Matááyo 24:31 - Fayam Midhab Yiesu Kiristoká He Hol Af Iđiny Kaanaká

³¹ Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Matááyo 24:31 ပူးပေါင်းရင်းမြစ်များ

Matááyo 13:41

Kúlích biiy el ˈdaˈd kinaallá yáá Iny Máádhátallá gál chia ˈgasso-, urruká ali ha ká fafaa, gaal Guchchú gál gálaat ađaabano met ki kokuoká ubaa gál hé gaa nyakarichká gaa seseenká lulle hollo hol ˈdú shuguna,

Matááyo 24:22

Tá Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá Waag iraam haí rianna.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 24:32

Ebá kinnach ˈdímlé ka ˈdeˈdeenká kí he gaa onnot. Kinnach kolm éíy taakaká ubaa gurf ká layka, it af saano hí gaa higisoká hát ka ˈjobonteká óg.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Márko 13:27

Mu gállé ˈgasso-, urruká ali hai ká fafaa, gaal mu gállé waaˈdeká biiy ˈdinnam afuraalle hollo hol ˈdu gáá shuguna, ˈjíig biiy lulle a metlé ki taalká đig.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Yuána 11:52

tá gál Yuuˈdi tákámle ma ˈdú kufuminy-, um Waaˈgiet les lulle eiy bash ki yieká úba ˈdú kufunan-, gáál hol ˈdu gáá shuguno-, gáál tikiˈd hođuoká, ta muí hélle huogodhe.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Korínto Erká 15:52

Hééllá he af giri faˈd biiy el ˈdaˈdká úr gáá sheennoká. Af giri faˈd kinaal sheennoká, gál kufeká Waag uushim yiem haí gáá ˈdeđicha, gaal hé geđ ma kufuminy, lulkúnno hát in hol ki ˈdony af hí tikiˈdekáka hollo ko hol gaa soromo.

Dhesaloníke Erká 4:16

Máá kúnnaa Guđóóllá dhúrle úr hai gáá yiimedhe, kóˈd guđo-, hemurít ˈguoká úr yé hai gáá ˈdeeme, mu máá méte urru-, gassoká afle ubaa faˈd Waaˈgiet shímle hai kí yiimedhe. Tá gál Kirísto iiy yie-, kis mán yieká er uushim yiem hai gáá ˈdeeme.

Dhesaloníke ki Naamaká 2:1

Nyaaramkínyo, ˈdaa Máá kúnnaa Guđo Yiesu Kirísto hol ká naanle ubaa múún gáál hol ˈdú gáá shuunanle ˈdéé hótle ˈdaalleka, gillo yú hí ki efe,

Héberew 12:19

It ál faˈd shímle ubaa ˈdéé hót hí yé gáá ˈdeˈdeennoká ma ˈdú gáá chímen. Af giri gál Yisirayel Waag ˈdeenyle Gúm Sanai yé gáá ˈdeˈdemeká maaleká, gáál sierm hí faanne, gaal Móshe gil ki efe, giri Waag geđi gáál ma ká geđinyká.

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 7:1

Hééllá el ˈdaal gál ˈgasso-, urru-, afur-, les met ˈdinnam afuraalle ˈgie-, wááních biiy ˈdinnam afuraalle gáá nannieká met gaa moy-, giri waanich les yíekaʼ, bás yíekaʼ, ˈguor yíekaʼ ma ˈdú ˈdaraminyká yú arge.

Kí Edhesiny 8:2

Aalé gál ˈgasso-, urru-, tiiya-, aadh lulle Waag met ˈgieká yú arge. Gáál gaalí faˈd tiiya eiy taat shie.