Matááyo 26:39 - Fayam Midhab Yiesu Kiristoká He Hol Af Iđiny Kaanaká

³⁹ Aalé mu biiy met á níínni mare ki sedhe, abúún ˈdíínie, Waag vite, kieye, Baabá, har tagle kátaka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Matááyo 26:39 ပူးပေါင်းရင်းမြစ်များ

Matááyo 20:22

Yíésu gáál geey, kieye, Itín it hé hí rogononnoká muog. It kulu manyjasiny yú ál ˈjob igianallá úba hí igiannoká uˈdâ? yie. Aalé min helelle kieye, Nyáá nyí uˈda, yie.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 26:42

Aalé Yíésu geđi hol nadhe, Waag vite, kieye, Baabá, har kulu manyjasinyallá ye gaa egeyyoká tagle muuniny-, yú he gaa igianká feˈdoka, he hí hát kuun hí ye ki feˈdoká yeet, yie.

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Lúka 17:16

Mu Yíésu ˈgas met les gaa ˈdoy, mú gielmít hol ˈdú nie. Máá kinaallá he máá Samaria.

Yuána 11:41

Aalé gaal wáár ali af gaa eey. Yíésu úr gaa dhaay, kieye, Baabá, ˈdaa giri ye af maalleká yáá ko gielmít hol ˈdu gáá nie.

Yuána 14:31

tá hééllá yú hurt higilóóllá he giri les gálle yú hát ˈJaachú giel-, hé ˈJaachú hí ye kí mureká lulle el gaa igiroká kiimisatká. Ka kée, kí siet, Yíésu hí lalille yie.

Yuána 18:11

Aalé Yíésu Bétiro ki ˈday, kieye, Faaˈd tobotle hol ˈdú naʼ! Kulu ˈJaachú hí ye ka shíéllá, yáá ma igimîny? yie.

Yuána 5:19

Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

Yuána 5:30

Yíésu kieye, Yú tákámchú yáá hé ekemeyoká mán, yú hé maaloká in ˈgásle gaa igira, gálaat ˈdéé ki iđimia. Yú ˈdéé ki iđiny ˈdúwaká gálaat ki iđimia. Yú yáá hát fedoká ma ekemeny, yú Máá ye ali gáá kaayká hát he fedoká ekemeye.

Yuána 6:38

Yú úr gáá yimíéllá yáá hé meenychú ma ekemeny, Máá ye ali gáá kaayká hát he fedoká el gaa igira, ekemeye.

He Ekeny Gál Alb Fimiká 10:25

Aalé Bétiro ˈbíl af ki ˈdieká Kornélios mú a gim nadhe, mú ˈgas met les kurram gaa ˈdoy.

Filíbi 2:8

Aalé mu yaalmit máádhat kaadhdheká in hol ˈdúúw rie. Mu har úba ˈgíérích Waag hí ki feˈdeká hí kúfach mé ki koyka, mu hé ˈgíérích kinaallá nadhe, kúfách ˈdeewká ˈgór đarám yaalká ˈdú kufe.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.