Matááyo 24:21 - Fayam Midhab Yiesu Kiristoká He Hol Af Iđiny Kaanaká

²¹ Af kinaallá manyjasiny súm ˈdeew-, ameeny Waag les ka kuonneká kálta gálaat il hí ma árginy-, tá gálaat geđi il hí ma aargirinyká biiy hai gáá ˈdeenne.

Matááyo 24:21 ပူးပေါင်းရင်းမြစ်များ

Matááyo 24:20

Waag roogonóo, bár hí kar gaa ˈdaraanno kinaal hai af ˈdeenyietká, muuninyka, Kúlích Hef ˈGisanká onnôny.

Matááyo 24:29

Manyjasiny bar kinaalloká el me hí ˈgidheka, aadh đo hai ongʼoroyye, ˈguiy đo édhum hai ˈdabe, hidhino đo úr hai gáá ookodmoˈde, Waag hé farguogo-, úr gaa ˈgieká hai muotisiche.

Márko 13:9

Tá itín hol ˈdeeˈdemíe, ar ha gaalí fafaa, ény ˈdiiyiminyká ha gaalí gaa tuuna. ˈDaachú ˈdugaka gál kaansúoká ubaa gál les met ki ˈgieká ha gaalí ˈdú egee. Gál kinaallá metle ˈduuwchú haí gaa hogoto.

Lúka 21:24

Kidh hátlé hol ká eiyyeká hai ká ruuma, gáál ˈbáál fado hai ki yeese, gáál ˈbáál hai ugunma, gáál léslé eiy hai ˈdú shugunna. Yerúsalem kidh mé ˈdug haí gaa seeme, ˈdaab kidh bárlé kinaal el me hí ma ˈgînká.

Dhesaloníke Erká 2:16

Gaal nyiin nyí gál gál Yuuˈdi muuninyká ki ˈdiyeenne-, gaal rubach aargiroká hé nyí gáá momoyo. Gáál yaalmitlééllá in gáál ađaabanolle hol ˈdú fafiyya. Tá héél el gaa igíˈdelle Waag idholle hé gaal íín ka nyuoˈde.

Kí Edhesiny 16:18

Aalé ir biirgime, ˈgeˈget đo sheesheenne, yaaˈde, les mootoonne. Les motiny hat kinaallóóllá ameeny gálaat Waag hí les ka koyyeká hé kálta máá hí argeká mán, hé tág guđo, kor úba súm ˈdeew.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.