Matááyo 27:31 - Fayam Midhab Yiesu Kiristoká He Hol Af Iđiny Kaanaká

³¹ Aalé yuoy mú eesheny hí gaa đuyyeká, mú đafar búr kaayyeká gaa fuˈde, mú đafaraamle geđi fiiyye, giri mú egeeto-, mú ˈgór đarám yaalká ˈdú ˈdaraannoká.

Matááyo 27:31 ပူးပေါင်းရင်းမြစ်များ

Matááyo 20:19

Gaal kídh gíl geer hai ye gaa kakaa, giri gál kinaal ye ˈdú kosolon-, ye tuuˈd ki tuuno-, ye ˈgór đarám yaalká ˈdú yegeská. Tá kúlích ki seđeká sídhchú geđi hollo ye hol ˈdu gáá naata, uushich yé ha yú gáá ˈdeeme, Yíésu hí gáál yie.

Matááyo 21:39

Gaal đo íny hol ˈdú ˈgiiliˈgay, íny les hurt yé gaa ˈdeete, íny đír sug ki yies, Yíésu hí gáál yie.

Matááyo 26:2

kieye, Ram naam ˈgiteka hát ˈjila máá ˈgasso-, urru-, Waaˈgietká hí gáál ˈdug gaa nadheká ke ˈguoká it óg. ˈJiláállá afle yáá Iny Máádhátallá gál ye ˈgór đarám yaalká ˈdug ˈdú yegeská gíl geer ha gaalí ye gaa kakaa, yie.

Márko 15:20

Aalé gaal mú eesheny hí gaa đuyyeká, mú đafar búr korbidheká kaayká gaa fure, mú đafaraamle geđi fie, giri mú egeet-, mú ˈgór đarám yaalká ˈdú ˈdaraanká.

Yuána 19:16

Aalé el ˈdaal, Bilááto mú gáál shie, giri mú gaalí ˈgór đarám yaalká ˈdug ˈdú yegeská. Aalé yuoy Yíésu eete.

Yuána 19:27

Aalé mu máá giri láliká geey, kieye, Bá dháash, máállá aalé he ˈjiekú, yie. Ameeny kinaallá in máá lálííllá Yíésu ˈjielle máá ˈbíl geerle hote.

He Ekeny Gál Alb Fimiká 7:58

mú a chiˈde, mú é yé gaa ˈdeete, giri mú yegeská. Gál hé giri Estéfan hí hogodheká nee kokoyká gielolle fure, máá ruorich gaalí Sáwul yegie mare bala fie, gaal Estéfan waar ki tune.

Héberew 13:12

Hát tikiˈde kinaallá in Yíésu úba é sug he il hí gaa argiyye, kufe, giri fásle ˈdaalleka gálaat ađaabano ubaa nyuogim gaa dhidhiroká.