Matááyo 25:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu geđi lalille hatal geey, kieye, Bár kinaal Guch Uratiká hát yaalmit hada tomon nyátáálle shuunne-, máá egeetká bííyle mé nieká he hol ki egínta.

Matááyo 25:1 ပူးပေါင်းရင်းမြစ်များ

Matááyo 13:24

Aalé Yíésu hib éíy taaka he hol ki ekenyká gálaat geey, kieye, Guch Uratiká yaalmit ki égká he hát máá ár midhabká lésle gaa fieká.

Matááyo 13:31

Yíésu geđi hib éíy taaka he hol ki ekenyká gálaat geey, kieye, Guch Uratiká yaalmit ki égká he hát heert ninni-, máá les fafuoká hí eedhdhe-, hí lésle gaa fafuoká.

Matááyo 13:38

Les ˈguom hí gáá igitoká íín he lés ke ˈdú ijóóllá. Ár midhabká íín he gál Guch Waaˈgiet léká. Iish íín he kídhích kúnnaa Sátan gállé.

Matááyo 13:47

Guch Uratiká úba yaalmit ki égká he hát mas gaalí bás ki layka, béé met lulle ka ˈgiiliˈgaw-,

Matááyo 20:1

Aalé Yíésu gáál hibééllá geey, kieye, Guch Uratiká héllé hol ki égká he yaalmit máá lésle ˈguor saanoká hí gaa ˈgie-, bur a midhab kie-, gál hí léslé kinaal hujich gaa nannuoká ˈgas ˈgeˈgedheká.

Matááyo 22:2

Guch Uratiká yaalmit ki égká he hát máá kansich een inyleka gálaat gólol tág ki koyká he ká taalla.

Matááyo 25:7

Aalé hada giri tomonká lulle les gaa kie. Gaal nyátáálle tagano kokodhdhe-,

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Matááyo 5:16

Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Matááyo 9:15

Yíésu gáál ˈdéé hol ˈdú nie, kieye, máá eedhdheká háteeye gál shien ki kiere-, he hol af ijoká geer hí gaa ˈdeđendhe? Hé ger hí ma gaa ˈdeđenen. Kúlích máá eedhdhe kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita.

Yuána 18:3

Aalé Yúúˈdas, yuoy ubaa gál ˈBíl Waaˈgietká ˈdedeen-, giri gál guguđo-, suoryoká, ubaa gál Farisaay hí ali ka fieká eedhdhe. Gaal nyátáá ubaa kat ˈjiet hí gaa boloonnoká, tá ˈgulo shuunne, ál kinaal mé nie.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

He Ekeny Gál Alb Fimiká 20:8

ˈBíl ki seđe-, biiy ˈdug ˈdú yiel-, nyí hol ˈdú iđeká nyátáá burnayyeká hí gaa boloonne.

Korínto Erká 11:2

ˈDaa giri hí ye aadh lulle táb ˈdoˈdoot-, he onisiny yú hí onisie-, yú hí af kí hayká hátle hí ki taalallá, yáá tág hí meey.

Korínto ki Naamaká 11:2

Yú hinaaf Waag hí ˈdaakícho ka ˈgayyoká úba ˈgaa. Itín hát ini ˈdúwa-, yú máádhat đarm kí sidheká. Máá yú hí đarm kí sidhe kinaallá he Kirísto.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.

Kí Edhesiny 19:7

ˈDaa giri kúlích Eliny hí gaa egeetká ali kí ˈdiiyye-, mu inillé egeetká tág ká ˈdiiyyeká, kí geyyuo, ger hí gáál gaa meet, kí mú ˈdúúw shuo.

Kí Edhesiny 21:2

Aalé yú ˈjien Waaˈgiet-, Yerúsalemlé-, kaana-, hát ini gaalí bukay-, gaalí bélle shiguokáka ur Waaˈgiet gáá leletoká arge.

Kí Edhesiny 21:9

Aalé gál ˈgasso-, urru-, tiiya-, giri kedm tiiya-, hé biiy el ˈdaˈd-, tiiya-, hé gálaat ki ˈdeewká hí koch kochká ˈgieká mú tikiˈd ye ˈdu gáá yimie, ye geey, kieye, Káde, yú ko ini giri Élíny minle chegetká ká argisia, ye yie.

Kí Edhesiny 4:5

Kara guchi kinaal édhúm birgachle gogo-, yaarít ubaa ˈgeˈget fargogoká hí yé gáá ˈdie. Kára metle nyátáá tiiya-, gaalí ˈjiet gaa iđimuoká hí gaa boloyye. Nyátáá tiiya kinaallá he hím naasan tiiya-, Waaˈgietká.

Kí Edhesiny 8:10

Aalé máá ˈgasso-, urru-, ki seđeká faˈdle ˈdoy, đo hidhint guđo-, hát ˈjietka boloonneká úr gáá ˈjiiyye, warram ubaa haˈdam met ˈdinnamlé seđeká mé ˈdíne tikiˈd les gaa ˈdoyye.