Matááyo 26:55 - Fayam Midhab Yiesu Kiristoká He Hol Af Iđiny Kaanaká

⁵⁵ Aalé Yíésu nyésébích hí ˈgiliˈgay kinaal geey, kieye, Itín hí ká chimie-, hí fado ubaa shar ká chirate-, hí ye ˈgiiliˈgayáállá, yú he máá les ˈjegeduokâ? Yú yáá bar lulle ma ka yímen, ˈBíl Waaˈgiet ma gaa yíéđíminy, gálaat he ma gaa oonisîny, tá har af kinaal hí ye má giliˈganya?

Matááyo 26:55 ပူးပေါင်းရင်းမြစ်များ

Matááyo 21:23

Yíésu ˈBíl Waaˈgiet geđi hile-, gálaat he oonisieká, gál guguđo-, suoryoká ubaa gál káruká hí heete, gaal kieye, Kansim mááya kuun hí hééllá ki ekemeyche? Tá mááya ko kansimééllá shie? gaalí Yíésu yie.

Matááyo 26:47

Yíésu hátlé ˈdéé hogodheká, lalille geđieká, Yúúˈdas giri lali tomon a naamaká mú tikiˈd onnoyká nyésébích ilish fado orfoká ubaa shar ˈguo-, gál guguđo-, suoryoká ubaa gál káruká hí alb ka fieká hol ˈgaa, ali kí ˈdie.

Márko 10:1

Aalé Yíésu Kafarnáum gáá kie, lés Yuuˈdia mé ká nie, ˈjíig wár Yorˈdan yíé ˈdie. Nyesebim burnayká mú ˈdu gáá yiimie. Mu hátlé aađaká geđi gálaat he onisie.

Márko 12:35

Aalé Yíésu ˈBíl Waaˈgiet gáál he gaa oonisieká gáál yiete, kieye, Háteka gál nyatalaamká kieye, Máá Waag hí kansím koyye-, Messíya lééllá he Iny ˈDawuˈd, yegíel?

Lúka 19:47

Mu aadh lulle ˈBíl Waaˈgieto gálaat ˈdéé gaa oonisie. Aalé gál guguđo-, suoryoká, ubaa gál nyatalaamká, tá é karulle Yíésu ooslé yegeská hol geey.

Lúka 20:1

Kulich tikiˈd Yíésu hátlé ˈBíl Waaˈgiet náble gálaat he gaa oonisie-, Fayam Midhab Waaˈgietká gálaat ki ˈdiyimeká, gál guguđo-, suoryoká ubaa gál nyatalaamká, tá gál káruká mú ˈdu gáá yimie.

Lúka 4:20

Aalé mú warˈgát tuony hí gaa đuyyeká, mu warˈgát mare, warˈgát máá ˈbíl kinaal hujich gaa nannieká shie, les yíéđie. Gál ˈbíl ˈdiiyiminy kinaal gaa ijeká lulle mú gaa dhaay.

Yuána 7:14

Aalé ˈjila gaalí ká naate-, toom ka ˈdoyyeká Yíésu ˈBíl Waaˈgietká nyáláárle geer hile, gálaat he onisie.

Yuána 7:28

Aalé Yíésu hátlé giri gálaat ˈBíl Waaˈgietká nyáláárle geer he gaa oonisieká af gaa guđoká ˈdéé ki hodhe, kieye, Itín it ye óg, ál yú gáá yimieká úba it óg. Tá yú yáá meenychú ma kí yímen. Máá ye ali gáá kaay-, itín hí muogká, hé tág ˈdúwa.

Yuána 8:2

Bur biiy ká biˈdeká, Yíésu ˈjien hol ˈdú nadhe, geđi ˈBíl Waaˈgietká nyáláárle geer hile. Mú gálaat lulle hí ki made, mu đo les yíéđie, gáál he onisie.

Yuána 8:20

ˈDeenyééllá af giri mu ˈBíl Waaˈgietká álle gálaat he gaa oonisieká muí hodhe. Mu af kinaallá ál gálaat hí héllé shiichoká hol ˈdu sisidhoká he láá ije. Tá ˈdaa giri mú aleđuđugulle ali ma kí ˈdíinyká, mú hé máá níínní hí ˈgiliˈgayká mán.