Matááyo 4:13 - Fayam Midhab Yiesu Kiristoká He Hol Af Iđiny Kaanaká

¹³ Mu ény Nasaret gaa kieká sedhe, Kafarnáum-, Bás Galilaaya in ijo-, lés é meeny Dhebulun ubaa é meeny Nafitali gaa taalká álle gaa yíéđie.

Matááyo 4:13 ပူးပေါင်းရင်းမြစ်များ

Matááyo 11:23

Tá kó ˈjien Kafarnaumallo, hollo hol ˈderneche-, úr nyoorónno? Kó úr ma nyuorminy! Kuun Waag hai ko gaanaycha, ál gál kufeká hí mé nannuoká ha gaa maanyjayya. Hé burnay-, gálaat hí af ˈdaˈdabo-, yú ko hurt gaa ekeyká, gaalí ˈjien Soˈdom gaa ekênyka, gál ˈjien kinaalloká kisso onnônyka Waag makan fame, ˈjien kinaallá onnônyka afééllá hé hátle ali ijo.

Matááyo 17:24

Aalé Yíésu ubaa lalille ˈjien Kafarnaum ki fameká gál bíre gaalí ˈBíl Waaˈgiet ki gugusoká gugusatká Bétiro ˈdu gáá yimie, kieye, Máá kíchia hí he oonisúóllá in hé bíre ˈBíl Waaˈgiet gugusô? yie.

Matááyo 4:14

Yaalmitééllá in Waag máállé ˈdeem ka shigiche-, Yisááya léká ˈdeenylé ˈdiiyimeká ˈduway, giri kieye,

Matááyo 4:15

Lés Dhebulun ubaa lés Nafitali hátlé taal-, bás veeˈdoká, tá ˈjíig wár Yorˈdan-, ílungle hátlé taal-, giri lés Galilaaya é meet kidhdho léká,

Matááyo 9:1

Yíésu kadich hile, ílung ˈdaatí yé ki ˈjie, ˈjienle ki ˈjie.

Márko 1:21

Aalé Yíésu ubaa lalillééllá ˈjien Kafarnaum ki fame. Kúlích Hef ˈGisanká Yíésu ˈbíl ˈdiiyiminyká sedhe, gálaat he onisie.

Márko 2:1

Waaséél Yíésu geđi Kafarnáum hol ˈdú nadhe. Mú é ki ˈjímle fayamle ˈjien eiy ki bash chie.

Lúka 10:15

Tá kó ˈjien Kafarnaumallo, hollo hol ˈderneche-, úr nyoorónno? Kó úr ma nyuorminy! Kuun Waag hai ko gaanaycha, ál gál kufeká hí mé nannuoká ha gaa maanyjayya, muí yie.

Lúka 4:23

Yíésu gáál geey, kieye, Hé ˈduwa, itín gon ˈdéé hótallá haí ye ˈdú hogoto: Máá gil onyi, hol bísish! Hé nyí maalle-, gáál af ˈdaˈdabsuo-, Kafarnáum gaa ekeycheká, lés kuallá úba gaa ékesh, haí ye cheedhe.

Yuána 2:12

Aaléka, héél đueká Yíésu kie, ˈjielle ubaa nyaaramle tá lalille hol eedhdhe, Kafarnáum mé nie. Gaal ál kinaal rám iraam mánká gaa rafe.

Yuána 4:46

Yíésu geđi ény Kanna giri lés Galilaaya-, álle bie hol gaa lay-, bie ˈdúú yieká hol ˈdú nadhe. Kafarnáum giri ény Kanna kí ˈjóbká álle hé máá kansich iny hí ki kulnadhe mare hé hí gaa ije.

Yuána 6:17

ál kinaal kadich gaa hile, giri ílung ˈdaatí yé ki ˈdeˈdeen-, Kafarnáum seseenká. Aalé gaal kadich kudhdheká Yíésu hátlé gáál ma hílinyká biiy đo chuurayye.

Yuána 6:24

Nyésébích giri ílung kinaal ki ˈgiteká gíl les kí ˈdoyká Yíésu hát láʼ-, lalille íín hol ma ka náanká kimite. Gaal đo kadís hile, Kafarnáum mé nie, bííy kinaal Yíésu ˈdú ˈgeˈgedhe.

Yuána 6:59

Hééllá af giri mu ˈbíl ˈdiiyiminy-, Kafarnaumká gáál he gaa oonisieká muí huogodhe.