Matááyo 24:22 - Fayam Midhab Yiesu Kiristoká He Hol Af Iđiny Kaanaká

²² Tá Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá Waag iraam haí rianna.

Matááyo 24:22 ပူးပေါင်းရင်းမြစ်များ

Matááyo 22:14

Yíésu hibéél beeteká gáál geey, kieye, Gál ilishká hé Waag hí kieˈde, kor gál muí waaˈdeká hé iraam mánká, gáál yie.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 24:31

Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Márko 13:20

Tá Máá Guđo Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá hé Waag hí iraam riiyye.

Lúka 18:7

Waag íín hé gállé waarate-, hí chúúre ubaa kúlíchle ki bebeenká hé ˈdéé hát ˈdabaanká ma ki iđiminy? Mu hé gáál geer hí ma ˈdú guguan?

Róóma 9:11

Umééllá hátlé ma ka ˈdaláan-, hé midhabká ubaa hé ˈdeđewká ma ekênyká, gáál ˈjiellé Rebéka Waag hí geeyche, kieye, Um kuallá máá guđoká máá ninniká gédéchle hai yeedhe, chie. Hééllá hé kieye, máádhat héllé ekeyká ˈdaalle in Waag hí kí veveenne muuniny, Waag hátlé he feˈdoká in máádhat kí veveenne.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Bétiro Erká 1:1

Yú he Bétiro, máá ali gaa kaany-, Yiesu Kiristoká. Warˈgatééllá it Waag hí waarate-, hí lésallá ma lileny-, hí lés Bontos, lés Galatia, lés Kabaˈdosha, lés Asia, tá lés Bidhinia gaa iđáállá yú hí ˈdu gáá verene.