Matááyo 27:11 - Fayam Midhab Yiesu Kiristoká He Hol Af Iđiny Kaanaká

¹¹ Aalé Yíésu gaalí Bilááto met ká koy. Bilááto Yíésu heete, kieye, Kúún in he kánsích gál Yuuˈdi? yie. Yíésu mú ˈdéé hol ˈdú nie, kieye, Hát kuuní hogotóóllá, yie.

Matááyo 27:11 ပူးပေါင်းရင်းမြစ်များ

Matááyo 10:18

ˈDaa giri itín hí lalichúká, gaal gál les met ki ˈgieká ubaa gál kaansúoká met haí siidha, tá gál kinaallá ubaa gál gál Yuuˈdi muuninyká metle ˈduuwchú haí gaa hogoto.

Matááyo 10:25

Máá láliká har hát máállé hí he oonisuoká yieka, hé kinaallá hí faagsuo. Héétí gedech har hát máállé he hujich ki nannuoká yieka, hé kinaallá geerle hí gaa meet. Gálaat har máá ˈbíl mé ki yaalká chacharo-, mú Belsebul yegetka, gál ˈbil kinaalloká chaarim gaalí ˈdú muuroká ebá súm ˈdéen!

Matááyo 2:2

Gaal gálaat heete, kieye, Veel ˈdalidhe-, kánsích gál Yuuˈdi yegetká ále he gaa ija? Nyiin mú hidhintlé ˈdaa baryo yé gáá ˈdiiyyeká nyí argiyye, in nyí ká chimie, giri nyí mú met les kurram gaa ˈdaraanna-, nyí mú ˈdúúw shigichaká, gaalí yie.

Matááyo 26:25

Yúúˈdas giri Yíésu gál hí oos ˈguoká gíl geer gaa kakawká Yíésu heete, kieye, Máá gáál he oonisúóllo, he onnônyka hé yú muuninyáte? yie. Yíésu mú geey, kieye, Iiy-hí, he gon kúúni, yie.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Márko 14:62

Aalé Yíésu kieye, He yú. Itín Iny Máádhátallá Waag fargogínt lulle ˈgayyoká gíl ˈdaa naaniet yíéđian-, tá nyáˈdow urruká kí yiimetká haí aargiˈda, yie.

Lúka 22:70

Aalé gaal lulle mú yiete, kieye, Kúún in ta káána Iny Waaˈgiet? gaalí yie. Mu gáál geey, kieye, Hát yúká ití hote, yie.

Tímote Erká 6:13

Waag ííni he lulle luolmít shigichóóllá metle ubaa Yiesu Kirísto giri gaalí Bónti Bilááto ˈdú eey-, mú innumle ˈduuwle gaa huogodheká metle afo yú ko gaa tie,