Matááyo 3:11 - Fayam Midhab Yiesu Kiristoká He Hol Af Iđiny Kaanaká

¹¹ Yú it giri hí hé ˈdeđewká hayche-, hí Waag makan faannééllá, in hí bie gim nannaa. Tá Máá ye biiy el gáá ˈjeenká hé ye far ˈdú gogo. Yáá ˈduuw ˈguo-, mú koiy ˈgas gaa furoká mán. Mu íín Hím Naasan Waaˈgiet ubaa ˈjiete hí gim nannaa.

Matááyo 3:11 ပူးပေါင်းရင်းမြစ်များ

Matááyo 3:6

Gaal héllé ˈdeđew-, eekemeyká huogodhe, Waag makan fame, Yuána đo gáál wár Yorˈdan bíélle gim nie.

Márko 1:4

Aaléka Yuána giri gálaat bie gim nannuoká ál ˈbakate mare ki ˈjie, gálaat ki ˈdiiyime, giri gaal héllé ˈdeđew-, eekemeyká gil sug ki haađuo-, gaal Waag makan fafaan-, gáál gaalí bie gim nannuo-, gáál Waag hí ađaabanolle ubaa nyuogimle gaa egeyyoká.

Lúka 1:17

Mu Hím Naasan ubaa fargogint Waaˈgiet tikiˈde máá Waaˈgiet Elíya hí ˈgieká hai aargira, mu Máá Guđo Waag met hai ká naadha, giri mu idhaam kasle hol gaa lalaan-, gaal ubaa umle hol higiloká. Mu gál ˈdeeny Waaˈgiet nee ma kokonyká hollo hol gaa laama, giri gaal ˈdaalim gál ˈdúwa-, Waag kikiatká ˈdeenyle iiy yeetká. Mu Máá Guđoká gál hí iiy yegetká met tág hai kokoo, máá ˈgasso-, urruká hí yie.

Lúka 3:16

Aalé Yuána gáál geey, kieye, Yú tuuˈdchú íín bie hí gim nannaa. Tá máá ye far ˈdú gogoká hai ká yiimedhe. Yáá ˈduuw ˈguo-, mú koiyle saawle fuuroká mán. Máá kinaallá íín Hím Naasan Waaˈgiet ubaa ˈjiete hí gim nannaa.

Lúka 3:3

Mu lés wár Yorˈdan ˈdinnamle lulle iđoká af gaa veere, gálaat ki ˈdiiyime, giri gaal héllé ˈdeđew-, eekemeyká gil sug ki haađuo-, gaal Waag makan fafaan-, gáál gaalí bie gim nannuo-, gáál Waag hí ađaabanolle ubaa nyuogimle gaa egeyyoká.

Yuána 1:15

Aalé Yuána mú fayamle ˈdiiyime, af úr ki eey, kieye, Máá yú hí geđie-, yú kieye, Máá yú met ká nadhe-, ka yiimet-, yú hátlé ma ka ˈdaláanká kíssóótí ali ije-, hé ye ˈdú ˈdúwa-, yú hí yegieká hállá! yie.

Yuána 1:30

Máá ˈdeenyle yú hogodhe-, yú kieye, Máá yú met ká nadhe-, ka yiimet-, yú hátlé ma ka ˈdaláanká íín kíssóótí ali ije-, hé ye ˈdú ˈdúwa-, yú hí yegieká, hállá!

He Ekeny Gál Alb Fimiká 1:5

Yuána bie he gálaat gim nannie, tá itín rám iraam mán ka chiimetallá Hím Naasan Waaˈgieto Waag hí gim nanniyya, muí yie.

He Ekeny Gál Alb Fimiká 19:4

Báulo kieye, Yuána he onisinylé bie gim nimiká hélle kieye, hé kíchia ˈdeđewká hayyíe, Waag makan famíe, he chie. Tá mu úba hé gálaat geey, giri máá mú el gáá ˈjeenká gaalí iiy yegetká. Máá kinaallá he Yíésu, Báulo hí gáál yie.

He Ekeny Gál Alb Fimiká 8:36

Gaal ˈgíéríchlé gaa igireká gaal ál bie hí gaa ijo mare ká nyuore. Aalé máá giri Abachaká mú geey, kieye, Bie hállá, meete ye bie gim naan ká riridhdha? yie.

He Ekeny Gál Alb Fimiká 8:38

Aalé máá Abacha kinaal máá muul kukueká geey, giri mu muul ali kokuoká. Aalé muul ali ki ˈdiiyyeká mu ubaa Fílib hullaalle leedhe, đo bie ki leedhe, Fílib mú bie gim nie.

Korínto Erká 12:13

Múúni ke gál Yuuˈdi yíekaʼ, ke gál gál Yuuˈdi muuninyká yíekaʼ, héétí ke gál gédeká yíekaʼ, ke gál géde muuninyká yíekaʼ, lul kúnnaallá ke Hím Naasan Waaˈgiet tikiˈdééllá gim nadhe, ke gál gon tikiˈdeká yie, Waag Hím Naasanlé tikiˈdééllá hé muun gáál gaa iđiche.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Títo 3:5

Rúbáchallá hé hé kúnnaa midhab-, ki eekemeyká ke ˈdaalle ma ki árginy. Rúbáchallá mú geer guurallé ke ki arge, in mú Hím Naasanle gáál ˈdalmaat kaanaká shiiche, gáál dhiiˈde, ke luolmit kaanaká arge.

Bétiro Erká 5:5

Tá it rúórééllo, itín úba karukícho met gaa keekemíe. ˈDaa giri Waag gál hol gál ˈdúwaká ka dhaˈgasanká điđidhan-, tá gál hol ˈdúúw ririanká ˈdú ˈjeˈjeenallá, itín lulkícho, haí hol ˈdúúw ˈdeˈdéminy.