Matááyo 23:8 - Fayam Midhab Yiesu Kiristoká He Hol Af Iđiny Kaanaká

⁸ Itín ˈdaa giri máá kíchia hí af tatuoká tikiˈde-, tá lulkícho hí hol nyaaramká, haí hol vevéminy, Máá kínyaa ˈdúwáállo, hí hol chégen.

Matááyo 23:8 ပူးပေါင်းရင်းမြစ်များ

Matááyo 10:25

Máá láliká har hát máállé hí he oonisuoká yieka, hé kinaallá hí faagsuo. Héétí gedech har hát máállé he hujich ki nannuoká yieka, hé kinaallá geerle hí gaa meet. Gálaat har máá ˈbíl mé ki yaalká chacharo-, mú Belsebul yegetka, gál ˈbil kinaalloká chaarim gaalí ˈdú muuroká ebá súm ˈdéen!

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 23:10

Héétí ˈdaa giri máá kíchia hí he oonisuoká tikiˈde-, Máá Waag hí kansím koyye-, Messíya lééllá tákámaká, ha itín mú tikiˈd gálaat hí vevéminy, Máá nyí he oonisúóllo, gaal hí yégen.

Matááyo 23:7

Gálallá alb hoyyoká gaalí naa gaa yeget-, gaalí veveen-, Gál kínyaa ˈduuwˈdúwáállo gaalí yegetká he fede.

Matááyo 26:25

Yúúˈdas giri Yíésu gál hí oos ˈguoká gíl geer gaa kakawká Yíésu heete, kieye, Máá gáál he oonisúóllo, he onnônyka hé yú muuninyáte? yie. Yíésu mú geey, kieye, Iiy-hí, he gon kúúni, yie.

Matááyo 26:49

Aalé Yúúˈdas đo Yíésu ˈdú sedhe, kieye, Máá gáál he oonisúóllo! yie, đo mú aˈdíne ˈdunge.

Márko 10:51

Aalé Yíésu mú heete, kieye, Meete ye gaa feˈde? yie. Máá giri in mánká kieye, Máá gáál he oonisúóllo, yú biiy gaa argiroká fede, yie.

Márko 11:21

Aalé Bétiro ˈdeeny giri kinnachká hí táb ká ˈjie, mu Yíésu geey, kieye, Máá gáál he oonisúóllo, ebá fúˈjig! Kínnách giri kuun hí he ki hoteká hé gogoy, yie.

Márko 14:45

Yúúˈdas ali kí ˈdieká Yíésu ˈdú sedhe, mú vie, Máá gáál he oonisúóllo! yie, đo mú aˈdíne ˈdunge.

Márko 9:5

Bétiro Yíésu geey, kieye, Máá gáál he oonisúóllo, hát ke állá gaa ijóóllá hé tág midhab. Ebá nyí lokoolom seđ ˈdita, lokóól tikiˈd lokoolkú, tikiˈd hí lokool Moshe, tikiˈd hí lokool Eliya, muí yie.

Lúka 22:32

Tá yáá ko Waag kí vite, giri iiy yeenkú mán ma chegenká. Tá kuun ye hayche-, kor ye hol ˈdu gáá naateka, nyaaramkú gúófsish, Yíésu hí mú yie.

Yuána 1:38

Yíésu hol gáá madeká gál naama-, hí el gaa igireká arge, đo gáál yiete, kieye, Meete hí feˈde? yie. Gaal mú yiete, kieye, Rábi, kuun in el mé ko ále? yie. (Rábi hélle kieye, Máá gáál he oonisúóllo.)

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 11:8

Gál láliká mú geey, kieye, Máá gáál he oonisúóllo, kuun kó káána gál Yuuˈdi ko waar ki tutuneká muunîny, geđi ál kinaallo seseenne? gaalí mú yie.

Yuána 20:16

Yíésu đo min vie, kieye, María! yie. María đo mú ˈdú suoyye, af Heberew ki ˈdayche, kieye, Rabóóni! chie. Rabóóni hélle kieye, Máá gáál he oonisuoká.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 3:26

gaal đo Yuána hol ˈdú eedhdhe, mú geey, kieye, Máá gáál he oonisúóllo, máá giri hí hol wár Yorˈdan in ˈdaatí hol gaa ˈgayye-, fayamle kuuní gálaat shigicheká, gálaat lulle hí ˈdú seeseme, gáál bie gim nannáat! gaalí mú yie.

Yuána 4:31

Min hátle biiy ki laʼ, Yíésu lalille hí geey, gaal kieye, Máá gáál he oonisúóllo, hé geere kom, gaalí mú yie.

Yuána 6:25

Aalé gaal Yíésu bás ílung ˈdaatí gaa argeká mú yiete, kieye, Máá gáál he oonisúóllo, amáre ál kí ˈjiiyye? mú yie.

Yuána 9:2

Yíésu lalille hí heete, gaal kieye, Máá gáál he oonisúóllo, máállá in mánt kí ˈdalidhééllá ííni ađaabano híléê, ebá gál hí ˈdaleká ađaabano hile, mú in mánt kí ˈdale? gaalí yie.

Korínto ki Naamaká 1:24

Iiy yeen kíchia hí Kirísto ka ˈgayyáállá ki iđinyle ˈdugaka he he ke hí ki mumura muuniny. Nyiin yiiró ke hí gaa chichiˈda, giri ger hí gaa memeetká. It aalé káánaka iiy yeenkícho tagano ki ˈgiiyya.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Eféso 3:15

ˈJaa kúnnaallá he máá gál úr gaa ijoká ubaa gál les gaa ijoká lulle yaalmit baabá hí yaalká aargisuoká.

Fílemon 1:16

Máállá érléká he gédéchkú, kor káána mu hé máá gedech ˈdú ˈdúwaká yie, mu he nyár kúnnaa ki gielká. Yáá tág mú geelnedhe, tá kuun hát mú dhúrle súm geelneto-, mú nyár kua Kiristoká úba ka geelnetoká yáá óg.

Yákob 3:1

Nyaaramchú, itín gúch haí gál gálaat he oonisuoká chéen. Múúni ki gálaat he oonisúóllá hát Waag gáál súm ˈdéé ki iđimichoká hé ki óg.

Bétiro Erká 5:3

Gál Waag hí gil ká fiiyyééllá haí hemuumurít mé gim níiny, gáál yaalmit midhab-, gálle gaalí ka ennianká aargisía.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 22:9

Kor mu ye geey, kieye, Ha hééllá ekêny! Hát káána kúún ubaa gál kua nyaaram-, Waag hí ˈdeem ka shigichééllá ubaa gál warˈgatééllá ˈdeenyle iiy yie-, el gaa igiróóllá hí Waag gede lééllá, yú úba he Waag gédéchlé. Waag tákámle méesh, yie.