Matááyo 28:18 - Fayam Midhab Yiesu Kiristoká He Hol Af Iđiny Kaanaká

¹⁸ Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Matááyo 28:18 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 17:2

Kuun kó kansim yáá Iny kuallá hí gálaat lulle he ki mumuroká ye shiiche, giri gál ye ka shiicheká lulle yú luolmit biiyoká shiguoká.

Yuána 3:31

Máá úr gáá yimieká he lullé met ija. Máá lesalloká he máá lesallá, ˈdéé hótle ˈdaa lesieto ki taalla. Máá Waag gáá yimieká íín he lullé met ija.

Yuána 3:35

Íny hé ˈJaallé Waag hí geelnedhe, ˈJaalle hí he met lulle gíl geer fie.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 2:36

Aalé Bétiro geđi kieye, Aalé it Yisirayelallá, lulkícho hééllá hát ˈdabaanká onnóo, Yíésu giri hí ˈgór đarám yaalká ˈdú chies kinaallá hé Waag hí Máá Guđoká ubaa Messíya hoyche, muí yie.

Róóma 14:9

Kirísto kufe-, tá geđi loolnodhééllá, in gál kufeká ubaa gál luogolká Máállé Guđoká yie.

Korínto Erká 15:27

Warˈgat Waaˈgiet kieye, Waag hé he met lulle mú kansimle gim gaa iđiche, he chie. Waag he met lulle mú kansimle gim gaa iđichééllá, he hé kieye, Waag úba mú kansimle gimmo he gaa iđa muuniny.

Kolosááya 2:10

Aalé ˈdaa giri itín hí Kirísto hol ˈdú faanneká, Kirísto hé hí gaa ijo, it he lullé luolmit kíchia kaana-, hí argiyyééllá ˈduwasichoká argiyye. Kiristóóllá in kansimano lulle mé.

Héberew 1:2

Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.

Héberew 2:8

he lulle gáál ˈgas met fiiyye, giri gaal hé kinaal met ki ˈgieká, ˈdee hí yie. Waag gálaat he lulle ˈgas met fiiyyééllá, hé níínní hayche-, gaalí mé ma ki yaalinyká mán. Kor káána ke dhaayka, he lulle hátle hé gálaat ˈgas gim gaa láʼ.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.

Kí Edhesiny 19:16

Mú gielle ubaa mú gúbúsle meeny Waag hí gaa veeˈdeká he kánsích kansím lulle mé ki yaalká.