Matááyo 26:63 - Fayam Midhab Yiesu Kiristoká He Hol Af Iđiny Kaanaká

⁶³ Yíésu íín taalle shab yie. Aalé máá méte suoryoká Yíésu geey, kieye, Ebá Waag bííyyo ali iđoká ˈdúo, nyí ka géesh, har kúún he Messíya, Iny Waaˈgiet kátaka, mú yie.

Matááyo 26:63 ပူးပေါင်းရင်းမြစ်များ

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 26:62

Aalé máá méte suoryoká les gaa kie, Yíésu heete, kieye, Hé ˈdaakúka gálallá hí hodhééllá, kó hé hol gáá nanniyyoká mân? yie.

Matááyo 27:12

Aalé gál guguđo-, suoryoká ubaa gál káruká hé kerka Yíésu ˈdú ˈdeenteká huogodheká Yíésu hé ˈdeeny hol nieká mán.

Matááyo 27:14

Tá Yíésu hé ˈdeenyééllá ˈdéé umut tikiˈd úba hol ma gaa níiny. Aalé Bilááto mú shab yeenléél af ˈdabe.

Matááyo 27:40

kieye, Kuun he máá hol ˈdabe-, ˈBíl Waaˈgiet ˈgieˈgie-, tá ˈBíl aadh seđ gaa ˈdiˈdiseká muunîny? ˈDaa! Ebá káána har kúún Iny Waaˈgiet kátaka, hol rig, hol ˈgór đarám yaal kinaallá gáá léésish! he mú yiegie.

Matááyo 27:43

Máállá kieye, Yú Iny Waaˈgieto, he hol yie. Ebá Waag muí ˈdúúw ki onnoyká har mú feˈdoka, hí mú riiyyo, gaalí yie.

Matááyo 27:54

Aalé máá yuoy kúˈd mé ki yiel mare ubaa yuoylé he Yíésu hol ˈgar ˈdeˈdemeká les motinyle ubaa he lullé yiem ká ˈdeˈdeme-, argeká birge, neey, kieye, Hé ˈdúwa, máállá gon he Iny Waaˈgiet, yie.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Márko 14:61

Yíésu íín taalle shab yie, hé ˈdeeny níínní gáál hol ˈdú nieká mán. Aalé máá méte suoryoká geđi mú heete, kieye, Kúún he Messíya, Iny Waag gaalí memeyokâ? yie.

Yuána 1:34

Hé kinaallá yáá arge, tá yú hí mú ˈduuwle geeye, Máállá gon Iny Waaˈgiet, Yuána hí gáál yie.

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 10:24

Aalé gál guguđo-, Yuuˈdiká mú ki made, mú yiete, kieye, Kúún taalle ger totom gaa ˈgiˈgisan nyí mé ki kokoyyo! Ebá kúún har Messíya kátaka, nyí hát ˈdabaanká ka géesh, gaalí mú yie.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 10:36

tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 18:37

Bilááto kieye, Kuun a kinaalka, máá kansichaa! yie. Yíésu mú ˈdéé hol ˈdú nie, kieye, Yú hát kansichká kó hote. Yú ˈdaa kinaallá ˈdugaka in ˈdalidhe, lésallá ká yimie, giri ˈdúúw hogodhoká. Tá gál ˈdeeny ˈdúwaká ˈdaalle ki yaalká lulle af nee hai ye kokoo, yie.

Yuána 19:7

Aalé gál Yuuˈdiká điidhe, kieye, Nyíín nyáá nyí hemurít ˈgayya, ˈdaa giri mu hol Iny Waaˈgiet yegetká, mu gon hai kufe, gaalí yie.

Yuána 19:9

ˈbíl kansimoká geđi hol ˈdú nadhe. Mu Yíésu yiete, kieye, Kúún máá aleeye? yie. Tá Yíésu hé ˈdeeny níínní mú hol ˈdú nieká mán.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

Yuána 8:25

Aalé gaal mú yiete, kieye, Kúún mááya? gaalí mú yie. Yíésu gáál ˈdéé hol ˈdú nie, kieye, Hé kinaallá hé yú hí kis geeyká.

Korínto ki Naamaká 1:19

Iny Waaˈgiet-, Yiesu Kirísto-, yú ubaa Silfáánas, tá Tímote ke hí hurtkícho gaa ˈdiyimééllá mu hé iiy-hí ma yegen, kor wáásaka, héllé kinaal el mé ma ˈgiisan, híʼi, ma yegen. Mu héllé hogodhoká hé ˈdúwaká tákáma.

Bétiro Erká 2:23

Mú gaalí chaachareká, mu hé chaarim chaarim agim nieká mán, mú he il hí argiyyeká, mu hé gáál ma suurˈgâny. Hé kinaallá lulle hé muí Waag gáál ˈdéé ki iđimicho-, gáál ˈdéé hát ˈdabaanká eiy kí nanniyyóóllá ˈdú hay.