Matááyo 24:24 - Fayam Midhab Yiesu Kiristoká He Hol Af Iđiny Kaanaká

²⁴ Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 24:24 ပူးပေါင်းရင်းမြစ်များ

Matááyo 22:14

Yíésu hibéél beeteká gáál geey, kieye, Gál ilishká hé Waag hí kieˈde, kor gál muí waaˈdeká hé iraam mánká, gáál yie.

Matááyo 24:11

Gál burnay hođomlé-, hol gál Waag hí ˈdeem ka shigichoká hođuo-, gálaat baađisuoká yiem hai ká ˈdeeme.

Matááyo 24:22

Tá Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá Waag iraam haí rianna.

Matááyo 24:25

Aaléka onnóo, yáá biiy hátlé đéém taalallá hí geey.

Matááyo 24:31

Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Matááyo 24:5

Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Gaal gál burnayká hai baađisia.

Matááyo 7:15

Gál hol gál Waag hí ˈdeem ka shigichoká ka hođuo-, hođomlééllá hol ˈdeeˈdemíe. Gál kinaallá ke dhaayka, wála ke yeedhe, kor íín he đányár ˈdeewká.

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Lúka 18:7

Waag íín hé gállé waarate-, hí chúúre ubaa kúlíchle ki bebeenká hé ˈdéé hát ˈdabaanká ma ki iđiminy? Mu hé gáál geer hí ma ˈdú guguan?

Yuána 4:48

Aalé Yíésu mú geey, kieye, Itín ˈdaab hé hí il ki aargiˈda-, hí af ˈdaˈdabsuoká hí ye ma gaa árginyká it ye iiy ma chegen, yie.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:39

Máá ye ali gáá kaayká hát he fedoká he gál muí ye gíl geer ká fieká mú tikiˈd úba hí ma gaa baađany-, kúlích biiy el ˈdaˈdká gáál lulle yú uushim yiem gáá ˈdeđuoká.

He Ekeny Gál Alb Fimiká 20:16

Báulo Eféso ma gáá náánallá, mu Yerúsalem ál ˈjob gaa higile-, ˈjíig ˈjila Bentekos el ˈdú higileká fede.

Róóma 12:18

Gálaat lúl hát hí uˈdoká hol naanná ki yíéđía.

Galátia 4:15

Aaléka, geer gaa meenkícho ále siete? Af giri ke hol ˈgieká yáá gon óg, máádhat héle hol in gáá babîny-, in máá eiy shigînyka, it onnônyká ye in kí biiyye.

Tímote ki Naamaká 2:19

Tá Waag ˈduuwle állé he taalla, hát ár ˈbíl hurt gaa yaal-, ma niinginy-, ˈdugle gaalí ˈdéé hót kieye, Máá Guđo Waag gál he léká hé óg, héétí, Ameeny máá Máá Guđo Waag vivisatká hí ađaabanolle hayo, chieká, gaa veereká.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Bétiro ki Naamaká 3:17

Aaléka, sheel chia yú gielallo, ˈdaa giri hééllá hí ógká, taganokícho ˈgée, giri gál halúg nyatalaam mánnallá hí ma baađisiny-, iiy yeen kíchia hí tág ki taalallá hí ma gaa riiteenká.

Yuána Erká 2:18

It đalbááyáállo, les el met ˈdaˈdle hé ká ˈjobonte. It máá Kirísto ka kidhichká hát ka ˈjeˈjeenká maalle. Tá káána ke gaa ijóóllá gál burnay-, Kirísto ka kídhká hé úba biiy ká hile. Hééllá ˈdaalleka in les el met ˈdaˈdle hát he ka ˈjobonteká ke og.

Yuána Erká 2:22

Máá hódholléká he mááya? He máá kieye, Yíésu hé Messíya muuniny, yegetká muunîny? Máá hatallóóllá he Kirísto kídhíchlé. Máállá ˈJaa kúnnaa Waag ubaa Inylé Kirísto lééllá he điidhe.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.