Matááyo 3:7 - Fayam Midhab Yiesu Kiristoká He Hol Af Iđiny Kaanaká

⁷ Aalé mu gál Farisaay ubaa gál Saˈdukaay ilishká ˈdaa bie gim niinykáka hí ˈdu gáá yiimie-, argeká, mu gáál geey, kieye, It ˈdálto chaaráal! Mááya hí fuute, hí idho Waaˈgiet ka chiimetoká met kar gaa ˈdonyle geey?

Matááyo 3:7 ပူးပေါင်းရင်းမြစ်များ

Matááyo 12:24

Kor gál Farisaay ˈdeenyéél maaleká Yíésu eeshey, kieye, Máállá fargogint Belsebul giri aryáán kánsích léká in aryáán yiem ki ˈdeđia, yie.

Matááyo 12:34

It ˈdálto chaaráal! Itín háteeye kerka hí hé ˈdúwaká hogoto, in hé gaa nyakarichká gerkícho koch háluke? Máádhat ˈdaaka hé hí geer gaa ijoká in he hogodho.

Matááyo 15:12

Aalé gál láliká Yíésu ˈdu gáá yimie, kieye, Gál Farisaay hát ˈdeenykú néballá kó kimisate? gaalí mú yie.

Matááyo 16:1

Aalé kulich tikiˈd gál Farisaay ubaa gál Saˈdukaay ˈgíérích he Yíésu ˈdéé af kí dhaˈgasanká hol af gáá maale, kí kie, mú ˈdu gáá yimie. Gaal mú heete, giri mu fargogint urietká hé gálaat hí af ˈdaˈdaboká ki ekemeyo-, gaalí aargiroká.

Matááyo 16:6

Yíésu gáál geey, kieye, Tág ˈdée! Gál Farisaay ubaa gál Saˈdukaay maatle hol raaradhíe, yie.

Matááyo 22:15

Aalé gál Farisaay taak yíé ˈdie, ˈdeeny mú af ki raraat-, mú ˈdú ˈgiiliˈgawká hol af gáá koy.

Matááyo 22:23

Kúlích tikiˈde kinaallá gál Saˈdukaay giri kieye, Gálaat gál mán yeetká hé sidhamle hí hol ma ˈdú gáá nannaan, uushim yiem ma gáá ˈdeˈdeminy, yegetká Yíésu ˈdéé hót ˈdú gáá eedhdhe.

Matááyo 22:34

Gál Farisaay Yíésu hát gál Saˈdukaay a mé ki ˈjie-, maaleká hol shaalle, mú ˈdu gáá kie.

Matááyo 23:33

It chaara-, hí um reewal! Itín háteeye, hí ˈjiet biiyoká manyjasinyle met kar gaa ˈdaraanna?

Matááyo 5:20

Aaléká, yú hí geeye, itín har hát Waag hí feˈdoká hí hát ˈduwantiká el ma gaa igiriny-, hí gál Farisaay ubaa gál gálaat nyatalaam oonisuoká hí af mé ma ˈgisanka, af kinaalka itín gon Guch Waaˈgiet ál níínní hí ki higillaká mán.

Márko 12:13

Aalé gál Farisaay ubaa Heróˈde gállé hí ˈdú ijoká ˈdáá tikiˈd gaalí Yíésu ali ˈdú fie, giri gál kinaal ˈdéé um mákárta-, mú a geer yé gáá ˈdeˈdeenká mú af ki raraatká.

Márko 12:18

Aalé gál Saˈdukaay giri kieye, Gálaat gál mán yeetká hé sidhamle hí hol ma ˈdú gáá nannaan, uushim yiem ma gáá ˈdeˈdeminy, yegetká Yíésu ˈdéé hót ˈdú gáá eedhdhe.

Márko 8:15

Yíésu gáál il gíl gaa helie, kieye, Tág ˈdée! Maat gál Farisaay ubaa maat Heroˈde hol ˈdeeˈdemíe, yie.

Lúka 16:14

Aalé gál Farisaay giri birm gielká ˈdeenyéél lulle maaleká Yíésu eeshey.

Lúka 18:11

Máá giri Farisaayká les gaa kie, Waag vite, kieye, Waag, yáá ko meey, yú yáá hát gálatíá lulle muuniny, gálle gálaat gaa buruan-, hé ˈdeđewká ekemeyo-, tá hol buruanallá. Yáá úba hát máá gibíre gugusatallá muuniny.

Lúka 7:30

Gál Farisaay ubaa gál nyatalaamká Yuána hí bie gim nannuoká iiy ma yéenká íín hé Waag hí ki feˈdeká điidhe.

Yuána 1:24

Aalé gál gál Farisaay hí ali ka fíéllá,

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Yuána 9:40

Gál Farisaay Yíésu hol ˈgieká ˈbaal ˈdeenyéél Yíésu hí hodhe-, maaleká kieye, Héél kor háteeye? Nyiin úba inno nyí maníta? mú yie.

He Ekeny Gál Alb Fimiká 15:5

Kor gál Kiristo siraat gál Farisaay ki ˈgieká les gaa kie, kieye, Gál kidhdho Kirísto iiy yíéllá gon gaalí heermisuo, hemuumurit Waag hí Móshe ka shiicheká hí el gaa iigiro, yie.

He Ekeny Gál Alb Fimiká 20:31

Aaléka, biiy ˈdeeˈdemíe, warram seđ geerle hát yú hí chúúre ubaa kúlíchle buony af ki tatieká táb ˈduoˈdodhíe.

He Ekeny Gál Alb Fimiká 26:5

Gaal hé kíssóótí ye gáá óg. Har gaal hí fedoka, gaal yú hát máá Farisaay-, nyátál kínyia Yuuˈdííllá hát ˈdabaanká el gaa igireká hai ko ká geđia.

He Ekeny Gál Alb Fimiká 5:17

Aalé máá méte suoryoká ubaa gállé hol ˈgie-, Saˈdukaayká hinááf hí faanne.

Róóma 1:18

Waag hé gálaat geeyche, giri idholle úr gáá haađicho-, gál Waag kian ka mán-, héllé gaa nyakarich-, gaa seseen-, hé ˈdúwaká mé ki yuyuoká lulle ˈdú iđimichoká.

Róóma 5:9

Aalé káána, Kirísto fásle ˈdaalle ˈdugaka, Waag múún gáál gál ˈdúwaká hoyche. ˈDaa giri ke hé kinaal ógká, Kirísto hát muun gáál Waag idholle ubaa he il ká argisinyle gáál gaa ririanká hé úba ke óg.

Dhesaloníke Erká 1:10

Gaal íín úba hát itín hí Waag Inylé uushich yé gáá ˈdeeyche-, Yíésu lé-, úr gáá yiimet-, hí met egetóóllá he hogodho. Waag Iny lééllá muuni gáál idho Waaˈgiet geđ igiˈdóóllá gáá bibisia.

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.