Matááyo 28:19 - Fayam Midhab Yiesu Kiristoká He Hol Af Iđiny Kaanaká

¹⁹ Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Matááyo 28:19 ပူးပေါင်းရင်းမြစ်များ

Matááyo 13:52

Aalé Yíésu đo gáál geey, kieye, Aaléka, máá gálaat nyatalaam oonisuo-, Guch Waaˈgiet lalille yieká he hát máá ˈbíl geerle mé ki yaal-, tokolle hé ˈduuˈdúwa-, kissoká ubaa hé ˈduuˈdúwa-, kaanaká hí gaa ijoká yé gáá ˈdeđuoká, yie.

Matááyo 25:32

Kidh met lulle mú metle hollo hol ˈdu gáá yiimedhe. Mu hát máá áíy ˈdeˈdeen-, wála ubaa éde hol eiy gaa nannuokáka, gáál eiyyo hol gaa nannaa.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

He Ekeny Gál Alb Fimiká 14:21

Báulo ubaa Barnábas ˈjien ˈDerbe Fayam Midhab Yiesuká gaa ˈdiiyime, lali guđo-, Yíésu iiy yieká arge. Aalé gaal đo Lústura, Ikónio tá Ántiok giri lés Bisidiaká hol ˈdú nadhe.

He Ekeny Gál Alb Fimiká 2:41

Gál mú ˈdeenylé kinaal iiy yieká gaalí bie gim nie. Kúlích kinaal gáál shíí seđ gáál túóyle ˈdú fame.

He Ekeny Gál Alb Fimiká 28:28

Báulo geđi gáál geey, kieye, Aaléka, onnóo! Waag hé fayam rubachietallá kidh ali ˈdú kaayye. Kidh kinaallá fayám nee hai kokoo, muí gáál yie.

He Ekeny Gál Alb Fimiká 9:18

Ál tikiˈde kinaallá hé béé hinych ki ég mare đo Sáwul in gáá okoˈde, mu geđi biiy gaa arge. Mu đo les gaa kie, gaalí bie gim nie.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Korínto Erká 15:29

Waag har onnônyka gálaat geđi ma logolnony-, hí uushim yiem ma gáá ˈdeđinyka, gál gál kufeká afleka gaalí bie gim nannúóllá háte he ˈdeeme? Tá Waag gál kufeká geđi ma logolnonyallá har ˈdúúw kátaka, af kinaalka háteka gáál gál kufeká ˈdaalle gaalí bie gim ki nannúol?

Galátia 3:27

It lulkícho gaalí bie gim nie-, hí gál Kiristo chíéllá, it Kirísto buate.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Yuána Erká 5:7

Hé gáál Yíésu ˈduuwle geđuoká seđe.