yuana kinaallá in Fayam Midhab Guch Waaˈgietká yú gáá ˈdiiyime. Tá Guch Waaˈgiet hé gál burnayká hí ˈdu gáá ruruan.

Lúka 20:1

Kulich tikiˈd Yíésu hátlé ˈBíl Waaˈgiet náble gálaat he gaa oonisie-, Fayam Midhab Waaˈgietká gálaat ki ˈdiyimeká, gál guguđo-, suoryoká ubaa gál nyatalaamká, tá gál káruká mú ˈdu gáá yimie.

Lúka 4:14

Yíésu fargogint Hím Naasan Waaˈgiet hol ki nadhe, Galilááya mé nie. Mú fayamle lés tol iđoká lulle eiy bash ki chie.

Lúka 5:17

Kulich tikiˈd Yíésu hátlé gálaat he oonisieká, gál Farisaay-, ubaa gál nyatalaam-, giri ˈjien lullé lés Galilaaya ubaa lés Yuuˈdia tá Yerúsalem gáá yimieká úba hé nyésébích kinaallá gaa ije. Mu hé fargogint Máá Guđo Waag yé gáá ˈdiiyyeká giri muí gál basham ˈguoká ki bibisuoká hé ˈgie.

Lúka 6:17

Yíésu ubaa lalille gúm gáá leedheká, Yíésu ál gaa guđo-, saaloká ki ˈdie. Ál kinaal mú lalillé guđoká hé mú hol ˈgie. Nyésébích guđoká úba lés Yuuˈdia ubaa ˈjien Yerusalem, tá ˈjien Turo ubaa ˈjien Siˈdon giri bás in ijeká he gáá yimie,

Lúka 6:6

Aalé Kúlích éíy taaka Hef ˈGisanká Yíésu ˈbíl ˈdiiyiminyká hile, gálaat he onisie. Máá gíl ˈdaa naaniet hí ki kiite-, gíl gáá héljo mare úba hé ˈbíl kinaallá gaa ije.

Lúka 7:21

Ál kinaal Yíésu gál burnay basham ˈgieká ubaa gál aryáán hí hilleká bisie. Mu gál in maaman-, burnayká úba in kaay, gaal biiy gaa arge.

Lúka 7:22

Aalé Yíésu lali giri Yuanaká ˈdéé hol ˈdú nie, kieye, Hol nadhíe, Yuána hé hí argiyyééllá ubaa hé hí maallééllá fayamle shía. Gál in maamanká hé in kaadhdhe, gál ˈgas maamannayká hé hol gaa seeseme, gál nyókot ˈgieká hé midhandhe, gál nee maamannayká hé he maale, gál kufeká hé sidham kaadhdhe, gál he maamanká hé gaalí Fayam Midhabká shie, yiedhíe.

Lúka 8:1

Hé kinaal đueká, Yíésu đo ˈjien gaa naanadhe, gálaat he oonisie, gáál Fayam Midhab Guch Waaˈgietká shie. Lali giri tomon a naamaká úba mú hol eedhdhe.

Lúka 9:11

Gál ilishká mu sienylé Beđesáída sesemeká maaleká mú el gaa veere. Gaal mú hileká muí les iđie, gáál muí Guch Waaˈgiet fayamle shie, gál bím fedeká muí bisie.

Lúka 9:60

Yíésu mú geey, kieye, Gál kufeká hash, gállé kufeká hí gaagalio. Kúún íín sí, Guch Waaˈgiet ˈdiiyímo, mú yie.

Yuána 18:20

Aalé Yíésu kieye, Yú les ˈdeeny édhká geey. Yú bar lullé ény ˈdiiyiminyká ubaa ˈBíl Waaˈgiet-, gál Yuuˈdi-, hí hol ˈdu gáá yiimetká gálaat he gaa oonisie. Yáá ˈdeeny níínní hát shuolitiká huogodheká mán.

Yuána 6:59

Hééllá af giri mu ˈbíl ˈdiiyiminy-, Kafarnaumká gáál he gaa oonisieká muí huogodhe.

Yuána 7:1

Hééllá el ˈdaal Yíésu đo Galilááyalle gaa yíéđie, ˈjien totom gaa seeseme. Mu ˈdaa giri gál guguđo-, Yuuˈdiká hí oosle ˈgieká mu hé lés Yuuˈdia ma síen.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 18:4

Báulo ˈjien Korinto kinaal bar lulle Kúlích Hef ˈGisanká ˈbíl ˈdiiyiminyká seeseme. Mu fayam Yiesu gálaat ki ˈdiiyime, gál Yuuˈdi ubaa gál Hellen ˈdéé af gaa kuokoy.

He Ekeny Gál Alb Fimiká 20:25

It giri yú hí hurt gaa seseme-, lulkícho yú hí Guch Waaˈgiet ˈdeenyle ki ˈdiiyimeká, hát máá níínní geđi ye aargiro-, mánká, yáá óg.

He Ekeny Gál Alb Fimiká 28:31

Mu gálaat hát ˈdabaanká Guch Waaˈgiet ubaa Máá Guđo Yiesu Kirísto ˈdeenyle onisie. Mú hé máá níínní úba hí ˈdéé huogon ká ridhdheká mán.

Róóma 10:15

Tá gál gálaat ki ˈdiyeenká ˈdaab gaalí alb ma fíinyká háteeye gáál fayamééllá ki ˈdiyime? Hát Warˈgat Waaˈgiet hí hote-, kieye, Gál fayam midhabká hol gaa sisidhoká ebá ˈgas met hí mídhab! chieká.