Matááyo 27:32 - Fayam Midhab Yiesu Kiristoká He Hol Af Iđiny Kaanaká

³² Gaal ˈgíéríchlé gaa igireká, gaal máá gaalí Símon yeget-, máá ˈjien Kurene mare hol ˈdu gáá fame. Yuoy ˈgór đarám yaal-, Yíésu hí ˈgieká mú ˈdú moyche, giri muí siidhoká.

Matááyo 27:32 ပူးပေါင်းရင်းမြစ်များ

Matááyo 16:24

In aaléka Yíésu lalille geey, kieye, Máádhat ye el gáá verenoká fedoka, íín dhúrle erkob hí hol điidho, hí ˈgórlé đarám yaalká eet, tá hí ye el gáá veero.

Matááyo 5:41

Máá yuoyóká har ko ˈdéé ˈdú moy-, ko geey-, Ye shókódíchallá ˈgar éew, yieka, mú shokodich ˈgar éew, ál muí ko ˈdú moyká a naam af yíé ˈdé.

Márko 15:21

Aalé gaal máá forich gáá yiimie-, ál kinaal ká nadhe-, gaalí Símon yeget mare he ˈdú moy, giri mu Yíésu ˈgórlé đarám yaalká ˈgar egeetká. Máá kinaallá he máá lés Kurene, Alekesánda ubaa Rúúfus ˈjaallé.

Lúka 23:26

Gaal sienylé seseme-, Yíésu ˈgie-, mú ál ˈgór đarám yaalká ˈdú ˈdaraanká ˈdú egedhdheká, máá Kurene-, gaalí Símon yegie-, forich gáá yiimie mare hol met kí ˈdoy. Aalé gaal máá kinaal ká ˈgiliˈgay, mú ˈgór đarám yaal-, Yíésu hí ˈgieká ˈgáár ˈdú iđie, mu Yíésu el gaa veere, mú ˈgór ˈgar sidhe.

Yuána 19:17

Yíésu ˈgórlé đarám yaalká eedhdhe, gaal sedhe, ál gaalí Ál Me ˈGonte yegetká mé nie. Ál kinaallá af Heberewka, Golgóta, gaalí yegedhe.

He Ekeny Gál Alb Fimiká 11:20

Aalé gál Yerúsalem kar gaa ˈdane-, Ántiok mé nieká ˈdáá tikiˈd hí gál lés Kuburos, ˈbaal hí gál ˈjien Kurene. Gál kinaallá ˈjien Antiok kí fameká gál kídh Hellen Máá Guđo Yíésu Fayamlé Midhabká úba shie.

He Ekeny Gál Alb Fimiká 13:1

Gál Kiristo Antiokká hé gál Waag hí ˈdéé ka shigicheká ubaa gál gálaat ˈdeeny Yiesu oonisieká hí gaa ije. Gál kinaallá he mú Barnábas, Símion giri Níˈjer léká, Lókias giri máá ˈjien Kureneká, Manáyan giri Heróˈde giri les mé ˈdíne ˈdáá tikiˈd mé ki yielká hol ˈgar ká guguđandheká, héétí ubaa Sáwul.

He Ekeny Gál Alb Fimiká 2:10

gál lés Firgia, gál lés Bamfilia, gál lés Misirayim, tá gál lés Libia e hí ˈjien Kurene kí ˈjóbká. Múún gáál ˈdáá tikiˈd Róóma gáá yimie.

He Ekeny Gál Alb Fimiká 6:9

Aalé gáál mé tikiˈd Estéfan ˈdu gáá yimie, mú hol ki falme. Gál kinaallá ˈbíl ˈdiiyiminy-, gálle Gál Gaalí Mé Fureká gaalí yegieká he yé gáá ˈdie. Gál kinaallá ˈdáá tikiˈd ˈjienle he ˈjien Kurene ubaa ˈjien Alekesanđara, tá gáál ˈdáá tikiˈd íín úba lés Kilikia ubaa lés Asia he gáá yimie.

He Ekeny Gál Alb Fimiká 7:58

mú a chiˈde, mú é yé gaa ˈdeete, giri mú yegeská. Gál hé giri Estéfan hí hogodheká nee kokoyká gielolle fure, máá ruorich gaalí Sáwul yegie mare bala fie, gaal Estéfan waar ki tune.