Matááyo 24:14 - Fayam Midhab Yiesu Kiristoká He Hol Af Iđiny Kaanaká

¹⁴ Tá Fayam Midhab-, Guch Waaˈgietallá les geer lulle ha gaalí gaa ˈdiyime, giri kidh met lulle hí mamaloká. Af kinaallá in biiy el met ˈdaˈdle ali kí ˈdeenne.

Matááyo 24:14 ပူးပေါင်းရင်းမြစ်များ

Matááyo 10:7

Tá hí hol gaa seseennoká gálaat ki ˈdiiyimíe, Guch Waaˈgiet hé ká ˈjobonte, yiedhíe.

Matááyo 18:19

Geđi yú hí hé ˈdúwaká geeye, it lésallá ˈdú iđáállá, gáál naam hé hol af gáá veetká Waag ruogoneka, ˈJaa chia úr ijoká af haí veedhe.

Matááyo 24:3

Hééllá el ˈdaal, Yíésu Gúm Saano Salabká ˈdú yíéđie mú lalille tákámle mú ˈdú sedhe, mú yiete, kieye, Ebá nyí ka géesh, hééllá lulle bár máre he ali kí ˈdeeme? Tá kuun hol ka naankú ubaa biiy el met ˈdaˈdle bárlé ali kí ˈdeennoká meete yé ká ˈdeeme, nyí ki kiimisata? gaalí yie.

Matááyo 24:6

Oosom fayamle ubaa oosom hemle haí maalla. Tá haí bírginy! Hééllá yiem hai ká ˈdeeme, tá les el ˈdaˈdle hé geđ igiˈdo.

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 9:35

Aalé Yíésu ˈjien ubaa forim lulle gaa sedhe, mu gálaat énylé ˈdiiyiminyká Fayam Midhab Guch Waaˈgietká gaa ˈdiiyime, gálaat basham ubaa fursam met lulle gaa eey.

Márko 13:10

Erkob Fayam chia Midhaballá gaalí kidh met lulle ki ˈdiiyeen.

Lúka 2:1

Bár kinaal máá kansich les ger lulle mé ki yiel-, Káísar giri Agústo léká ˈdéé mure, giri gálaat lullé les gaa ijoká gaalí totoyoká.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Lúka 4:5

Hé kinaal elle Sátan geđi mú gúm ˈdug site, mú lésallá kamurle lúl a tikiˈd ki argisiche,

He Ekeny Gál Alb Fimiká 11:28

Gál kinaal mú tikiˈd máá gaalí Ágabos yegie mare les gaa kie, ˈdaa fargogint Hím Naasan Waaˈgietká les lulle hát kuoˈd ˈdeewká hí gáá ˈdeˈdeennoká ˈdiiyime. (Kuoˈd kinaallá af giri Kaláúˈdias giri Káísar léká he máá kansich onnoyká les gáá ˈdiiyye.)

He Ekeny Gál Alb Fimiká 17:31

Waag hé kúlích ˈdeeká taak koyye. Kúlích kinaallá máá muí gíl ki helieká ˈdeem hát ˈduwantiká gálaat eiy hai ki nannaa. Waag hééllá ˈduuwle hé gálaat lulle argisiche, hé máá kinaal uushich yé gáá ˈdeeyche, Báulo hí gáál yie.

He Ekeny Gál Alb Fimiká 17:6

Aalé gaal he gáál ˈdabeká gaal Yáson ubaa gál nyaaram mare ká ˈgiiliˈgay, gáál ˈjien gállé hí met ki ˈgieká ˈdú eey. Gaal kúóˈd ˈdoy, kieye, Léskúnno hé gál les lúl ˈdeeneyká hí kí fame,

He Ekeny Gál Alb Fimiká 19:27

Aalé hééllá hát muun gáál ki ˈgereká onnóo! Hújích kúnnaallá meenylé midhaballá hai baađaa, ˈbíl waag guđo-, Artémeslééllá gaalí gaa vivisatallá úba ˈdúúw hai ˈdaaba. Artémes íín giri gaalí lés Asíállá tá biiy lulle gaa vivisatallá tuuˈdle meenylé ˈdérallá hai gaanadha, muí gáál yie.

He Ekeny Gál Alb Fimiká 20:25

It giri yú hí hurt gaa seseme-, lulkícho yú hí Guch Waaˈgiet ˈdeenyle ki ˈdiiyimeká, hát máá níínní geđi ye aargiro-, mánká, yáá óg.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Héberew 1:6

Héétí Waag Inylé ˈdúwáállá les ká eeyyeká kieye, Gál ˈgasso-, urru-, Waaˈgietká lulle hí mú viivisato, he chie.

Héberew 2:5

Aalé lés kaana-, ka chiimetoká hé Waag hí gállé ˈgasso-, urruká mé ma ki kokony.

Kí Edhesiny 14:6

Aalé yú máá éíy taaka-, ˈgasso-, urru-, úr gaa seseen-, Fayam Midhab-, biiyoká gál les ˈdug ˈdú ijoká ki ˈdiyeenká arge. Máá kinaallá fayám kidhano ubaa émeeto tá gáláát afano hí hol ká eiyyeká lulle ki ˈdiiyime.

Kí Edhesiny 16:14

Aryaan seđééllá he aryaan gál ˈgasso-, Satan-, hé gálaat hí af ˈdaˈdaboká ekemeycho-, les lulle gállé kaansúoká af gaa verenno-, giri gál kaansúo kinaal ali tikiˈd hol mé ˈdú egeyyo-, Waag hol yegeská. Oosééllá Waag fargogínt lulle ˈgayyoká kúlíchlé guđoká he ali kí ˈdeenne.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.