Matááyo 27:4 - Fayam Midhab Yiesu Kiristoká He Hol Af Iđiny Kaanaká

⁴ Mu gáál argeká, gáál geey, kieye, Yáá tág hé ˈdeewká ekey, yáá máá hé níínní konf ka ˈguo mánnal kúfach ˈdu gáá eeyallá, gáál yie. Gál guguđo kinaal mú geey, kieye, Hé kinaal meete kínyaa hí gaa ija? Hé kinaallá kúóllé, gaalí mú yie.

Matááyo 27:4 ပူးပေါင်းရင်းမြစ်များ

Matááyo 27:19

Aalé Bilááto hátlé karallé hemuritiká ˈdú ijeká, minle hí máádhat ali ˈdú kaayye, kieye, Máá ˈdúwáállá ˈdeenyle ha hurt híliny. Amadh maallo kisare yú amadheká hé tág ye hawul ˈgeˈgeto, chie.

Matááyo 27:54

Aalé máá yuoy kúˈd mé ki yiel mare ubaa yuoylé he Yíésu hol ˈgar ˈdeˈdemeká les motinyle ubaa he lullé yiem ká ˈdeˈdeme-, argeká birge, neey, kieye, Hé ˈdúwa, máállá gon he Iny Waaˈgiet, yie.

Lúka 23:22

Bilááto gíl ki seđeká gáál yiete, kieye, Mú háteka ke yegesal? Meete ˈdeew muí ekey? Yú yáá hé ˈdeew-, muí ekey-, ki mú ˈdú yegeská mú ma gaa árginy. Yuoy ha yú geđia, giri gaal mú tuuno-, tá mú haađuoká, muí gáál yie.

Lúka 23:41

Múún taglé gaal gáál hééllá ki ekemeye, ˈdaa giri ki he ˈdeeđeneyká. Tá máállá íín hé níínní ˈdeew-, he ˈdeeneyká mán, muí mú yie.

Lúka 23:47

Máá yuoy kúˈd mé ki yiel-, ál kinaal yielká héél lulle argeká Waag meey, kieye, Hé ˈduwa, máállá gon he máá ˈdúwa-, saas mánká! yie.

Yuána 19:7

Aalé gál Yuuˈdiká điidhe, kieye, Nyíín nyáá nyí hemurít ˈgayya, ˈdaa giri mu hol Iny Waaˈgiet yegetká, mu gon hai kufe, gaalí yie.

He Ekeny Gál Alb Fimiká 13:28

Gaal hé ˈdúwa-, muí ˈdú kufunanká har úba mú ma gaa arginyka, mú Bilááto mé ki tie, giri Bilááto mú yegeská.

Róóma 3:19

Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Tímote Erká 4:2

Gál hođomlé-, hol gál ˈduuˈdúwaká hođúóllá hé gál hé ˈdúwaká ubaa hódhoká hol ká muogká yie.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Yuána Erká 3:12

Ha ke hát máá Satan Káyinlé-, nyárle yieská yéen. Tá mu íín háteka nyárle yiesal? Mu nyárle yiesallá he ˈdaa giri mu íín he eekemenyle ˈdeew-, mú nyárle íín he eekemenyle ˈdúwaká.

Kí Edhesiny 11:10

Tá ˈdaa giri gál naama-, Waag hí ˈdeem ka shigichééllá kufeká gál les ˈdú ijeká ger hí gaa meedhe, aaˈdume, hé shiicho hol shiguoká ello hol ˈgiˈgidhia. Gaal hatallá ger hí gaa meedhééllá he ˈdaa giri gál naamáállá gál lesietká manyjasieká.