Matááyo 23:7 - Fayam Midhab Yiesu Kiristoká He Hol Af Iđiny Kaanaká

⁷ Gálallá alb hoyyoká gaalí naa gaa yeget-, gaalí veveen-, Gál kínyaa ˈduuwˈdúwáállo gaalí yegetká he fede.

Matááyo 23:7 ပူးပေါင်းရင်းမြစ်များ

Matááyo 11:16

Tá gál barallóóllá meete yú hol ki ekemeye? Yú hí geeye, gaal hát um nigini-, alb himiká gaa ijo-, um eiy veveen-, kieye,

Matááyo 23:8

Itín ˈdaa giri máá kíchia hí af tatuoká tikiˈde-, tá lulkícho hí hol nyaaramká, haí hol vevéminy, Máá kínyaa ˈdúwáállo, hí hol chégen.

Matááyo 26:25

Yúúˈdas giri Yíésu gál hí oos ˈguoká gíl geer gaa kakawká Yíésu heete, kieye, Máá gáál he oonisúóllo, he onnônyka hé yú muuninyáte? yie. Yíésu mú geey, kieye, Iiy-hí, he gon kúúni, yie.

Matááyo 26:49

Aalé Yúúˈdas đo Yíésu ˈdú sedhe, kieye, Máá gáál he oonisúóllo! yie, đo mú aˈdíne ˈdunge.

Márko 10:51

Aalé Yíésu mú heete, kieye, Meete ye gaa feˈde? yie. Máá giri in mánká kieye, Máá gáál he oonisúóllo, yú biiy gaa argiroká fede, yie.

Márko 11:21

Aalé Bétiro ˈdeeny giri kinnachká hí táb ká ˈjie, mu Yíésu geey, kieye, Máá gáál he oonisúóllo, ebá fúˈjig! Kínnách giri kuun hí he ki hoteká hé gogoy, yie.

Márko 12:38

Aalé Yíésu gáál he oonisieká kieye, Gál nyatalaam halúg đafaraam ˈdeˈdier les đigká fafaat-, gálaat in gaa muurshaw-, tá gaalí alb hoyyoká naa gaa yegetká fedóóllá, hol ˈdeeˈdemíe.

Márko 14:45

Yúúˈdas ali kí ˈdieká Yíésu ˈdú sedhe, mú vie, Máá gáál he oonisúóllo! yie, đo mú aˈdíne ˈdunge.

Márko 9:5

Bétiro Yíésu geey, kieye, Máá gáál he oonisúóllo, hát ke állá gaa ijóóllá hé tág midhab. Ebá nyí lokoolom seđ ˈdita, lokóól tikiˈd lokoolkú, tikiˈd hí lokool Moshe, tikiˈd hí lokool Eliya, muí yie.

Lúka 11:43

It Farisaayallo, onnóo! Itín it tág ény ˈdiiyiminyká karmlé biiy met ˈgieká ˈdú yíéđianká feˈde. Héétí alb himiká hí gaa seseenne-, gálaat hí naa yegetká tág it úba feˈde.

Yuána 1:38

Yíésu hol gáá madeká gál naama-, hí el gaa igireká arge, đo gáál yiete, kieye, Meete hí feˈde? yie. Gaal mú yiete, kieye, Rábi, kuun in el mé ko ále? yie. (Rábi hélle kieye, Máá gáál he oonisúóllo.)

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 11:8

Gál láliká mú geey, kieye, Máá gáál he oonisúóllo, kuun kó káána gál Yuuˈdi ko waar ki tutuneká muunîny, geđi ál kinaallo seseenne? gaalí mú yie.

Yuána 20:16

Yíésu đo min vie, kieye, María! yie. María đo mú ˈdú suoyye, af Heberew ki ˈdayche, kieye, Rabóóni! chie. Rabóóni hélle kieye, Máá gáál he oonisuoká.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 3:26

gaal đo Yuána hol ˈdú eedhdhe, mú geey, kieye, Máá gáál he oonisúóllo, máá giri hí hol wár Yorˈdan in ˈdaatí hol gaa ˈgayye-, fayamle kuuní gálaat shigicheká, gálaat lulle hí ˈdú seeseme, gáál bie gim nannáat! gaalí mú yie.

Yuána 4:31

Min hátle biiy ki laʼ, Yíésu lalille hí geey, gaal kieye, Máá gáál he oonisúóllo, hé geere kom, gaalí mú yie.

Yuána 6:25

Aalé gaal Yíésu bás ílung ˈdaatí gaa argeká mú yiete, kieye, Máá gáál he oonisúóllo, amáre ál kí ˈjiiyye? mú yie.

Yuána 9:2

Yíésu lalille hí heete, gaal kieye, Máá gáál he oonisúóllo, máállá in mánt kí ˈdalidhééllá ííni ađaabano híléê, ebá gál hí ˈdaleká ađaabano hile, mú in mánt kí ˈdale? gaalí yie.