Matááyo 3:1 - Fayam Midhab Yiesu Kiristoká He Hol Af Iđiny Kaanaká

¹ Bár kinaallá Yuána gálaat bie gim nannuoká yé ká ˈdie. Mu gálaat ˈbakat Yuuˈdia álle ˈdeeny Waaˈgiet ki ˈdiiyime.

Matááyo 3:1 ပူးပေါင်းရင်းမြစ်များ

Matááyo 11:11

Yú hí hé ˈdúwaká geeye, gál gál ˈdiet hí ˈdaleká hé máá níínní Yuána gálaat bie gim nannuoká a mé ijoká mán. Tá Guch Uratiká gálle máállé biiy el ˈdaˈdká íín mú a mé ija.

Matááyo 11:7

Aalé lali Yuana he ˈgas badhdheká, Yíésu Yuána ˈduuwle nyesebich geey, gáál yiete, kieye, Lés ˈbakatéétí hí sieteká meete hí aargiˈde hí feˈde? Hóch waanich hí muotisuoká hí aargiˈde?

Matááyo 16:14

Gaal mú ˈdéé hol ˈdú nie, kieye, Gálaat ˈbáál kuun Yuána gálaat bie gim nannieká he ko yegedhe, gáál ˈbáál Elíya ko yegedhe. Héétí gáál ˈbáál kuun Yeremía, muuninyka, gál Waag hí ˈdeem ka shigicheká mú tikiˈde ko yegedhe, gaalí yie.

Matááyo 21:32

Yuána ka yimieká ˈgíérích ˈdúwa-, hí nannaatoká hí geđie, kor itín it mú af iiy ma chéen, gál bábaská ubaa gál gálaat birm gaa gugusatká in hí af iiy yie. Hé kinaal úba hí argiyyeká, it kaskícho hol ma gaa lâny, hí mú af iiy ma chéen, Yíésu hí gáál yie.

Matááyo 3:8

Saano húgúmle midhab-, gálle Waag makan fameká ˈgáa.

Márko 1:15

Kulich hé ali kí ˈdiiyye, Guch Waaˈgiet hé ká ˈjobonte. Hé ˈdeđewká hayyíe, Fayam Midhaballá iiy yiedhíe! muí gáál yie.

Márko 1:2

Warˈgat máá Waag hí ˈdeem ka shigiche-, Yisááya léká hí veereká hatallá he chie: Ebá dháash, yú máá chia ˈgassoká ali ha gáá kakaa. Mu met hai ko naadha, mu ˈgíérích kua he tág kokoo.

Lúka 1:76

Kó veel chial, kúún Waag Úr Iđoká máállé ˈdéé ka shigichoká cheedhe. Kúún Máá Guđoká met ha naata, mú ˈgíéríchle met tág ha kooyyo.

Lúka 7:24

Aalé Yuána lalille hol nadheká, Yíésu Yuána ˈduuwle nyesebich geey, gáál yiete, kieye, Lés ˈbakatéétí hí sieteká meete hí aargiˈde hí feˈde? Hóch waanich hí muotisuoká hí aargiˈde?