Matááyo 25:34 - Fayam Midhab Yiesu Kiristoká He Hol Af Iđiny Kaanaká

³⁴ Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 25:34 ပူးပေါင်းရင်းမြစ်များ

Matááyo 13:35

Yíésu hát hibietallá nyesebich geeyallá ˈdeeny héle máá Waag hí ˈdeem ka shigicheká hí hodheká ˈduway, giri kieye, He hát hibiet-, he hol ki ekenyká gálaat ha yú geđia, hé Waag hátlé lés ma ka kúóninyká kaany gaa ijeká ha yú hogodho, chieká.

Matááyo 19:29

Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Matááyo 20:23

Yíésu gáál geey, kieye, Hé ˈduwa, kulu chiallá úba haí igianna, tá gíl ˈdaa chia naanietká ubaa gíl ˈdaa chia ˈjíbachká yíéđinyle, hé yú ma ká mumuriny. Alb kinaallá hé gállé ˈJaachú hí tág ki nieká ˈgayyo, Yíésu hí gáál yie.

Matááyo 21:5

Ini Siyon hatallá geeyyíe, Bá dháash, kánsíchkú hé ko ˈdu gáá yimie. Mu hé tág abunaʼ, mu hé ól kírífínyiká ˈdu gáá yíéđie, yieká.

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Matááyo 25:23

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 25:41

Aalé mu ede hí gíl ˈdaallé ˈjíbach ijoká hai geđia, kieye, It Waag hí điitéel! Ye láá gaa kée, sedhíe, ˈjiet biiyo-, Waag hí Sátan ubaa gállé ˈgassoká met tág koyyeká hiláa.

Matááyo 27:37

Yuoy hé gaalí mú ˈdú ˈgiliˈgay-, gaalí ˈgór ˈdug gaa veere-, kieye,hééllá yíésu, kánsích yuuˈdi, chieká, ˈgór đarám yaal-, mú ˈdú ˈdoyyeká mé ˈdug ki ˈdoyye.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 5:19

Aaléka, máá hemuumuritééllá hemuritlé ninniká tikiˈd gaa ˈdeeneyo-, tá gálaat yaalmit kinaal ki oonisuoká, máá kinaallá Guch Waaˈgietka, máá biiy el ˈdaˈdká ha gaalí gaa yeedhe. Tá máá hemuumurít lulle tág chirat-, yaalmit kinaal gálaat oonisuoká, máá kinaallá Guch Waaˈgietka, máá guđoká ha gaali gaa yeedhe.

Márko 10:17

Aalé Yíésu ˈgíéríchlé gaa igireká mú tikiˈd hí ˈdú gáá ˈdodhdhe, mu Yíésu ˈgas met les kurram gaa ˈdoy, mú yiete, kieye, Máá ˈdúwa-, gálaat he oonisúóllo, yú háte ˈdeeme, giri yú luolmit biiyoká aargiroká? yie.

Márko 10:40

Tá gíl chia ˈdaa naanietká ubaa gíl chia ˈdaa ˈjíbachká yíéđinyle hé yú ma ká mumuriny. Alb kinaallá hé gállé Waag hí tág ki niiyyeká ˈgayyo, muí gáál yie.

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Lúka 11:50

Ameeny Waag les ká kuonneká gál burnay-, Waag hí ˈdeem ka shigicheká gaalí yies. Gál kinaallá fasamle nyuogimle gál barallóóllá Waag luut haí ki ređicha.

Lúka 12:32

Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.

Lúka 19:38

kieye, Kánsích meeny Máá Guđo Waag kí yimíéllá ebá Waag hí ˈdú ˈguunúánne! Ur naanná! Waag Úr Iđoká kí meeyo, gaalí yie.

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 12:13

Aalé gaal kulidh muˈde, fuadhe, mú agim nadhe, af úr ki eey, kieye, Waag hé gáál ˈdú ˈjiiyye! Máá meeny Máá Guđo Waag kí yimie-, Kánsích Yisirayelallá ebá Waag hí ˈdú ˈguunúánne! gaalí yie.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 19:15

Gaal đo kúóˈd ˈdoy, kieye, Mú állá gaa ée! Mú állá gaa ée! Mú ˈgór đarám yaalká ˈdug ˈdú yiesíe! gaalí yie. Aalé Bilááto gáál heete, kieye, Kánsích kíchia yú ˈgór đarám yaalká ˈdug ˈdú yegese? gáál yie. Gál guguđo-, suoryoká kieye, Kánsíchkínyo he Káísar, nyáá nyí kánsích éíy taaka mán, gaalí mú yie.

