Matááyo 4:11 - Fayam Midhab Yiesu Kiristoká He Hol Af Iđiny Kaanaká

¹¹ Aalé Sátan đo Yíésu in ká siete, Waag gállé ˈgasso-, urruká đo Yíésu ˈdu gáá yimie, mú ál kinaal gaa ˈdeey.

Matááyo 4:11 ပူးပေါင်းရင်းမြစ်များ

Matááyo 26:53

Itín tawuny kíchoka, yú fedînyka, yáá ˈJaachú ma veemîny? Mu ye yuoylé uriet burnayye-, met hí tomon a naamaká ali ma ˈdu gáá fafîny?

Matááyo 4:6

mú geeyche, kieye, Kuun har Iny Waaˈgiet kátaka, ebá hol úr gáá lab. Warˈgat Waaˈgiet ˈdaakúka kieye, Waag gállé ˈgasso-, urruká ˈdéé hai ki muuˈda, gaal úr hai ko ká ˈgiiliˈgaa, giri waar ko ˈgas mé ma ki ˈdaraminyká, he chie, Sátan hí mú chie.

Márko 1:13

Mu ál ˈbakate kinaal ram tomon afur gaa yíéđie, mú Sátan hí ki ekesete. Mu af kinaallá ubaa bine baadietká hol af ije. Aalé Waag gállé ˈgasso-, urruká mú ál kinaal gaa ˈdeˈdeme.

Lúka 22:43

Ál kinaal máá ˈgasso-, urru mare mú yé ˈdu gáá ˈdie, mú guofsie.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Lúka 4:13

Aalé Sátan mú hatal lulle ki ekeseteká, mú in ká siete, giri af éíy taaka mú hol ˈdu gáá nannaatoká.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 1:6

Héétí Waag Inylé ˈdúwáállá les ká eeyyeká kieye, Gál ˈgasso-, urru-, Waaˈgietká lulle hí mú viivisato, he chie.