Matááyo 3:2 - Fayam Midhab Yiesu Kiristoká He Hol Af Iđiny Kaanaká

² Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 3:2 ပူးပေါင်းရင်းမြစ်များ

Matááyo 10:7

Tá hí hol gaa seseennoká gálaat ki ˈdiiyimíe, Guch Waaˈgiet hé ká ˈjobonte, yiedhíe.

Matááyo 11:20

Aalé Yíésu hé burnay-, gálaat hí af ˈdaˈdaboká ˈjien he gaa eekemeyká gálle ˈdeente, ˈdaa giri gaal héllé ˈdeđew-, ekemeyoká ma hâny-, Waag makan ma fáminyká.

Matááyo 12:41

Kúlích Waag hí gálaat ˈdéé ki iđimichoká gál Ninevi ubaa gál barallóóllá Waag met hai ki ˈdeeme, tá gál Ninevi gál barallóóllá súmmo ˈdeđente, ˈdaa giri gaal íín af giri Yónnas hí ki ˈdiiyimeká Waag makan fameká. Tá onnóo, állá hé máá Yónnas súm ˈdú ˈdúwaká hí yaal.

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Matááyo 13:24

Aalé Yíésu hib éíy taaka he hol ki ekenyká gálaat geey, kieye, Guch Uratiká yaalmit ki égká he hát máá ár midhabká lésle gaa fieká.

Matááyo 13:31

Yíésu geđi hib éíy taaka he hol ki ekenyká gálaat geey, kieye, Guch Uratiká yaalmit ki égká he hát heert ninni-, máá les fafuoká hí eedhdhe-, hí lésle gaa fafuoká.

Matááyo 13:33

Yíésu geđi hib éíy taaka he hol ki ekenyká gálaat geey, kieye, Guch Uratiká yaalmit ki égká he hát maat ninni-, min hí eete-, ˈdúlo ongʼolaam hí seđeká ki ˈdaaˈdiche-, ˈdúlo lulle karsicheká.

Matááyo 13:47

Guch Uratiká úba yaalmit ki égká he hát mas gaalí bás ki layka, béé met lulle ka ˈgiiliˈgaw-,

Matááyo 13:52

Aalé Yíésu đo gáál geey, kieye, Aaléka, máá gálaat nyatalaam oonisuo-, Guch Waaˈgiet lalille yieká he hát máá ˈbíl geerle mé ki yaal-, tokolle hé ˈduuˈdúwa-, kissoká ubaa hé ˈduuˈdúwa-, kaanaká hí gaa ijoká yé gáá ˈdeđuoká, yie.

Matááyo 18:23

Aalé Yíésu gáál hibéél geey, kieye, Guch Uratiká yaalmit ki égká he hát máá kansich gedellé hí bíre gaa hidheká hol êw gaa beđisatká.

Matááyo 20:1

Aalé Yíésu gáál hibééllá geey, kieye, Guch Uratiká héllé hol ki égká he yaalmit máá lésle ˈguor saanoká hí gaa ˈgie-, bur a midhab kie-, gál hí léslé kinaal hujich gaa nannuoká ˈgas ˈgeˈgedheká.

Matááyo 22:2

Guch Uratiká yaalmit ki égká he hát máá kansich een inyleka gálaat gólol tág ki koyká he ká taalla.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 25:1

Aalé Yíésu geđi lalille hatal geey, kieye, Bár kinaal Guch Uratiká hát yaalmit hada tomon nyátáálle shuunne-, máá egeetká bííyle mé nieká he hol ki egínta.

Matááyo 25:14

Yíésu geđi gáál hibéél geey, kieye, Bár kinaallá Guch Uratiká yaalmit úba ki égká he hát máá sieny lés fágká hí ka hileká gedelle hol ˈdú vie-, kamurle gáál gil fieká he ká taalla.

Matááyo 4:17

Ameeny kinaallá in Yíésu ˈdiiyiminyle mé gáá kodhdhe, gálaat geey, kieye, Hé ˈdeđew-, hí gaa seseenneká hayyíe, Waag makan famíe, Guch Waaˈgiet hé ká ˈjobonte, yie.

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 5:10

Gál hát Waag hí feˈdoká el gaa igiro-, tá gaalí maanyjasuoká, hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Matááyo 5:3

Gál hát lulle mán-, Waag bala ˈdú nieká hé Waag hí ˈdú ˈjeˈjeenno. Guch Waaˈgiet gál hí léká hé kinaallá.

Matááyo 6:10

Guchkú hí lésallá ká chimet. Hát feˈdo-, gaalí úr gaa ekemeyóóllá, gálaat úba hí lésallá gaa eekemeyo.

Matááyo 6:33

Aaléka, erkob Guch Waaˈgiet ubaa hé Waag hí itín gaa feˈdoká hol gaa ˈgeˈgedhée, hé hí feˈdééllá lulle ha muí shigia.

Márko 1:15

Kulich hé ali kí ˈdiiyye, Guch Waaˈgiet hé ká ˈjobonte. Hé ˈdeđewká hayyíe, Fayam Midhaballá iiy yiedhíe! muí gáál yie.