He Ekeny Gál Alb Fimiká 3:26

Aalé Waag gédéchle gáál hurt yé gáá ˈdeeycheká in erkob muí itín ali ˈdú gáá kaay, giri muí ˈdú ˈjeˈjeen-, lulkícho muí ˈgierim kíchia ˈdeđewká af gáá tatuoká, Bétiro hí gáál yie.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Korínto Erká 15:50

Nyaaramchú, hé yú hogodhoká hééllá: Gón kúnnaa ke ˈgúóllá hé Guch Waaˈgiet ma higiliny, héétí hé kufunan-, mooˈdowká hé ál luolmit biiyóótíá úba ma lileny.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Korínto Erká 6:9

Tá gál hé ˈdúwaká ma gaa seseminyká hát Guch Waaˈgiet ma higilinyká it múog? Aaléka, ha máádhat hí nyimísan, gál herginy buraaká gaa seseenká, gál waagam hódhoká vivisatká, gál hol ˈdú hergisanká, héétí herginy gál hol ki yaabká hí hol hergisanká gálle hé Guch Waaˈgiet ma higiliny.

Galátia 5:21

gajálti, bersh famíti, ubaa herginy kern mantiká, tá hé éíy taaka ˈdeđew-, hatalloká ekeny. Hát giri yú hí il gíl gaa helieká, yú hí geđi geeye, gál yaalmisanóóllá gaa seseenká hé Guch Waaˈgiet ma higiliny.

Eféso 5:5

Hééllá hát ˈduuwawká onnóo: Máá herginy gorramká ubaa babát gaa seseenká, tá máá gajált ˈguoká, hé Kirísto ubaa Waag guchle aˈjibáát ma gaa aargiriny. Máá hé ˈdeđewallá gaa seseenká he waaglé hote.

Dhesaloníke Erká 2:12

Hé ke hí chuchure, ke hí gogofsie, ke hí af tatie, giri hí innum Waaˈgiet hát ˈduwantiká gaa iđoká. Waag íínííllá hé hí guchle ubaa ˈduuwle kí viiyye.

Tímote ki Naamaká 2:12

Muun ke mé ki chirteka, mú guchle áwle mú he ˈgarro ke hol mumura. Muun ke mú điidheka, mu úba hai gáál điidhma.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 4:3

Tá múúni ke Fayam Midhaballá iiy yegetallá hé ke ál him ki nimííllá higilo. Tá gál Waag iiy ma yéenká ˈdaalleka, Waag kieye, Yú idhane, hol ˈdodhdhe, Gálallá hé ál chia him ki nimííllá ma higilinyo yú yie, Waag hí chie. Tá ál him ki nimííllá af giri les ká kuoniny hújíchle Waag gaa đuyyeká hé ali iđe.

Héberew 9:26

Kirísto hát gál méte suoryóótíá onnônyka, af kinaalka biiy mé gáá koonle tá ˈjíig káána đigallá af burnayká he ki maanyjay, ki kufume. Aalé káána-, biiy el ˈdaalka mu ká yimie, hol a tikiˈd suor ki hoy, giri gálaat ađaabano ubaa nyuogim gaa egewká.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 1:9

Héétí iiy yeen kíchiallá hélle it aargiˈda. Iiy yeenkícho héllé kinaallá he rúbách sidhamkícho.

Bétiro Erká 3:9

Haí hé ˈdeewká héllé ˈdeewká akaˈd madîny, muuninyka, chaarim haí chaarimle akaˈd madîny. Hé ˈdeewká Waag ki vím akaˈd madía. Hééllá ˈdugaka in Waag hí ká viiyye, giri hí ˈdú ˈguunnuminy Waaˈgiet aargiˈdaká.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 17:8

Bíních kuuní argiyyééllá hé kis ali ije, kor káána hé mán, tá bár ˈdaatika ˈguoˈd gaa ˈdér-, el mé mánká yé hai gáá ˈdeeme, állé he il hí gaa aargiˈdoká mé hai nannaa. Aalé gál les ˈdú ijo-, Waag hátlé les ma ka kúóninyká meetle Waag hí warˈgat luolmitiká ma gaa véérinyká bíních kach ˈguo-, kis ali ije-, tá kufe-, geđi yé ka ˈdeˈdeenká argeka he af hai ˈdaaba.

Kí Edhesiny 19:16

Mú gielle ubaa mú gúbúsle meeny Waag hí gaa veeˈdeká he kánsích kansím lulle mé ki yaalká.

Kí Edhesiny 21:7

Máá hé lesietká ká adhatká hé yú hogodhóóllá hai aargira, yú mú Waagle hai yeedhe, mu íín veelchú hai yeedhe.

Kí Edhesiny 5:10

Tá kó gálallá gál guchkú léká ubaa gál Waag hujich ki nannuoká hoyche. Gálallá lesso he gaa mumura, aar hí yie.