Matááyo 25:41 - Fayam Midhab Yiesu Kiristoká He Hol Af Iđiny Kaanaká

⁴¹ Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 25:41 ပူးပေါင်းရင်းမြစ်များ

Matááyo 13:40

Ísh gaalí met hol ki higidho-, gaalí ˈjiet gaa verenóóllá, hé kinaallá yaalmit Waag hí kúlích biiy el ˈdaˈdká gál ađaabano ˈguoká ki ekemeychoká.

Matááyo 13:42

gáál ˈjiet biiyoká hai fafaa. Hé kinaallá he ál gaalí gaa bebeen-, gaalí kach hol a met gaa ˈginianká.

Matááyo 13:50

gaal gál hé nyakarichká gaa seseenká ˈjiet biiyoká hai fafaa. Ál kinaallá he ál gaalí gaa bebeen-, gaalí kach hol a met gaa ˈginianká, Yíésú hí gáál yie.

Matááyo 18:8

Har gílkú yíekaʼ, ˈgáskú yíekaʼ, ko ađááb higilioka, ali gaa mur, lab. Luolmít gíl tikiˈd ubaa ˈgas tikiˈd ki hilleka kalat. Hát gilkú ubaa ˈgaskú alulle ˈgayyo-, tá Waag ko ˈjiet biiyoká ki lalaannóóllá ˈdeew.

Matááyo 25:42

Itín af giri yú kuoˈd ˈgieká, it ye hé geere ma shíiny. Báre ye chieská, it ye bie ma shíiny. Yú máá dheeˈgo onnoy-, les moonnoyká, it ye mé guđáan ma chéen.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Matááyo 3:12

Aaléka mu hé múchlé sííndí ki tutunoká gíl ká ˈguo. Mu sííndí tuneka, ál sííndí ki tune kinaal hai gaa hegedhe, sííndí buit hai faadhdha, tá sííndí metle íín ˈjiet ma kufuminyká hai gaa verene, Yuána hí gáál yie.

Matááyo 4:10

Yíésu đo Sátan geey, kieye, Sátan, ye innum gaa sí, Warˈgat Waaˈgiet hé hoteká kieye, Máá kua Guđo Waag tákámle viivíso, met gaa keekémo, he chie, Yíésu hí Sátan yie.

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Matááyo 7:23

Tá yú gáál il mé ha geđia, It halúg hé Waag hí ma fedinyká gaa seseennééllo! Yú yáá hí muog, ye met gaa sedhíe! ha yú gáál yeedhe.

Lúka 13:27

Kor mu íín haí geđia, It ađaabano gaa seseennééllá ye gaa sedhíe! Yáá alb hí gáá chimieká muog, haí yeedhe.

Lúka 16:24

Aalé mu Abirááyam vie, kieye, Baabá, Abirááyam, geer hí ko ye ˈdú guat, Lasááro ali gáá káab, muí gúmúríny mé er bie ki gadho, hí ye ére bie đig ki yeet, gon hé tág ye boloyye, yie.

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Dhesaloníke ki Naamaká 1:7

Héétí Waag it hí maanyjayyóóllá ubaa nyííni nyí maanyjayyóóllá manyjasiny kúnnaallá yé hai gáál gáá ˈdeđicha. Bár giri hé kinaal ali kí ˈdeenká he bár giri Máá Guđo Yíésu úr yé gáá ˈdeen-, gállé ˈgassiet-, urru-, muí fargogínt shieká hol ká egeetká.

Dhesaloníke ki Naamaká 1:9

Gáál héllé il hí aargiˈdoká he taalle bííyyo gaal maanyjaw-, Waag innumle ubaa guchlé fargogiyyoká gaa ˈgiisatká.

Héberew 6:8

Lés hii tákámle hí gáá ˈdeˈdeenká hé ˈdúúw mán. Máá hí fieká ál ˈjóbo hí ki waaˈgata, hí jiet gaa verene.

Bétiro ki Naamaká 2:4

Kíssóótíka, Waag hé gállé urru-, ˈgasso-, hí el af gaa tammeká ma hâny, hé gáál ál gaa dhát-, gaa ˈdér-, kúlích ˈdéé ki iđinyká hátlé ali ma kí ˈdíinyká gálaat hí ki maanyjawká ki hiigite.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.