Matááyo 27:2 - Fayam Midhab Yiesu Kiristoká He Hol Af Iđiny Kaanaká

² Gaal Yíésu gil hiigidhe, mú máá Bilááto lé-, lés kinaal mé ki yielká ˈdú eedhdhe.

Matááyo 27:2 ပူးပေါင်းရင်းမြစ်များ

Matááyo 20:19

Gaal kídh gíl geer hai ye gaa kakaa, giri gál kinaal ye ˈdú kosolon-, ye tuuˈd ki tuuno-, ye ˈgór đarám yaalká ˈdú yegeská. Tá kúlích ki seđeká sídhchú geđi hollo ye hol ˈdu gáá naata, uushich yé ha yú gáá ˈdeeme, Yíésu hí gáál yie.

Matááyo 28:14

Har fayamééllá máá les mé ki yaalká hí maaleka, nyííni nyí mú hol ká geđicha, it hé níínní ˈdeew muí ki ekemeyoká mán, gaalí yuoy yie.

Lúka 13:1

Aalé af kinaal gál ál kinaal gaa ije mare fayam gál Galilaaya-, gálle giri suor ˈgaˈgale-, Bilááto hí yies-, fásle ubaa fás aanyle suor ˈgaˈgale kinaal hol fameká Yíésu geey.

Lúka 20:20

Aalé gaal Yíésu ˈdeey, mú gáál ki koy. Gál gaalí mú ki koy kinaal hol gál hé konf ka ˈguo mánká hol hoy, giri gaal mú ˈdéé af ki raraat-, mú máá mangis ál kinaal mé ki yielká gíl geer gaa kakawká.

Lúka 23:1

Aalé karu lullé giri hol ˈdu gáá yimieká les gaa kie, Yíésu Bilááto met eey.

Lúka 23:12

Heróˈde ubaa Bilááto giri kíssóótí hol ka kídh onnoyká, kúlích tikiˈde kinaal đo hol hile.

Lúka 3:1

Bár giri Kaisar Tibériyo hí les máállé súm guđo kansichká gaa onnoyká tá wárlé ki tomon tikiˈde a chenká, Bonti Bilááto íín lés Yuuˈdia mé ki yiel. Bár kinaal úba Heróˈde he máá kansich Galilaayaká. Heróˈde nyárlé Fílib íín lés Ituria ubaa lés Tarakoniti kansimle ˈgie. Lusánias íín lés Abileenno he kansimle ˈgie.

Yuána 18:12

Aalé yuoy ubaa máállé hí mé ki yielká, tá gál Yuuˈdi-, gállé ˈBíl Waaˈgietká ˈdeˈdeenká Yíésu ˈgiliˈgay, mú gil sug ki hiigidhe,

Yuána 18:24

Ánnas đo Yíésu hátlé gaalí gil hiigidheká yuoy geey, giri Yíésu gaalí máá méte suoryo-, Kayáfas léká ˈdú egewká.

Yuána 18:28

Aalé bar fuadheká gaal Yíésu Kayáfas álle gaa eedhdhe, mú máá Rooma kansichká ˈbíllé kansimoká eey. Gál guguđo-, Yuuˈdi-, gáál hol ˈgieká hé ˈbíl kansimo kinaallá náble geer ma híliny. Gaal ál kinaal hílinyka, saasso he kaadhdhe, hé ˈjila gólólle ma kokôny.

He Ekeny Gál Alb Fimiká 12:6

Chúúré giri onnônyka búrléká Heróˈde mú gálaat met ká egeyká, Bétiro íín yuoy naama he toom gaa iife, gaalí ki hiigidhe. Hé gaalí gáál hol ki hiigidhe kinaallá he nyárugó. ˈBíl afle úba yuoyó hí ˈdeˈdeenne.

He Ekeny Gál Alb Fimiká 21:33

Aalé máá yuoy mé ki yiel kinaal Báulo ˈgiliˈgay, yuoyle geey, kieye, Mú nyarugano naam ki hiigidháa, yie. Aaléka mu nyesebich yiete, kieye, Hééllá mááya? Tá mu meete he ˈdeeney? yie.

He Ekeny Gál Alb Fimiká 22:25

Aalé Báulo gaalí hiigidhe-, bár onnônyka gaalí tuuneká, mu yuoy máállé hí mé ki yielká máállé hí ello-, ál kinaal yielká heete, kieye, Máá Rooma héllé ˈdeeneyká hátlé ke ˈduuwle ma árginyká ke tuunoká taglê? Báulo hí mú yie.

He Ekeny Gál Alb Fimiká 22:29

Aalé gál giri ká yimie-, kerka mú hegeteká đo lulle eiy kie. Aalé máá giri yuoy mé ki yiel kinaal đo bineneny hí faanne, ˈdaa giri máá Rooma nyarugano ki hiigidheká.

He Ekeny Gál Alb Fimiká 24:27

Aalé warram naam hí beeyyeká Bórkios Fésitos kara kansimo-, Felikiká ˈdú yíéđie. Felíki ˈdaa giri gál Yuuˈdi hí memeyo-, fedeká, mu Báulo ˈbíl hiiginká ki hay.

He Ekeny Gál Alb Fimiká 28:20

Hé kinaallá ˈdugaka in yú hí ká vie, giri ke hol aargiroká. He ˈdaa máá giri gál Yisirayel hí egeso-, gáál ririanká ˈdaalle ˈdugaka in yú nyárugééllá ye ki ˈgiiyya, Báulo hí gáál yie.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

He Ekeny Gál Alb Fimiká 4:27

Hé kinaallá hé ˈduway. Heróˈde ubaa Bonti Bilááto, tá gál kidhdhoká ubaa gál Yisirayelká hé ˈjienééllá hol ˈdú gáá yimie, giri Gédéch kua Saas Mán-, kuun hí salab mé ki liiyye-, kansím koyye-, Yíésu léká met hiigiteká.

He Ekeny Gál Alb Fimiká 9:2

mú yiete, giri muí warˈgasam ki vereno-, warˈgasam egeet-, warˈgasam ény ˈdiiyiminy ˈDamaskaská ˈdú egeetká. Warˈgasam kinaallá in mú fargogínt shigie, giri gál yaab yíekaʼ, gál ˈdiet yíekaʼ, giri Yíésu iiy yie-, gaalí Gál ˈGierichká yegieká muí kí ˈgiiliˈgaw-, gáál muí Yerúsalem ká sisidhoká.

Tímote Erká 6:13

Waag ííni he lulle luolmít shigichóóllá metle ubaa Yiesu Kirísto giri gaalí Bónti Bilááto ˈdú eey-, mú innumle ˈduuwle gaa huogodheká metle afo yú ko gaa tie,

Tímote ki Naamaká 2:9

Fayam Midhaballá he Fayam yú ˈdú manyjay-, yú hát máá he ˈdeeneykáka káána nyarugano ye ki ˈgíéllá. Tá ˈdeeny Waaˈgiet íín hé nyarugano hí ma ki ˈgiiny.

Héberew 13:3

Gál hiigin gaa ijoká táb ˈduoˈdodhíe, ˈdú reerebée. Gáál hiiginle hát hiiginkícho ka eedhdhíe. Héétí gáál manyjanylé gaalí maanyjasúóllá hát manyjanykícho ka eedhdhíe.