Matááyo 26:13 - Fayam Midhab Yiesu Kiristoká He Hol Af Iđiny Kaanaká

¹³ Yú hí hé ˈdúwaká geeye, les geer lulle gaalí Fayam chia Midhaballá gaa ˈdiyeenká, hé minnééllá hí ye ki ekeychééllá úba gálaat ha gaalí geđia, giri min table gálaat ma gaa baađanyká, Yíésu hí gáál yie.

Matááyo 26:13 ပူးပေါင်းရင်းမြစ်များ

Matááyo 24:14

Tá Fayam Midhab-, Guch Waaˈgietallá les geer lulle ha gaalí gaa ˈdiyime, giri kidh met lulle hí mamaloká. Af kinaallá in biiy el met ˈdaˈdle ali kí ˈdeenne.

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Márko 13:10

Erkob Fayam chia Midhaballá gaalí kidh met lulle ki ˈdiiyeen.

Márko 14:9

Yú hí hé ˈdúwaká geeye, les geer lulle gaalí Fayam chia Midhaballá gaa ˈdiyeenká, hé minnééllá hí ye ki ekeychééllá úba gálaat ha gaalí geđia, giri min table gálaat ma gaa baađanyká, Yíésu hí gáál yie.

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

He Ekeny Gál Alb Fimiká 10:4

Aalé Kornélios hát binenenyká mú gaa dhaay, kieye, Máá Guđo, he meete? yie. Mu Kornélios ˈdéé hol ˈdú nie, kieye, Waag visankú ubaa hé kua gál he maamanká shigichoká hé Waag ká nyuore, tá Waag hé ko táb ˈdoˈdoot.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Korínto ki Naamaká 10:18

Máá innum Waaˈgietka ˈdúwaká hé máá íín ˈduuwle ma hogon-, Waag hí ˈduuwle hogotoká.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Tímote Erká 2:6

gálaat lulle ˈdaalleka, hol gusse-, gáál ríéllá. Hééllá he ˈdeeny ˈdúwa-, a leđugul Waag hí ki muˈdeká ali kí ˈdieká.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Kí Edhesiny 14:6

Aalé yú máá éíy taaka-, ˈgasso-, urru-, úr gaa seseen-, Fayam Midhab-, biiyoká gál les ˈdug ˈdú ijoká ki ˈdiyeenká arge. Máá kinaallá fayám kidhano ubaa émeeto tá gáláát afano hí hol ká eiyyeká lulle ki ˈdiiyime.