Matááyo 27:19 - Fayam Midhab Yiesu Kiristoká He Hol Af Iđiny Kaanaká

¹⁹ Aalé Bilááto hátlé karallé hemuritiká ˈdú ijeká, minle hí máádhat ali ˈdú kaayye, kieye, Máá ˈdúwáállá ˈdeenyle ha hurt híliny. Amadh maallo kisare yú amadheká hé tág ye hawul ˈgeˈgeto, chie.

Matááyo 27:19 ပူးပေါင်းရင်းမြစ်များ

Matááyo 1:20

Mu hátle tawuny kinaal ˈgaa, máá ˈgasso-, urru-, Waaˈgietká mú hát amadhyoká ˈdu gáá yimie, mú geey, kieye, Yúósef, iny ˈbíl íl ˈDawuˈd! María egeet-, minkú hođisatká ha kían. María Hím Naasan Waaˈgiet ˈdaallé geer hí ki hile.

Matááyo 2:19

Aalé Heróˈde mán yieká, máá ˈgasso-, urru-, Waaˈgietká hát amadhyoká Yúósef lés Misirayim álle yé ˈdu gáá ˈdie,

Matááyo 2:22

Kor mu Arkalâw giri iny Heroˈdeká hát kara ˈjaalle feˈjie-, kánsích lés Yuuˈdia yieká maaleká, lés kinaal seseenká kiadhe. Mu lés kinaal hát ma gaa yíéđiminyká úba amádh gaa arge, đo af tame, lés Galilaaya mé nie.

Matááyo 27:18

Bilááto íín gaal hát Yíésu hinaafle hí faanne-, gaalí mú ˈdu gáá eeyká hé óg.

Matááyo 27:24

Aalé Bilááto ˈdee hí af kí ˈdabe-, nyesebich íín shalal ˈdisie-, argeká đo bie eedhdhe, nyesebich metle gil gaa ˈjidhdhe, kieye, Máállá ooslé hí chegeseká fásle yáá gil ka mán, itlé hí gil ká ˈgayya, muí gáál yie.

Matááyo 27:4

Mu gáál argeká, gáál geey, kieye, Yáá tág hé ˈdeewká ekey, yáá máá hé níínní konf ka ˈguo mánnal kúfach ˈdu gáá eeyallá, gáál yie. Gál guguđo kinaal mú geey, kieye, Hé kinaal meete kínyaa hí gaa ija? Hé kinaallá kúóllé, gaalí mú yie.

Lúka 23:41

Múún taglé gaal gáál hééllá ki ekemeye, ˈdaa giri ki he ˈdeeđeneyká. Tá máállá íín hé níínní ˈdeew-, he ˈdeeneyká mán, muí mú yie.

Lúka 23:47

Máá yuoy kúˈd mé ki yiel-, ál kinaal yielká héél lulle argeká Waag meey, kieye, Hé ˈduwa, máállá gon he máá ˈdúwa-, saas mánká! yie.

Yuána 19:13

Bilááto héél maaleká Yíésu baaˈd yé ki ˈdeey, karallé hemuriti-, kansimo-, álle gaalí Shíígiant Waariet yeget mare yielká ˈdú yíéđie. Ál kinaallá af Heberewka, Gabádha, gaalí yegedhe.

He Ekeny Gál Alb Fimiká 12:21

Aalé kúlích Heróˈde hí gáál a méé ki vieká ali kí ˈdiiyyeká Heróˈde đafaraamlé kansimoká fadhdhe, kara kansimoká ˈdú yíéđie, gáál ki ˈdiiyime.

He Ekeny Gál Alb Fimiká 18:12

Af giri Gallíyo lés Akaya mé ki yielká gál Yuuˈdi giri Báulo nebeneyká hol af vedhdhe, mú ˈbíl gaalí gálaat ˈdeem ki iđimuoká ˈdú eedhdhe, mú Gallíyo met eey.

He Ekeny Gál Alb Fimiká 18:16

Mu đo gáál ˈbíl kinaal gaa arie.

He Ekeny Gál Alb Fimiká 18:17

Aalé gaal lulle Sóstenes giri ˈbíl ˈdiiyiminy mé ki yielká fame, mú ˈbíl gaalí gálaat ˈdéé ki iđimuo kinaal met gaa tune. Kor Gallíyo íín hé ˈgúl kinaal hol ma héésen.

He Ekeny Gál Alb Fimiká 25:10

Aalé Báulo mú ˈdéé hol ˈdú nie, kieye, Yú ˈdaaka ál ye lé-, hemurit Kaisar hí ye ˈdeem ki iđimichoká yaalla, giri kuun ye ˈdéé ki iđimichoká. Kuun dhúrkú gál Yuuˈdi hát yú he ma ki ˈdeenênyká kó tág óg.

He Ekeny Gál Alb Fimiká 25:17

Aalé gáál nyí hol állá ˈdu gáá eeteká yáá ˈdéé ram ma ki ráfiny. Kúlích nyí gáá faanneká nyí rayye, biiy ká biˈdeká karuchú yú hol ˈdú gáá vie. Aalé yú Báulo gáál ali ˈdú fie, giri mú gaalí nyí met ká kokuoká.

He Ekeny Gál Alb Fimiká 25:6

Mu rám síet ubaa tomon nyuoˈdoká ál kinaal gaa rafeká, đo kie, Kaisária hol ˈdú nadhe. Mu bííy éíy taaka ka biˈdeká karullé gálaat ˈdeem ki iđimuoká hol af ká yíéđie, gáál geey, giri Báulo gaalí met ka egewká.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Yuána Erká 2:1

Um chiallo, ˈdeenyééllá yú hí ˈdu gáá verenóóllá he giri hí nyuogim ubaa ađaabano ma higilinyká. Tá máádhat har nyuogich yíekaʼ, ađááb yíekaʼ hileka, af kinaalka muun hé ke Máá ˈJaa kúnnaa Waag hol af ijo-, gáál ˈdéé ˈdú hogodhoká ˈguo. Máá kinaallá he Yiesu Kirísto, giri tikiˈde-, ˈdúwaká.