Márko 1:4

Aaléka Yuána giri gálaat bie gim nannuoká ál ˈbakate mare ki ˈjie, gálaat ki ˈdiiyime, giri gaal héllé ˈdeđew-, eekemeyká gil sug ki haađuo-, gaal Waag makan fafaan-, gáál gaalí bie gim nannuo-, gáál Waag hí ađaabanolle ubaa nyuogimle gaa egeyyoká.

Márko 6:12

Aalé gaal kie, gálaat fayám shie, giri gaal héllé ˈdeđewká haađuo-, Waag makan fafaanká.

Lúka 1:16

Mu gál burnay-, Yisirayelká Máállé Guđo Waag hollo hol ˈdu gáá nannaa.

Lúka 11:20

Aaléka onnóo, har fargogint Waaˈgiet yú aryáán yiem ki ˈdeđuoka, Guch Waaˈgiet hé hí kí hille.

Lúka 13:3

Yú hí geeye, hé hát kinaallá muuniny. Itín hí hé kíchia ˈdeđewká ma hany-, hí Waag makan ma faminyka, úba lulkícho haí maanyjayya.

Lúka 13:5

Yú hí geeye, hé hát kinaallá muuniny. Itín hí hé kíchia ˈdeđewká ma hany-, hí Waag makan ma faminyka, úba lulkícho haí maanyjayya, muí gáál yie.

Lúka 15:10

Yú hí geeye, hát tikiˈdééllá máá hé ˈdeđewká gaa seseenká héllé ˈdeđewká hay-, Waag makan ˈjieka, in Waag gálle ˈgasso-, urruká ger hí gaa meedhe, Yíésu hí gáál yie.

Lúka 15:7

Hát tikiˈdééllá yú hí geeye, mú tikiˈd héllé ˈdeđewká hay-, Waag makan ˈjieká Waag gállé ˈgasso-, urruká súmo ger hí gaa meedhe. Gál tomon saal a saal hol gál saas mánká hol ka dhaˈgasanká hé Waag gállé ˈgasso-, urruká geer ma gaa memesiny, Yíésu hí gáál yie.

Lúka 16:30

Aalé máá giriká kieye, Híʼi, Baabá, Abirááyam, gál kufeká mú tikiˈd gáál ˈdú sedheka, gaal mú af nee hai kokoo, gaal héllé ˈdeđewká hai haađia, Waag makan hai faama, yie.

Lúka 21:31

Hát tikiˈdééllá hé hatallóóllá yaalmitle hí argiyyeka, Guch Waaˈgiet hát ali kí ˈdiiyyeká it óg.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Lúka 6:20

Yíésu lalille ki fuˈjie, kieye, It hí hát lulle mánnallá Waag hé hí ˈdú ˈjeˈjeenno, itín he gál Guch Waaˈgiet léká.

Lúka 9:2

Aalé mu gáál alb fie, giri gaal seseen-, fayam Guch Waaˈgiet hogodho-, tá gál basham ˈguoká bibisuoká.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 17:30

Bííy heleká Waag hé gálaat đeemléél hol ma héésen, kor káána hé gálaat he ki muˈde, giri gaal héllé ˈdeđew-, gaa seseenká haađuo-, mú makan fafaanká.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

He Ekeny Gál Alb Fimiká 26:20

Yú erkob fayám ˈDamáskaso gaa ˈdiiyime, in Yerúsalem, Yuuˈdía, tá ˈjíig kidh úba đig yie. Fayam yú gáál ki ˈdiiyimeká hééllá, giri gaal lulle héllé ˈdeđew-, gaa seseenká haađuo-, Waag makan fafaan-, gaal héllé ekemeyo-, hát héllé ˈdeđewká hayká ˈduuwle gálaat aargisuoká.

He Ekeny Gál Alb Fimiká 3:19

Hé kíchia ˈdeđew-, hí gaa seseennoká hayyíe, Waag makan famíe, giri ađaabano ubaa nyuogim kícho Waag hí ˈdug gaa laanno-, hím kíchia hí nanniyyoká Máá Guđo Waag yé gáá ˈdeenká.

Korínto ki Naamaká 7:10

Ger gaa ˈdeenen Waag hí gálaat gaa feˈdoká he ger gaa ˈdeenen gálaat Waag makan famít mé ki kooyyo-, gálle rubach yé ˈdú ˈdeˈdeenká. Ger gaa ˈdeenen hatallóóllá hé tág midhab. Tá ger gaa ˈdeenen lesiet-, gálle Waag makan famít ma fedinyká íín kúfacho gáál yé ˈdú ˈdeđicha.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Héberew 6:1

Aaléka, ha ke he onisiny erkob-, Kiristo-, ke onodheká taalle gaa íđiny, kí biiy met ki siet, giri ke mú ˈdeenyle ki higirawká. Hé erkob ke onodhe-, hát káána he ekeny ˈdúúw mánká ke haađuo-, ke Waag iiy yeen ká ˈguoká, hé kinaallá he hé ke ógká muunîny?

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.

Kí Edhesiny 2:21

Yáá min kár héllé gaa nyakarich kinaal haađicho-, ye makan ka ˈjeˈjeennoká shie, kor min hé hé kinaal điite.

Kí Edhesiny 2:5

Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.