Matááyo 24:42 - Fayam Midhab Yiesu Kiristoká He Hol Af Iđiny Kaanaká

⁴² Aaléka, met hí ˈdú ˈgie, yáá Máá kíchia Guđóóllá kúlích gáá ˈjeˈjeenká ití muog.

Matááyo 24:42 ပူးပေါင်းရင်းမြစ်များ

Matááyo 24:36

Yíésu geđi lalille geey, kieye, Tá kúlích kinaallá ubaa aadh ˈgásle Waag gállé ˈgasso-, urruká yíekaʼ, yáá Ínyííl yíekaʼ, hé máá níínní hí ogká mán. ˈJaachú tákáma hí og.

Matááyo 24:43

Tá máá ˈbíl léká kúlích máá buraalléká hí gáá yiimetká onnônyka, mu hát me hí ˈdú yaal-, ˈbílle máá hí el fufuro-, hí gaa buruanká mánká it óg.

Matááyo 24:44

Aaléka, itín úba tagano ˈdée! Yáá Iny Máádhátallá aadh ˈgás hí ye ki muogká ha gáá ˈjeeme, Yíésu hí gáál yie.

Matááyo 25:10

Aalé hada giri đéeská kie, salab ˈdú made. Gaal hátle biiy ki laʼ, máá egeetká đo ali kí ˈdie, hada giri ˈdaallellé-, tagano ˈgieká đo mú hol eedhdhe, ˈbíl gaalí shien gaa kokuoká hol ˈgar hile, ˈbíl đo gaalí af gaa koy.

Matááyo 25:13

Aalé Yíésu hibéél beeteká, gáál geey, kieye, Itín úba tág ˈdée, Máá kíchia Guđoká kúlíchlé gáá yiimetká ubaa aadh ˈgáslé gáá ˈjeenká it muog, gáál yie.

Lúka 21:34

Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Róóma 13:11

Aaléka, ˈdaa giri báral hát ka beeyyeká hí ógká, ram gaa kée, in banáa. Bár ke Kirísto iiy yieká fag, kúlích muí gáá ˈjeˈjeen-, muí muun gáál gaa ririanká ˈjob.

Korínto Erká 16:13

Aaléka, in banáa, iiy yeenkícho tagano gaa ˈgée, nyaa liledhíe, fargoogóo.

Dhesaloníke Erká 5:6

Aaléka, hát gáál ˈbáál ram hí ˈdú ˈjeˈjeennóólláka, ha ram gáál ˈdú ˈjíiny. Kí in bano, met hí gáál ˈdú ˈgie.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Kí Edhesiny 16:15

Yíésu kieye, Bá dhaayyíe, yú hát máá buraallé-, aadh ˈgas hí muogká gáá ˈjeˈjeenká ha gáá ˈjeeme, yie. Máá ˈdeyeen-, đafaraamle ˈguo-, giri gele mantle gálaat hí ma aargiriny-, kern hí ma ˈgiˈginká ebá Waag hí ˈdú ˈjiiy!